Savdo-iqtisodiy hamkorlik boʻyicha Oʻzbekiston-Turkiya hukumatlararo aralash komissiyasining Oʻzbekistonga oid qismini tashkil etish toʻgʻrisida (307-son)

22.07.1998

Oʻzbekiston Respublikasi Vazirlar Mahkamasining

qarori

Oʻzbekiston Respublikasi bilan Turkiya Respublikasi oʻrtasidagi oʻzaro manfaatli savdo-iqtisodiy hamkorlikni yanada faollashtirish maqsadida hamda 1995-yil 9-iyulda va 1998-yil 13-aprelda imzolangan hukumatlararo bitimlarga muvofiq Vazirlar Mahkamasi qaror qiladi:

1. Savdo-iqtisodiy hamkorlik boʻyicha hukumatlararo aralash Oʻzbekiston — Turkiya komissiyasining Oʻzbekistonga oid qismi tuzilsin, unga Turkiya Respublikasi bilan savdo-iqtisodiy hamkorlikni rivojlantirish boʻyicha respublika vazirliklari, idoralari va tashkilotlarining faoliyatini muvofiqlashtirish vazifalari yuklansin.

3. Komissiya kotibiyati vazifasini bajarish Oʻzbekiston Respublikasi Tashqi iqtisodiy aloqalar vazirligiga yuklansin.

4. Vazirliklar, idoralar va tashkilotlar rahbarlari Savdo-iqtisodiy hamkorlik boʻyicha hukumatlararo aralash Oʻzbekiston-Turkiya komissiyasining qarorlarini bajarilishi majburiy deb hisoblasinlar.

5. Tashqi iqtisodiy aloqalar vazirligi:

komissiya birinchi majlisini 1998-yilda oʻtkazish masalasini Turkiya tomoni bilan ishlab chiqsin;

Oʻzbekiston Respublikasining manfaatdor vazirliklari, idoralari va tashkilotlari bilan birgalikda hukumatlararo oʻzbek-turk aralash komissiyasi doirasida hamkorlik qilish boʻyicha takliflar tayyorlasin.

6. Oʻzbekiston Respublikasi Vazirlar Mahkamasining Turkiya kompaniyalarining amaldagi loyihalari oʻz vaqtida amalga oshirilishini va yangi takliflari ishlab chiqilishini taʼminlash uchun idoralararo ishchi guruhi toʻgʻrisidagi 1996-yil 31-maydagi 218-F-son Farmoyishi oʻz kuchini yoʻqotgan deb hisoblansin.

7. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1998-yil 22-iyul,

307-son