Mehnatni muhofaza qilish boʻyicha normativ-huquqiy bazani yanada takomillashtirish toʻgʻrisida (153-son)

20.07.2010

Oʻzbekiston Respublikasi Vazirlar Mahkamasining

qarori

Mehnatni muhofaza qilish boʻyicha normativ-huquqiy bazani yanada takomillashtirish, shu asosda barcha mulkchilik shakllari va ishlab chiqarish usullaridagi korxonalarda band boʻlgan xodimlarni ijtimoiy muhofaza qilishni kuchaytirish, shuningdek ular mehnatining xavfsiz shart-sharoitlarini taʼminlash maqsadida Vazirlar Mahkamasi qaror qiladi:

1. Vazirlar Mahkamasining 2000-yil 12-iyuldagi 267-son qarori bilan tasdiqlangan Mehnatni muhofaza qilish qoidalari va normalarini qayta koʻrib chiqish, ishlab chiqish va joriy etish dasturiga muvofiq davlat va xoʻjalik boshqaruvi organlari hamda boshqa tashkilotlar tomonidan mehnatni muhofaza qilishning 106 ta qoidasi va normasi ishlab chiqilganligi va joriy etilganligi maʼlumot uchun qabul qilinsin.

5. Vazirlar Mahkamasining “Mehnatni muhofaza qilishga doir meʼyoriy hujjatlarni qayta koʻrib chiqish va ishlab chiqish toʻgʻrisida” 2000-yil 12-iyuldagi 267-son qaroriga (Oʻzbekiston Respublikasi QT, 2000-y., 7-son, 39-modda) 2-ilovaga muvofiq oʻzgartirishlar kiritilsin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2010-yil 20-iyul,

153-son

Vazirlar Mahkamasining 2010-yil 20-iyuldagi 153-son qaroriga 1-ILOVA

Mehnatni muhofaza qilish qoidalari va normalarini qayta koʻrib chiqish, ishlab chiqish va joriy etish

DASTURI

(4-band va 4.38, 4.39-kichik bandlar Oʻzbekiston Respublikasi Vazirlar Mahkamasining 2010-yil 17-dekabrdagi 301-sonli qarori tahririda — OʻR QHT, 2010-y., 51-son, 486-modda)

Vazirlar Mahkamasining 2010-yil 20-iyuldagi 153-son qaroriga 2-ILOVA

Vazirlar Mahkamasining “Mehnatni muhofaza qilishga doir meʼyoriy hujjatlarni qayta koʻrib chiqish va ishlab chiqish toʻgʻrisida” 2000-yil 12-iyuldagi 267-son qaroriga kiritilayotgan oʻzgartirishlar

1. 1-bandning ikkinchi xatboshi va 1-ilova oʻz kuchini yoʻqotgan deb hisoblansin.

2. 2-ilovada:

a) kirish qismi chiqarib tashlansin;

b) 1-band quyidagi tahrirda bayon qilinsin:

“1. Mazkur Tartib “Mehnatni muhofaza qilish toʻgʻrisida”gi Oʻzbekiston Respublikasi Qonuniga muvofiq mehnatni muhofaza qilish qoidalarini ishlab chiqish, kelishish, tasdiqlash, shuningdek qayta koʻrib chiqishning yagona tizimini belgilaydi.

Mazkur Tartib davlat va xoʻjalik boshqaruvi organlari hamda mehnatni muhofaza qilish qoidalarini (keyingi oʻrinlarda Qoidalar deb ataladi) ishlab chiquvchi va ularni qayta koʻrib chiquvchi boshqa tashkilotlar faoliyatiga tatbiq etiladi”;

v) 2-band quyidagi tahrirda bayon qilinsin:

“2. Qoidalarning oʻz vaqtida va sifatli ishlab chiqilishi yoki qayta koʻrib chiqilishi, ularning kelishilishi, tasdiqlanishi va davlat roʻyxatidan oʻtkazilishi uchun davlat va xoʻjalik boshqaruvi organlari hamda boshqa manfaatdor tashkilotlar masʼul hisoblanadi”;

g) 4-banddan “va boshqa tashkilotlar” soʻzlari chiqarib tashlansin;

d) 6-band quyidagi tahrirda bayon qilinsin:

“6. Vazirliklar va idoralar belgilangan tartibda qabul qilingan Qoidalarni barcha manfaatdor shaxslarga yetkazadi”;

e) 17-band quyidagi tahrirda bayon qilinsin:

“17. Hajmi va mazmuniga bogʻliq ravishda Qoidalar quyidagi pasayib boruvchi tarkibiy birliklarga boʻlinadi: boʻlimlar, boblar, paragraflar, bandlar, kichik bandlar va xatboshilar. Xatboshilarni boshqa tarkibiy birliklarga boʻlishga yoʻl qoʻyilmaydi.

Boʻlimlar va boblar rim raqamlari bilan belgilanadi va ularda sarlavha boʻladi. Paragraflar “§” belgisi bilan belgilanadi, ularga arab raqamlari bilan tartib raqami qoʻyiladi va ularda sarlavha boʻladi”;

j) 20-band oʻz kuchini yoʻqotgan deb hisoblansin;

z) 22-bandning oltinchi va toʻqqizinchi xatboshidagi “Sanoatda va konchilikda ishlarning bexatar olib borilishini nazorat qilish agentligi” soʻzlari “Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi” soʻzlari bilan almashtirilsin;

i) 23-banddagi “Sanoatda va konchilikda ishlarning bexatar olib borilishini nazorat qilish agentligi” soʻzlari “Sanoatda, konchilikda va kommunal-maishiy sektorda ishlarning bexatar olib borilishini nazorat qilish davlat inspeksiyasi” soʻzlari bilan almashtirilsin;

k) 24-band quyidagi tahrirda bayon qilinsin:

“24. Vazirliklar va idoralar tasdiqlangan Qoidalarni huquqiy ekspertizadan oʻtkazish va davlat roʻyxatidan oʻtkazish uchun belgilangan tartibda Oʻzbekiston Respublikasi Adliya vazirligiga yuboradilar”;

l) 1 va 2-ilovalar oʻz kuchini yoʻqotgan deb hisoblansin.