Maʼmuriy-boshqaruv apparatini takomillashtirish va qisqartirishga doir tashkiliy chora-tadbirlar toʻgʻrisida (522-son)

07.12.1999

Oʻzbekiston Respublikasi Vazirlar Mahkamasining

qarori

Boshqaruv xodimlari sonini maqbullashtirish, ularni iqtisodiyotni va ijtimoiy sohani boshqarishning bozor usullariga oʻtish sharoitlari ehtiyojlariga muvofiqlashtirish, boshqaruv organlari taʼminoti xarajatlarining qisqartirilishini taʼminlash maqsadida Vazirlar Mahkamasi qaror qiladi:

1. Maʼmuriy-boshqaruv apparati tuzilmasini takomillashtirish va xodimlar sonini qisqartirish boʻyicha ilovaga muvofiq tarkibda Respublika komissiyasi tashkil etilsin.

2. Respublika komissiyasi:

boshqaruvning amaldagi tuzilmasini va boshqaruv xodimlari sonini, respublika va hududiy darajada maʼmuriy-boshqaruv apparati taʼminotining maqsadga muvofiqligi va samaradorligini tanqidiy baholasin, bunda zarur boʻlmagan, bir-birini takrorlovchi, bir-biriga oʻxshash tuzilmalarni ularni mablagʻ bilan taʼminlash manbalaridan (budjet, budjetdan tashqari fondlar, xoʻjalik faoliyatidan ajratmalar) qatʼi nazar tugatishga eʼtiborni qaratsin;

2000-yil 1-yanvardan boshlab maʼmuriy-boshqaruv apparati xodimlari sonini kamida 15 foizga, shu jumladan budjet tashkilotlari boʻyicha — 10 foizga qisqartirish zarurligiga alohida eʼtiborni qaratsin;

Vazirlar Mahkamasi komplekslari bilan birgalikda 1999-yil 20-dekabrgacha amaldagi maʼmuriy-boshqaruv tuzilmalarini tahlil qilish asosida boshqaruv apparati xodimlari sonini qisqartirish yuzasidan takliflar tayyorlasin hamda ushbu masala boʻyicha qaror loyihasini Vazirlar Mahkamasiga kiritsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1999-yil 7-dekabr,

522-son

Vazirlar Mahkamasining 1999-yil 7-dekabrdagi 522-son qaroriga ILOVA

Maʼmuriy-boshqaruv apparati tuzilmasini takomillashtirish va xodimlar sonini qisqartirish boʻyicha Respublika komissiyasi

TARKIBI