Hukumatlararo bitimni tasdiqlash toʻgʻrisida (428-son)

02.12.1996

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalar toʻgʻrisida”gi Oʻzbekiston Respublikasi Qonunining 20-moddasiga muvofiq:

1. Tasdiqlansin:

1996-yil 4-oktabr kuni Moskva shahrida imzolangan Oʻzbekiston Respublikasi Hukumati bilan Rossiya Federatsiyasi Hukumati oʻrtasida Sochi shahrida joylashgan “Oʻzbekiston” sanatoriy kompleksi toʻgʻrisidagi Bitim.

2. Oʻzbekiston Respublikasi Moliya vazirligi, Tashqi ishlar vazirligi va Davlat mulki qoʻmitasi mazkur shartnomada nazarda tutilgan Oʻzbekiston Respublikasining majburiyatlari oʻz vaqtida bajarilishi ustidan nazoratni taʼminlasin.

3. Mazkur qarorning ijrosini nazorat qilish Oʻzbekiston Respublikasi Bosh vaziri U.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1996-yil 2-dekabr,

428-son