“Lokomotivlar parkini yangilash” loyihasini amalga oshirish chora-tadbirlari toʻgʻrisida (510-son)

26.11.1999

Oʻzbekiston Respublikasi Vazirlar Mahkamasining

qarori

Xalq xoʻjaligi yuklarining uzluksiz tashilishini taʼminlash, shuningdek “Oʻzbekiston temir yoʻllari” davlat-aksiyadorlik kompaniyasining lokomotivlar parkini zamonaviylashtirish va yangilash maqsadida Vazirlar Mahkamasi qaror qiladi:

1. Quyidagilar:

Yevropa tiklanish va taraqqiyot banki Direktorlar kengashi “Lokomotivlar parkini yangilash” loyihasini amalga oshirish uchun Oʻzbekiston Respublikasiga LIBOR+1% foiz stavkasi boʻyicha 13 yil muddatga, shu jumladan toʻrt yil imtiyozli muddatga 40 mln AQSh dollari miqdorida imtiyozli kredit berilishini (1999-yil, iyul) maʼqullaganligi;

loyiha qiymati 40 mln AQSh dollarini tashkil etishi, undan 39,6 mln AQSh dollari yuk elektrovozlarini sotib olishga, 0,4 mln AQSh dollari bir martalik vositachilik haqini toʻlashga yoʻnaltirilishi maʼlumot uchun qabul qilinsin.

2. Belgilansinki:

“Oʻzbekiston temir yoʻllari” davlat-aksiyadorlik kompaniyasi kredit boʻyicha qarz oluvchi hisoblanadi;

kredit mablagʻlari, ular boʻyicha foizlar va vositachilik haqi “Oʻzbekiston temir yoʻllari” davlat-aksiyadorlik kompaniyasi mablagʻlari hisobiga 1-ilovaga muvofiq jadvalga binoan qaytariladi;

Yevropa tiklanish va taraqqiyot banki mablagʻlaridan ishlatishda va texnika xizmati koʻrsatishda eng kam sarf-xarajatlarni taʼminlovchi yuk elektrovozlari sotib olish uchun tender asosida foydalaniladi.

3. Tender komissiyasi tarkibi 2-ilovaga muvofiq tasdiqlansin.

4. “Oʻzbekiston temir yoʻllari” davlat-aksiyadorlik kompaniyasi loyiha mablagʻlari hisobiga sotib olinadigan tovarlar, bajariladigan ishlar va koʻrsatiladigan xizmatlar uchun bojxona toʻlovlari toʻlashdan ozod qilinsin (bojxona rasmiylashtiruvi uchun boj yigʻimlaridan tashqari).

5. Quyidagilar:

“Oʻzbekiston temir yoʻllari” davlat-aksiyadorlik kompaniyasi raisi “Oʻzbekiston temir yoʻllari” davlat-aksiyadorlik kompaniyasi va Yevropa tiklanish va taraqqiyot banki oʻrtasidagi kredit bitimini imzolashga;

Oʻzbekiston Respublikasi Moliya vaziri “Oʻzbekiston temir yoʻllari” davlat-aksiyadorlik kompaniyasining Yevropa tiklanish va taraqqiyot banki oldidagi majburiyatlari boʻyicha Oʻzbekiston Respublikasi Hukumati nomidan kafolatni imzolashga vakil qilinsin.

6. Oʻzbekiston Respublikasi Adliya vaziri Oʻzbekiston Respublikasi Hukumati kafolati yuzasidan Yevropa tiklanish va taraqqiyot banki uchun maqbul shakldagi yuridik xulosani belgilangan tartibda bersin.

7. Oʻzbekiston Respublikasi Ichki ishlar vazirligi “Oʻzbekiston temir yoʻllari” davlat-aksiyadorlik kompaniyasi buyurtmanomalariga koʻra loyihani ishlab chiqish va amalga oshirishda qatnashuvchi xorijiy mutaxassislarga koʻp martalik vizalar berilishini va ularning muddati uzaytirilishini, shuningdek ularning yashash joyida vaqtinchalik roʻyxatdan oʻtkazilishini va vaqtinchalik roʻyxatdan oʻtkazish muddati uzaytirilishini davlat boji undirmasdan taʼminlasin.

8. Oʻzbekiston Respublikasi Tashqi ishlar vazirligi “Oʻzbekiston temir yoʻllari” davlat-aksiyadorlik kompaniyasi buyurtmanomalariga koʻra loyihani amalga oshirishda qatnashuvchi xorijiy tashkilotlarning vakillariga toʻlovlar undirmasdan vizalar, zarurat boʻlganda koʻp martalik vizalar berilishini taʼminlasin.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari L.A. Axmetov va B.S. Hamidov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1999-yil 26-noyabr,

510-son

Vazirlar Mahkamasining 1999-yil 26-noyabrdagi 510-son qaroriga 1-ILOVA

“Lokomotivlar parkini yangilash” loyihasi boʻyicha Yevropa tiklanish va taraqqiyot banki kreditini qaytarish

JADVALI

Izoh:

kredit olish 3,5 yil mobaynida har biri 5,7 mln AQSh dollaridan 7 ta teng ulushlar bilan amalga oshiriladi.

*) LIBOR stavkasi hozirgi paytda 6,1234 foizni tashkil etadi.