Hukumatlararo bitimlarni tasdiqlash toʻgʻrisida (162-son)

20.04.1998

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq Vazirlar Mahkamasi qaror qiladi:

1. Tasdiqlansin:

Oʻzbekiston Respublikasi Hukumatining va Malayziya hukumati oʻrtasidagi investitsiyalarni ragʻbatlantirish va oʻzaro himoyalash toʻgʻrisidagi Bitim;

Oʻzbekiston Respublikasi Hukumatining Malayziya hukumati oʻrtasidagi ikkiyoqlama soliq solinishning oldini olish hamda daromad va foyda soliqlarni toʻlashdan bosh tortish bartaraf qilish toʻgʻrisidagi Bitim;

1997-yil 6-oktabrda Malayziyaning Kuala-Lumpur shahrida imzolangan Oʻzbekiston Respublikasi Hukumati va Malayziya hukumati oʻrtasidagi savdo toʻgʻrisidagi Bitimi;

1997-yil 1-aprelda Gretsiya Respublikasining Afina shahrida imzolangan Oʻzbekiston Respublikasi Hukumatining va Gretsiya Respublikasi hukumati oʻrtasidagi turizm sohasida hamkorlik qilish toʻgʻrisidagi Bitimi;

1998-yil 14-fevralda Bangladeshing Dakka shahrida imzolangan Oʻzbekiston Respublikasi Hukumati va Bangladesh Xalq Respublikasi Hukumati oʻrtasidagi savdo va iqtisodiy hamkorlik toʻgʻrisidagi Bitimi.

2. Oʻzbekiston Respublikasi Bosh vazirining oʻrinbosarlari va tashqi ishlar vaziriga mazkur bitimlarda nazarda tutilgan Oʻzbekiston Respublikasi majburiyatlarining oʻz vaqtida bajarilishini taʼminlash yuzasidan nazoratni amalga oshirish topshirilsin.

Vazirlar Mahkamasining Raisi I. KARIMOV

Toshkent sh.,

1998-yil 20-aprel,

162-son