2002-yilda gʻoʻzani plyonka ostida oʻstirish masalalari toʻgʻrisida (416-son)

23.10.2001

Oʻzbekiston Respublikasi Vazirlar Mahkamasining

qarori

[Koʻchirma]

Chigitni plyonka ostiga ekkan holda Andijon texnologiyasi boʻyicha hosil yetishtirish asosida paxtachilik samaradorligini oshirish, shuningdek 2002-yil hosili uchun xoʻjaliklarni polietilen plyonka bilan oʻz vaqtida taʼminlash maqsadida Vazirlar Mahkamasi qaror qiladi:

1. Oʻzbekiston Respublikasi Qishloq va suv xoʻjaligi vazirligi, Makroiqtisodiyot va statistika vazirligining Qoraqalpogʻiston Respublikasi Vazirlar Kengashi, viloyatlar hokimliklari bilan kelishilgan plyonka ostiga chigit ekish va 2002-yil hosili uchun xoʻjaliklarni polietilen plyonka bilan taʼminlash boʻyicha taklifi 1-ilovaga muvofiq qabul qilinsin.

2. 2002-yilda chigit ekish uchun polietilen plyonka ishlab chiqaruvchi zavodlarni xomashyo (granulalar) bilan taʼminlash grafigi 2-ilovaga muvofiq tasdiqlansin.

3. Oʻzbekiston Respublikasi Tashqi iqtisodiy aloqalar vazirligi:

“Oʻzkimyosanoat” kompaniyasi va Andijon viloyati hokimligi ishtirokida “Andijonpolietileni” qoʻshma korxonasida (6,5 ming tonna) va “Jizzax-plastmassa” aksiyadorlik jamiyatida (2 ming tonna) polietilen plyonka ishlab chiqarish uchun 8,5 ming tonna granula yetkazib berish yuzasidan oʻn kun muddatda tender oʻtkazsin;

2002-yil 1-fevralgacha 2,85 ming tonna tayyor plyonkani belgilangan tartibda import boʻyicha xarid qilsin va 1-ilovaga muvofiq viloyatlar boʻyicha xoʻjaliklarga yetkazib bersin.

4. “Oʻzkimyosanoat” kompaniyasi, Andijon viloyati hokimligi tender oʻtkazilgandan keyin bir hafta muddatda 15,8 ming tonna polietilen granulasi yetkazib berish yuzasidan Shoʻrtan gaz-kimyo kombinati bilan kontraktlar va shartnomalar tuzilishini taʼminlasinlar, shundan:

“Jizzax-plastmassa” aksiyadorlik jamiyati uchun — import boʻyicha 2 ming tonna va Shoʻrtan gaz-kimyo kombinatidan 6,1 ming tonna;

“Andijonpolietileni” qoʻshma korxonasi uchun — import boʻyicha 6,5 ming tonna va Shoʻrtan gaz-kimyo kombinatidan 1,22 ming tonna;

1-ilovaga muvofiq hajmda polietilen plyonka ishlab chiqarilishini va paxta yetishtiruvchi xoʻjaliklarga oʻz vaqtida keltirilishini tashkil etsinlar.

6. Mazkur qarorga muvofiq import boʻyicha keltirilayotgan 2,85 ming tonna tayyor polietilen plyonka va 8,5 ming tonna polietilen granulasi bojxona toʻlovlari toʻlashdan ozod etilsin (bojxonada rasmiylashtirilganlik uchun yigʻimlardan tashqari).

7. “Oʻzagromashservis” uyushmasi, Oʻzbekiston Respublikasi Qishloq va suv xoʻjaligi vazirligi mashina-traktor parklari va xoʻjaliklardagi plyonka ostida chigit ekish uchun mavjud maxsus chigit ekish seyalkalari va moslamalarini va ularning texnik holatini oʻn kun muddatda xatlovdan oʻtkazsinlar va 2002-yil 20-fevralgacha ularni ishga toʻliq tayyorlab qoʻysinlar.

“Oʻzqishloqxoʻjalikmash-xolding” kompaniyasi Oʻzbekiston Respublikasi Qishloq va suv xoʻjaligi vazirligining buyurtmanomasiga binoan yetishmayotgan seyalkalar 2002-yil 15-fevralgacha ishlab chiqarilishini va ularning xoʻjaliklarga yetkazib berilishini taʼminlasin.

8. Mazkur qarorning bajarilishini nazorat qilish Oʻzbekiston Respublikasi Prezidentining Davlat maslahatchisi I.H. Joʻrabekov hamda Oʻzbekiston Respublikasi Bosh vazirining oʻrinbosarlari T. Xoltoyev va R.S. Azimov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2001-yil 23-oktabr,

416-son

Vazirlar Mahkamasining 2001-yil 23-oktabrdagi 416-son qaroriga 1-ILOVA

2002-yil hosili uchun chigitni plyonka ostiga ekish va paxta yetishtiruvchi xoʻjaliklarni polietilen plyonka bilan taʼminlash boʻyicha

TOPShIRIQ

Vazirlar Mahkamasining 2001-yil 23-oktabrdagi 416-son qaroriga 2-ILOVA

Polietilen plyonka ishlab chiqarish uchun xomashyo (granulalar) bilan taʼminlash

GRAFIGI