Andijon shahridagi futbol boʻyicha ixtisoslashtirilgan maktab-internat oʻquvchi-futbolchilari taʼminoti normativlarini hamda uni jihozlash uchun mol-mulk roʻyxatini tasdiqlash toʻgʻrisida (179-son)

16.08.2010

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Andijon shahrida futbol boʻyicha Ixtisoslashtirilgan maktab-internat tashkil etish toʻgʻrisida” 2010-yil 12-avgustdagi PQ-1388-son qarorining 6-bandini bajarish yuzasidan Vazirlar Mahkamasi qaror qiladi:

1. Quyidagilar:

Andijon shahridagi futbol boʻyicha Ixtisoslashtirilgan maktab-internat oʻquvchi-futbolchilarini yotoqxona anjomlari, oziq-ovqat bilan, shuningdek oʻquvchi-futbolchilarni va murabbiylarni sport ekipirovkasi va formasi bilan taʼminlash normativlari 1 va 2-ilovalarga muvofiq;

Andijon shahridagi futbol boʻyicha Ixtisoslashtirilgan maktab-internat uchun zarur boʻlgan oʻquv-mashq, sport va xoʻjalik uskunalari, anjomlar, zamonaviy kompyuter texnikasi, texnika va transport vositalari, shuningdek boshqa mol-mulk roʻyxati 3-ilovaga muvofiq tasdiqlansin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2010-yil 16-avgust,

179-son

Vazirlar Mahkamasining 2010-yil 16-avgustdagi 179-son qaroriga 1-ILOVA

Futbol boʻyicha Ixtisoslashtirilgan maktab-internat oʻquvchi-futbolchilarini yotoqxona buyumlari va oziq-ovqat bilan taʼminlash

NORMATIVLARI

1. Futbol boʻyicha Ixtisoslashtirilgan maktab-internat oʻquvchi-futbolchilarining yotoqxonada yashashi uchun zarur buyumlar

2. Futbol boʻyicha Ixtisoslashtirilgan maktab-internat oʻquvchi-futbolchilari uchun zarur oziq-ovqat ratsioni

Izoh: oziq-ovqat mahsulotlari oʻrnini ularning oziqlik qimmati va toʻyimliligiga koʻra almashtirishga yoʻl qoʻyiladi.

Vazirlar Mahkamasining 2010-yil 16-avgustdagi 179-son qaroriga 2-ILOVA

Futbol boʻyicha Ixtisoslashtirilgan maktab-internat oʻquvchi-futbolchilarini sport anjomlari va formasi bilan taʼminlash

NORMATIVLARI

I. Futbol boʻyicha Ixtisoslashtirilgan maktab-internat oʻquvchilarini sport anjomlari va formasi bilan taʼminlash

II. Futbol boʻyicha Ixtisoslashtirilgan maktab-internat murabbiylarini sport anjomlari va formasi bilan taʼminlash

Vazirlar Mahkamasining 2010-yil 16-avgustdagi 179-son qaroriga 3-ILOVA

Futbol boʻyicha Ixtisoslashtirilgan maktab-internat uchun zarur oʻquv-mashq, sport va xoʻjalik uskunalari, anjomlar, zamonaviy kompyuter texnikasi, texnika va transport vositalari, shuningdek boshqa mol-mulk

ROʻYXATI

Izoh: sport asbob-uskunalari va anjomlari roʻyxatini tuzishda quyidagi boshlangʻich maʼlumotlardan foydalanildi: 15 x 10 m hajmli 1 ta sport maydonchasi, 105 x 68 m hajmli 1 ta standart futbol maydoni, 90 x 50 m hajmli 2 ta nostandart futbol maydoni, 25 x 12 m hajmli yopiq suzish havzasi.