“Oʻzolmonxotelz” Oʻzbekiston-Germaniya qoʻshma korxonasini tashkil etish toʻgʻrisida (549-son)

31.12.1999

Oʻzbekiston Respublikasi Vazirlar Mahkamasining

qarori

Oʻzbekiston Respublikasining xalqaro turizm infratuzilmasini rivojlantirishga xorijiy investitsiyalarni jalb etish dasturini amalga oshirish maqsadida Vazirlar Mahkamasi qaror qiladi:

1. “Oʻzbekturizm” milliy kompaniyasining Germaniyaning “Inpro GMBX industrial asbob-uskunalari” kompaniyasi bilan birgalikda Samarqand shahrida “Prezident-Otel” mehmonxonasini qurish, Urganch shahridagi mavjud “Xorazm” mehmonxonasini rekonstruksiya qilish va keyinchalik ulardan foydalanish maqsadida “Oʻzolmonxotelz” korxonasini tashkil etish toʻgʻrisidagi taklifi qabul qilinsin.

2. Quyidagilar:

a) “Oʻzolmonxotelz” qoʻshma korxonasi boshlangʻich ustav fondi 11,65 mln AQSh dollari boʻlgan holda tashkil etilishi, bunda oʻzbekistonlik muassisning hissasi mol-mulk sifatida 6,7 mln AQSh dollarini (57,51%) va germaniyalik muassisning hissasi pul mablagʻlari sifatida 4,95 mln AQSh dollarini (42,49%) tashkil etishi;

b) qoʻshma korxona ustav fondini shakllantirish muassislar tomonidan ikki yillik investitsiya davrida amalga oshirilishi;

v) umumiy qiymati 33 mln AQSh dollari boʻlgan mehmonxonalarni qurishni va rekonstruksiya qilishni mablagʻ bilan taʼminlash:

qoʻshma korxonaning 4,95 mln AQSh dollari miqdoridagi oʻz mablagʻlari;

Germaniya bankining “Oʻzolmonxotelz” qoʻshma korxonasiga beradigan 28,05 mln AQSh dollari miqdoridagi krediti hisobiga amalga oshirilishi;

g) Xipo Fereyns Bank (Germaniya) obyektlarni qurish va rekonstruksiya qilish davrida foizlar toʻlovini kapitallashtirishini tasdiqlaganligi;

d) kredit boʻyicha foizlarni va investitsiya davridagi chiqimlarni toʻlash “Inpro GMBX industrial asbob-uskunalari” firmasining “Oʻzolmonxotelz” qoʻshma korxonasiga beradigan 492,3 ming AQSh dollari miqdoridagi foizsiz ssudasi hisobiga amalga oshirilishi;

e) kreditni va foizsiz ssudani toʻlash “Oʻzolmonxotelz” qoʻshma korxonasining oʻz mablagʻlari hisobiga ilovaga muvofiq amalga oshirilishi maʼlumot uchun qabul qilinsin.

3. Oʻzbekiston Respublikasi Makroiqtisodiyot va statistika vazirligi “Prezident-Otel” mehmonxonasini qurish va “Xorazm” mehmonxonasini rekonstruksiya qilish loyihasini belgilangan tartibda Oʻzbekiston Respublikasi investitsiya dasturiga kiritsin.

6. Oʻzbekiston Respublikasi Moliya vazirligi Tashqi iqtisodiy faoliyat milliy bankining “Germes” jamiyati sugʻurta qoplamasi ostida Xipo Fereyns Bank (Germaniya) oldidagi toʻlov majburiyatlari boʻyicha hamda Oʻzbekiston Respublikasi Tashqi iqtisodiy faoliyat milliy bankiga “Oʻzolmonxotelz” qoʻshma korxonasining toʻlov majburiyatlari boʻyicha Oʻzbekiston Respublikasi Hukumati nomidan belgilangan tartibda kafolatlar bersin.

7. Oʻzbekiston Respublikasi Tashqi iqtisodiy faoliyat milliy banki bir oy muddatda kredit bitimi tuzsin va Germaniya bankining “Germes” jamiyati sugʻurta qoplamasi ostidagi mablagʻlari “Oʻzolmonxotelz” qoʻshma korxonasi uchun qayta moliyalashtirilishini taʼminlasin.

8. Qoʻshma korxona masalalari boʻyicha ishlash uchun kelayotgan xorijiy mutaxassislarga Oʻzbekiston Respublikasi hududida yashaganlik, transportning barcha turlarida yurganlik uchun Oʻzbekiston Respublikasi fuqarolari uchun nazarda tutilgan tariflar boʻyicha soʻmlarda haq toʻlash huquqi berilsin.

9. Samarqand viloyati hokimligi “Oʻzbekturizm” milliy kompaniyasiga Dorilfunun maydoni va Shohrux koʻchasi kesishgan joydan imoratlarni buzgan holda 2,2 gektar yer uchastkasi bersin.

10. “Oʻzolmonxotelz” qoʻshma korxonasiga loyiha-smeta hujjatlari toʻliq tayyor boʻlgunga qadar, biroq bir yildan ortiq boʻlmagan muddatga, Samarqand shahrida “Prezident-Otel” mehmonxona kompleksi qurilishini va Urganch shahrida mehmonxona rekonstruksiya qilinishini ishchi chizmalar boʻyicha amalga oshirishga ruxsat berilsin.

11. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1999-yil 31-dekabr,

549-son

Vazirlar Mahkamasining 1999-yil 31-dekabrdagi 549-son qaroriga ILOVA

Kredit va ssudani qaytarishning

PROGNOZ JADVALI

Izoh: asosiy qarz va foizlarni toʻlash sanasi va summasi kredit bitimi imzolanayotganda aniqlashtiriladi.