V.I. Lenin nomidagi Toshkent davlat dorilfununi huzurida Sharqshunoslik institutini tashkil etish toʻgʻrisida (17-son)

22.01.1991

Oʻzbekiston SSJ Prezidenti huzuridagi Vazirlar Mahkamasining

qarori

Jumhuriyatimizning Janubi Sharq va Tinch okean mintaqalaridagi mamlakatlar bilan xalqaro, siyosiy, iqtisodiy va madaniy munosabatlarida ijobiy oʻzgarishlar yuz berayotgani tufayli savdoni, fan, sanʼat sohalarida oʻzaro ayirboshlashni kengaytirish, turizmni rivojlantirish zarurati paydo boʻldi.

Milliy ongning oʻsishi, omma ijodiy faolligining koʻtarilishi Sharq xalqlarining tarix va madaniyat yodgorliklarini yanada chuqurroq oʻrganish va tadqiq qilish hamda arab yozuvidagi boy qoʻlyozmalar xazinasini oʻqib chiqish masalalarini oldinga surmoqda, oʻrta maktablarda sharq tillarini oʻqitishni yaxshilash, arab yozuvidagi klassik oʻzbek tilini oʻrganish ehtiyojlari yuzaga kelmoqda.

Vazirlar Mahkamasi qaror qiladi:

2. OʻzSSJ Oliy va oʻrta maxsus taʼlim vazirligi bir oy muddat ichida institut toʻgʻrisidagi Nizomni, uning tuzilishini, yagona mufassal oʻquv rejasini ishlab chiqsin va tasdiqlasin, mutaxassisliklar roʻyxatini belgilab olsin, yapon, xitoy, koreys va turk tillari boʻyicha mutaxassislar tayyorlashni kengaytirishga alohida eʼtibor berilsin.

3. OʻzSSJ Moliya vazirligi yangi tashkil etilayotgan institutni mablagʻ bilan taʼminlash masalalarini koʻrib chiqsin va hal qilsin.

4. OʻzSSJ Iqtisodiyot qoʻmitasi, OʻzSSJ Davlat moddiy-texnika taʼminoti qoʻmitasi, OʻzSSJ Oliy va oʻrta maxsus taʼlim vazirligi yillik rejalarda Sharqshunoslik institutining oʻquv moddiy negizini rivojlantirishni va 1991-yilning sentabridan boshlab moddiy-texnika resurslarini belgilangan tartibda ajratishni nazarda tutsinlar.

Vazirlar Mahkamasining Raisi I. KARIMOV

Toshkent sh.,

1991-yil 22-yanvar,

17-son