Oʻzbekiston Badiiy akademiyasi faoliyatini takomillashtirish masalalari toʻgʻrisida (264-son)

25.11.2005

Oʻzbekiston Respublikasi Vazirlar Mahkamasining

qarori

Oʻzbekiston Badiiy akademiyasi tizimidagi tashkilotlarning faoliyati samaradorligini oshirish hamda foto sanʼatini rivojlantirish uchun zarur shart-sharoitlar yaratish maqsadida Vazirlar Mahkamasi qaror qiladi:

1. Oʻzbekiston Badiiy akademiyasining Badiiy koʻrgazmalar direksiyasini va Markaziy koʻrgazmalar zalini:

Toshkent fotosuratlar uyini Markaziy koʻrgazmalar zali tarkibidan mustaqil yuridik shaxs sifatida ajratish;

Markaziy koʻrgazmalar zalini Badiiy koʻrgazmalar direksiyasiga qoʻshish yoʻli bilan qayta tashkil etish toʻgʻrisidagi taklifi qabul qilinsin.

2. Oʻzbekiston Badiiy akademiyasi 2006-yil 1-yanvargacha Badiiy koʻrgazmalar direksiyasi va Markaziy koʻrgazmalar zalini belgilangan tartibda qayta tashkil etishni taʼminlasin.

3. Oʻzbekiston Respublikasi Moliya vazirligi 2005-yil uchun budjetdan ajratilgan mablagʻlar doirasida Badiiy koʻrgazmalar direksiyasi hamda Toshkent fotosuratlar uyi xodimlari sonini belgilasin va yangi shtat jadvallarini roʻyxatdan oʻtkazsin.

4. Oʻzbekiston Badiiy akademiyasi bir oy muddatda:

Badiiy koʻrgazmalar direksiyasini Toshkent shahar, Sh.Rashidov shoh koʻchasi, 40-uyga;

Toshkent fotosuratlar uyini Toshkent shahar, Y.Oxunboboyev koʻchasi, 4-uyga joylashtirishni taʼminlasin.

6. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R.S. Qosimov zimmasiga yuklansin.

Oʻzbekiston Respublikasi Bosh vaziri Sh. MIRZIYOYEV

Toshkent sh.,

2005-yil 25-noyabr,

264-son