Xoʻjalik yurituvchi subyektlarning kreditlardan foydalanganlik uchun qoʻshilgan foizlar boʻyicha toʻlov muddati oʻtgan qarzlarini tartibga solish chora-tadbirlari toʻgʻrisida (277-son)

08.08.1996

Oʻzbekiston Respublikasi Vazirlar Mahkamasining

qarori

Korxonalar va tashkilotlarning moliyaviy ahvolini mustahkamlash, ularning kreditlardan foydalanganlik uchun qoʻshilgan foizlar boʻyicha toʻlov muddati oʻtgan qarzlarini kamaytirish maqsadida Vazirlar Mahkamasi qaror qiladi:

1. Respublika tijorat banklarining xoʻjalik yurituvchi subyektlarning kreditlardan foydalanganlik uchun qoʻshilgan foizlar boʻyicha toʻlov muddati oʻtgan qarzlarini hisobdan chiqarish, shuningdek banklarning balans schyotlaridan balansdan tashqari schyotlariga koʻchirish toʻgʻrisidagi taklifiga 1-ilovaga muvofiq, rozilik berilsin.

2. Oʻzbekiston Respublikasi Markaziy bankiga:

banklarning markazlashtirilgan kredit resurslar uchun qoʻshilgan foizlar boʻyicha qarzlarini 2-ilovaga muvofiq hisobdan chiqarish;

Oʻzbekiston Respublikasi Moliya vazirligi va Davlat soliq qoʻmitasi bilan kelishilgan holda Bank aktivlarini klassifikatsiyalar hamda aktivlar boʻyicha mumkin boʻlgan yoʻqotishlarni qoplab zaxiralarini yaratish tartibini bir oy muddatda ishlab chiqish va tasdiqlash tavsiya etilsin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.S. Hamidov va Oʻzbekiston Respublikasi Markaziy banki Boshqaruvi raisi F.M. Mullajonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1996-yil 8-avgust,

277-son

Vazirlar Mahkamasining 1996-yil 8-avgustdagi 277-son qaroriga 1-ILOVA

Tijorat banklarining foizlari boʻyicha balansdan tashqari schyotga koʻchiriladigan va hisobdan chiqariladigan muddati oʻtib ketgan qarzlar

Vazirlar Mahkamasining 1996-yil 8-avgustdagi 277-son qaroriga 2-ILOVA

Tijorat banklari boʻyicha markazlashtirilgan kredit resurslari uchun foizlar boʻyicha Markaziy bank tomonidan hisobdan chiqariladigan toʻlov muddati oʻtgan qarzlar