Yolgʻiz keksalar, pensionerlar va nogironlarga ijtimoiy yordam koʻrsatish tartibiga oʻzgartirishlar kiritish haqida (900-1-son)

22.09.2010

Oʻzbekiston Respublikasi Mehnat va aholini ijtimoiy muhofaza qilish vazirining

buyrugʻi

[Oʻzbekiston Respublikasi Adliya vazirligi tomonidan 2010-yil 22-sentabrda roʻyxatdan oʻtkazildi, roʻyxat raqami 900-1]

Oʻzbekiston Respublikasi Prezidentining 2009-yil 30-dekabrdagi PQ–1251-son “Oʻzbekiston Respublikasi Mehnat va aholini ijtimoiy muhofaza qilish vazirligi tuzilmasini takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2009-y., 52-son, 562-modda) muvofiq shuningdek mehnat, bandlik va aholini ijtimoiy muhofaza qilish siyosatini amalga oshirishni yanada muvofiqlashtirish maqsadida buyuraman:

1. Yolgʻiz keksalar, pensionerlar va nogironlarga ijtimoiy yordam koʻrsatish tartibiga (roʻyxat raqami 900, 2000-yil 23-fevral) (Oʻzbekiston Respublikasi vazirliklar, davlat qoʻmitalari va idoralarining meʼyoriy hujjatlari axborotnomasi, 2000-y., 4-son) ilovaga* muvofiq oʻzgartirishlar kiritilsin.

* Ilova rus tilidagi matnda berilgan.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Vazir A. XAITOV

Toshkent sh.,

2010-yil 25-avgust,

160-P-son