Spirt va likyor-aroq ishlab chiqarish xodimlari uchun mehnat muhofazasi qoidalarining 39-bandiga oʻzgartirish kiritish haqida (1755-1-son)

17.07.2010

Oʻzbekiston Respublikasi Mehnat va aholini ijtimoiy muhofaza qilish vazirining

buyrugʻi

[Oʻzbekiston Respublikasi Adliya vazirligi tomonidan 2010-yil 17-iyulda roʻyxatdan oʻtkazildi, roʻyxat raqami 1755-1]

Oʻzbekiston Respublikasining “Normativ-huquqiy hujjatlar toʻgʻrisida”gi Qonuni (Oʻzbekiston Respublikasi Oliy Majlisining Axborotnomasi, 2001-y., 1-2-son, 8-modda) hamda Vazirlar Mahkamasining 2000-yil 12-iyuldagi 267-son “Mehnatni muhofaza qilishga doir meʼyoriy hujjatlarni qayta koʻrib chiqish va ishlab chiqish toʻgʻrisida”gi qaroriga (Oʻzbekiston Respublikasi Hukumatining qarorlari toʻplami, 2000-y., 7-son, 39-modda) muvofiq buyuraman:

1. Oʻzbekiston Respublikasi mehnat va aholini ijtimoiy muhofaza qilish vazirining 2007-yil 5-noyabrdagi M-45-son buyrugʻi (roʻyxat raqami 1755, 2007-yil 27-dekabr) (Oʻzbekiston Respublikasi qonun hujjatlari toʻplami, 2007-y., 52-son, 546-modda) bilan tasdiqlangan Spirt va likyor-aroq ishlab chiqarish xodimlari uchun mehnat muhofazasi qoidalarining 39-bandi quyidagi tahrirda bayon etilsin:

“39. Oʻn sakkiz yoshga toʻlmagan shaxslar mehnatidan foydalanish taqiqlanadigan mehnat sharoiti noqulay ishlar roʻyxatiga (roʻyxat raqami 1990, 2009-yil 29-iyul) (Oʻzbekiston Respublikasi qonun hujjatlari toʻplami, 2009-y., 30-31-son, 355-modda) muvofiq oʻn sakkiz yoshga toʻlmagan shaxslar zararli va noqulay mehnat sharoiti mavjud ishlarga qabul qilinmasligi lozim”.

2. Mazkur buyruq Oʻzbekiston Respublikasi Davlat arxitektura va qurilish qoʻmitasi, Oʻzbekiston Respublikasi Sogʻliqni saqlash vazirligi, Oʻzbekiston Kasaba uyushmalari federatsiyasi Kengashi, “Sanoatkontexnazorat” davlat inspeksiyasi, “Oʻzdavenergonazorat” inspeksiyasi va “Oʻzvinosanoat-xolding” xolding kompaniyasi bilan kelishilgan.

3. Ushbu buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Vazir A. XAITOV

Toshkent sh.,

2010-yil 6-iyul,

134-B-son

Kelishildi:

Davlat arxitektura va qurilish qoʻmitasi raisi B. XODJAYEV

2010-yil 5-iyul

Sogʻliqni saqlash vaziri A. IKRAMOV

2010-yil 5-iyul

Oʻzbekiston Kasaba uyushmalari federatsiyasi Kengashi raisi D. JAHONGIROVA

2010-yil 5-iyul

“Sanoatkontexnazorat” davlat inspeksiyasi boshligʻi I. XOLMATOV

2010-yil 5-iyul

“Oʻzdavenergonazorat” davlat inspeksiyasi boshligʻi A. NIMATULLAYEV

2010-yil 5-iyul

“Oʻzvinosanoat-xolding” xolding kompaniyasining raisi S. SAIDJALOLOV

2010-yil 5-iyul