Oʻsimlik (paxta) yogʻi uchun qatʼiy miqdorda belgilangan aksiz soligʻi stavkasini qayta koʻrib chiqish toʻgʻrisida (2115-son)

23.06.2010

OʻZBEKISTON RESPUBLIKASI MOLIYA VAZIRINING

buyrugʻi

[Oʻzbekiston Respublikasi Adliya vazirligi tomonidan 2010-yil 23-iyunda roʻyxatdan oʻtkazildi, roʻyxat raqami 2115]

Oʻzbekiston Respublikasi Prezidentining 2009-yil 22-dekabrdagi PQ-1245-sonli “Oʻzbekiston Respublikasining 2010-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida”gi qarorining (Oʻzbekiston Respublikasi qonun hujjatlari toʻplami, 2009-y., 52-son, 560-modda) 12-1-sonli ilovasiga muvofiq buyuraman:

1. Oʻsimlik (paxta) oziq-ovqat yogʻi uchun (salomas va “Oʻzbekiston” yogʻini ishlab chiqarish uchun ishlatiladigan yogʻ bundan mustasno) qatʼiy belgilangan aksiz soligʻi stavkasi qayta koʻrib chiqilib, 1 tonna uchun 657900 soʻm miqdorida belgilansin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Vazir R. AZIMOV

Toshkent sh.,

2010-yil 23-iyun,

50-son