Xalqaro shartnomani tasdiqlash toʻgʻrisida (PQ-211-son)

28.10.2005

Oʻzbekiston Respublikasi Prezidentining

Qarori

“Oʻzbekiston Respublikasining Xalqaro shartnomalari toʻgʻrisida”gi Oʻzbekiston Respublikasi Qonunga muvofiq:

1. Xalqaro taraqqiyot assotsiatsiyasi (XTA) va Markaziy Osiyo hamkorligi tashkiloti oʻrtasida 2005-yil 12-mayda Olmaota shahrida (Qozogʻiston Respublikasi) imzolangan rivojlanish maqsadlari uchun grant (Markaziy Osiyoda OITSga qarshi kurash loyihasi) toʻgʻrisidagi Bitim tasdiqlansin.

2. Shartnoma shartlariga muvofiq:

Qosimov R.S. — Oʻzbekiston Respublikasi Bosh vazirining oʻrinbosari loyihaning mintaqaviy boshqaruv qoʻmitasida Oʻzbekiston vakili etib tayinlansin;

Grant mablagʻlaridan maqsadli foydalanish va loyihani samarali amalga oshirish uchun javobgarlik Oʻzbekiston Respublikasi Sogʻliqni saqlash vazirligiga yuklatilinishi belgilansin.

3. Oʻzbekiston Respublikasi Tashqi ishlar vazirligi Oʻzbekiston Respublikasi tomonidan mazkur xalqaro shartnoma kuchga kirishi uchun zarur boʻlgan ichki davlat tartib-taomillari bajarilganligi toʻgʻrisida tegishli bildirishnoma yuborilsin.

4. Oʻzbekiston Respublikasi Bosh vazirining oʻrinbosari R. S. Qosimov, tegishli vazirlik va idoralar rahbarlari mazkur Bitim kuchga kirgandan soʻng Oʻzbekiston Respublikasi majburiyatlarining belgilangan tartibda bajarilishini taʼminlansin.

5. Mazkur qarorning bajarilishini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklatilsin.

Oʻzbekiston Respublikasi Prezidenti I. KARIMOV

Toshkent sh.,

2005-yil 28-oktabr,

PQ-211-son