Oʻzbekiston Respublikasi banklarida arxiv ishlarini yuritish toʻgʻrisidagi qoidaga oʻzgartirishlar va qoʻshimcha kiritish haqida (841-1-son)

08.09.2010

Oʻzbekiston Respublikasi Markaziy banki boshqaruvining

Qarori

[Oʻzbekiston Respublikasi Adliya vazirligi tomonidan 2010-yil 8-sentabrda roʻyxatdan oʻtkazildi, roʻyxat raqami 841-1]

Oʻzbekiston Respublikasining “Oʻzbekiston Respublikasining Markaziy banki toʻgʻrisida” (Oʻzbekiston Respublikasi Oliy Majlisining Axborotnomasi, 1995-y., 12-son, 247-modda) va “Arxiv ishi toʻgʻrisida”gi (Oʻzbekiston Respublikasi qonun hujjatlari toʻplami, 2010-y., 24-25-son, 192-modda) qonunlariga muvofiq Oʻzbekiston Respublikasi Markaziy banki Boshqaruvi qaror qiladi:

1. Oʻzbekiston Respublikasi Markaziy banki tomonidan 1999-yil 21-avgustda tasdiqlangan 147-sonli “Oʻzbekiston Respublikasi banklarida arxiv ishlarini yuritish toʻgʻrisidagi Qoida”ga (roʻyxat raqami 841, 1999-yil 25-noyabr) ilovaga muvofiq oʻzgartirishlar va qoʻshimcha kiritilsin.

2. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Markaziy bank raisi F.M. MULLAJONOV

Toshkent sh.,

2010-yil 14-avgust,

27/1-son

Oʻzbekiston Respublikasi Markaziy banki Boshqaruvining 2010-yil 14-avgustdagi 27/1-son qaroriga ILOVA

Oʻzbekiston Respublikasi banklarida arxiv ishlarini yuritish toʻgʻrisidagi Qoidaga kiritilayotgan oʻzgartirishlar va qoʻshimcha

1. Muqaddimada “Arxivlar toʻgʻrisida”gi” degan soʻzlar “Arxiv ishi toʻgʻrisida”gi” degan soʻzlar bilan almashtirilsin.

2. 4.35-band quyidagi tahrirdagi ikkinchi xatboshi bilan toʻldirilsin:

“Arxiv hujjatlarini kirib koʻrish foydalanuvchiga ilmiy-maʼlumotnoma apparatini, shuningdek tegishli arxiv hujjatlarini yoki ularning koʻchirma nusxalarini taqdim etish orqali taʼminlanadi.”.

3. 6.2-bandda “Oʻzbosharxiv” degan soʻz ““Oʻzarxiv” agentligi” degan soʻzlar bilan almashtirilsin.

4. Mazkur oʻzgartirishlar va qoʻshimcha Oʻzbekiston Respublikasi Vazirlar Mahkamasi huzuridagi “Oʻzarxiv” agentligi bilan kelishilgan.

Oʻzbekiston Respublikasi Vazirlar Mahkamasi huzuridagi “Oʻzarxiv” agentligi Bosh direktori A.X. ABDULLAYEV

2010-yil 28-avgust