2000-2004-yillarga Oʻzbekistonda “Keys” kompaniyasining universal-haydov traktorlari butlovchi buyumlarini ishlab chiqarishni mahalliylashtirishni tashkil etish dasturi toʻgʻrisida (135-son)

08.04.2000

Oʻzbekiston Respublikasi Vazirlar Mahkamasining

qarori

[Koʻchirma]

Oʻzbekistonda “keys” kompaniyasining universal-haydov traktorlari butlovchi buyumlarini ishlab chiqarishni mahalliylashtirishni tashkil etish dasturini taʼminlash maqsadida Vazirlar Mahkamasi qaror qiladi:

1. “Oʻzqishloqxoʻjalikmash-xolding” kompaniyasi tomonidan ishlab chiqilgan, “Keys” kompaniyasi bilan kelishilgan va qoʻshma harakatlar dasturi sifatida qabul qilingan 2000-2004-yillarda “Keys” universal-haydov traktorlarining butlovchi buyumlarini mahalliylashtirish boʻyicha ishlab chiqarishlarni tashkil etish Dasturi maʼqullansin (ilova* qilingan).

* Ilova berilmaydi.

2. Mahalliylashtirish dasturiga muvofiq:

“Keys” universal-haydov traktorlarini uzelli yigʻish, sinash va boʻyash hamda ushbu traktorlarga transmissiyalarni yigʻish ishlari “OʻzKeysTraktor” qoʻshma korxonasi doirasida tashkil etiladi;

“Keys” firmasi universal-haydov traktorlarining mahalliylashtiriladigan butlovchi buyumlari va detallarini ishlab chiqarishni tashkil etish uchun quvvatlarni texnik jihatdan qayta jihozlash va yaratish “TTZ” davlat aksiyadorlik jamiyatida, “Agregat zavodi” OAJ, “Texnolog” OAJ, “Normal” OAJ, “OʻzKamminzMotor” qoʻshma korxonasida hamda “Oʻzeltexsanoat,” “Oʻzavtosanoat,” “Oʻzkimyosanoat” uyushmalarining korxonalarida amalga oshirilib, 2004-yilda mahalliylashtirish darajasi 60 foizga yetkaziladi.

3. “Oʻzqishloqxoʻjalikmash-xolding” xolding kompaniyasi, “Keys” kompaniyasining universal-haydov traktorlari uchun butlovchi qismlarni mahalliylashtirish ishlarida ishtirok etayotgan uyushmalar va korxonalarning takliflariga rozilik bildirilsin hamda texnik qayta jihozlash ishlari bosqichma-bosqich amalga oshirilsin:

2000-yilda “TTZ” davlat aksiyadorlik jamiyatida old va orqa gʻildiraklar uchun yuklar, kapotlar, qoplamalar, osma tizim elementlari ishlab chiqarish quvvatlari yaratilsin va oʻzlashtirilsin, “OʻzKamminzMotor” qoʻshma korxonasida esa dvigatellar ishlab chiqarish yoʻlga qoʻyilsin;

2001-yilda “TTZ” davlat aksiyadorlik jamiyatida vallar va shesternyalar, “Agregat zavodi” ochiq aksiyadorlik jamiyatida old koʻpriklar, “Oʻzkimyosanoat” uyushmasi korxonalarida rezina-texnika buyumlari, “Oʻzavtosanoat” uyushmasining “OʻzEksayd” qoʻshma korxonasida akkumulyator batareyalari ishlab chiqarishni tashkil etsin;

2002-yilda “TTZ” davlat aksiyadorlik jamiyatida kabinalar, “Oʻzeltexsanoat” uyushmasi korxonalarida elektrotexnika buyumlari, jgutlar, “Oʻzavtosanoat” uyushmasi korxonalarida kabinalar oynalarini ishlab chiqarishni oʻzlashtirsin;

2003-yilda “TTZ” davlat aksiyadorlik jamiyatida butlovchi qismlar va transmissiya uzellari ishlab chiqarishni mahalliylashtirishni va “OʻzKeysTraktor” qoʻshma korxonasida transmissiyani yigʻishni tashkil etishni tugallasin.

4. “Oʻzqishloqxoʻjalikmash-xolding” kompaniyasi “Oʻzeltexsanoat,” “Oʻzkimyosanoat,” “Oʻzavtosanoat” uyushmalari bilan birgalikda “OʻzKeysTraktor” qoʻshma korxonasi bilan kelishilgan miqdor, sifat va qiymat koʻrsatkichlariga muvofiq “Keys” firmasining universal-haydov traktorlariga butlovchi buyumlar ishlab chiqarish va yetkazib berishni tashkil etishning mahalliy dasturlarini ishlab chiqsin va butlovchi buyumlar yetkazib berishni amalga oshirsin.

6. “Oʻzqishloqxoʻjalikmash-xolding” kompaniyasi “Oʻzeltexsanoat,” “Oʻzkimyosanoat,” “Oʻzavtosanoat” uyushmalari bilan birgalikda ikki oy muddatda mazkur loyihada ishtirok etuvchi ishlab chiqarishlarni texnika bilan qayta jihozlashning texnik-iqtisodiy asoslarini ishlab chiqsin va tasdiqlasin.

7. Oʻzbekiston Respublikasi Makroiqtisodiyot va statistika vazirligi texnik-iqtisodiy asoslar tasdiqlangandan keyin “Keys” universal-haydov traktorlari uchun butlovchi buyumlar ishlab chiqarishni mahalliylashtirish dasturi boʻyicha ishlab chiqilgan loyihalarni moliyalashtirish manbalarini har yili aniqlashtirgan holda Oʻzbekiston Respublikasining 2000-yilgi va keyingi yillarga moʻljallangan Investitsiya dasturiga kiritsin.

8. “Oʻzqishloqxoʻjalikmash-xolding” kompaniyasi butlovchi buyumlarni mahalliylashtirish ishlarini muvofiqlashtirish uchun ilmiy-texnika taraqqiyoti boshqarmasi tuzilmasida mahalliylashtirish boʻlimi tashkil etilsin, buning uchun ikki hafta muddatda Vazirlar Mahkamasiga xolding boshqaruvining tashkiliy tuzilmasi va shtatlar jadvali boʻyicha takliflar taqdim etilsin.

9. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

2000-yil 8-aprel,

135-son