Huquqni muhofaza qiluvchi va nazorat idoralarining boshqaruv tuzilmasini takomillashtirish va maʼmuriy-boshqaruv apparati xodimlarining shtatlar sonini qisqartirish toʻgʻrisida (89-son)

22.02.2001

Oʻzbekiston Respublikasi Vazirlar Mahkamasining

qarori

Huquqni muhofaza qiluvchi va nazorat idoralarining boshqaruv tuzilmasini takomillashtirish va maʼmuriy-boshqaruv apparati xodimlarining shtatlar sonini maqbullashtirish maqsadida Vazirlar Mahkamasi qaror qiladi:

1. Oʻzbekiston Respublikasi Adliya va Ichki ishlar vazirliklari, Prokuratura, Oliy sud, Oliy xoʻjalik sudi, Davlat soliq va Davlat bojxona qoʻmitalarining amaldagi boshqaruv tuzilmasi hamda maʼmuriy-boshqaruv apparati xodimlarining shtatlar sonini qisqartirish boʻyicha takliflari inobatga olinsin va 1-ilovaga muvofiq tasdiqlansin.

2. Ichki ishlar vazirligi idoralari maʼmuriy-boshqaruv apparatidan qisqartirilayotgan 393 ta shtat birliklari hisobiga ekstremizm va terrorizmga qarshi kurashni kuchaytirish maqsadida quyi ichki ishlar idoralari tezkor xizmatlarining shtat birliklari 2-ilovaga muvofiq koʻpaytirilsin.

3. Davlat bojxona qoʻmitasi maʼmuriy-boshqaruv apparatidan qisqartirilayotgan 55 ta shtat birliklari hisobiga bojxona chegara maskanlari va ularning tezkor-qidiruv guruhlari shtat birliklari 3-ilovaga muvofiq koʻpaytirilsin.

4. Ichki ishlar vazirligi (Z.Almatov) 2-ilovaga muvofiq, Davlat bojxona qoʻmitasi (Oʻ.Komilov) 3-ilovaga muvofiq joriy yilning 1-apreligacha topshiriqlarni bajarilishini taʼminlash boʻyicha kompleks chora-tadbirlarni amalga oshirsin.

5. Ushbu qarorning bajarilishi ustidan nazorat Oʻzbekiston Respublikasi Bosh vaziri Oʻ.Sultonov va Davlat maslahatchisi T.Xudaybergenov zimmalariga yuklatilsin.

Vazirlar Mahkamasining Raisi I. KARIMOV

Toshkent sh.,

2001-yil 22-fevral,

89-son

Vazirlar Mahkamasining 2001-yil 22-fevraldagi 89-son qaroriga 1-ILOVA

Davlat budjeti hisobidan moliyalashtiriladigan Huquqni muhofaza qiluvchi va nazorat idoralari maʼmuriy-boshqaruv apparati xodimlarining shtatlar sonini qisqartirish boʻyicha

TOPShIRIQ

Vazirlar Mahkamasining 2001-yil 22-fevraldagi 89-son qaroriga 2-ILOVA

Oʻzbekiston Respublikasi Ichki ishlar vazirligi idoralari maʼmuriy-boshqaruv apparatidan qisqartiriladigan shtat birliklari hisobiga ekstremizm va terrorizmga qarshi kurashni kuchaytirish maqsadida quyi ichki ishlar idoralari tezkor xizmatlarining shtat birliklarini koʻpaytirish boʻyicha

TOPShIRIQ

Vazirlar Mahkamasining 2001-yil 22-fevraldagi 89-son qaroriga 3-ILOVA

Oʻzbekiston Respublikasi Davlat bojxona qoʻmitasi idoralari maʼmuriy-boshqaruv apparatidan qisqartiriladigan shtat birliklari hisobiga bojxona chegara maskanlari va ularning tezkor-qidiruv guruhlari shtatlarini koʻpaytirish boʻyicha

TOPShIRIQ