Oʻzbekiston Respublikasi Vazirlar Mahkamasining “Boing” (AQSH) kompaniyasida ishlab chiqarilgan ikkita Boing 767-300 YER samolyotini xarid qilish toʻgʻrisida” 1996-yil 25-noyabrdagi 412-son qaroriga qoʻshimcha haqida (417-son)

26.08.1997

Oʻzbekiston Respublikasi Vazirlar Mahkamasining

qarori

[Koʻchirma]

“Pratt end Uitney” kompaniyasi tomonidan Boing 757-200 samolyotiga RW 2037 modelidagi ehtiyot dvigateli yetkazib berishni, u bilan bogʻliq asbob-uskunalar va xarajatlarni mablagʻ bilan taʼminlash maqsadida Vazirlar Mahkamasi qaror qiladi:

1. Maʼlumot uchun qabul qilinsinki:

“Oʻzbekiston havo yoʻllari” milliy aviakompaniyasi 1996-yil 22-avgustdagi kontraktga va “Pratt end Uitney” kompaniyasi bilan tuzilgan 1997-yil 21-martdagi Xat-Bitimga muvofiq ilovaga muvofiq umumiy summasi 8014,8 ming AQSH dollari boʻlgan RW 2037 modelidagi ehtiyot dvigatelini va u bilan bogʻliq asbob-uskunalarni sotib oladi;

AQSH Eksimbanki tomonidan maʼqullangan summa B transhi boʻyicha Boing 757-200 samolyoti uchun RW 2037 modelidagi ehtiyot dvigatelining xarid narxiga, u bilan bogʻliq asbob-uskunalar va xarajatlarga oid qismini mablagʻ bilan taʼminlashni oʻz ichiga oladi.

2. RW 2037 ehtiyot dvigatelini, u bilan bogʻliq asbob-uskunalar va xarajatlarni mablagʻ bilan taʼminlash Vazirlar Mahkamasining 1996-yil 25-noyabrdagi 412-son qarori bilan maʼqullangan moliyaviy lizing tarkibiga kiritilishiga rozilik berilsin, bunda:

umumiy summasi 7075,3 ming AQSH dollari boʻlgan ehtiyot dvigateli, u bilan bogʻliq asbob-uskunalar va xarajatlar qiymatining bir qismi, shuningdek AQSH Eksimbanki sugʻurta mukofoti AQSH Eksimbanki kafolati ostida Cheyz Manxetten Bank tomonidan berilgan kredit hisobiga moliyalansin;

ehtiyot dvigateli qiymatining, u bilan bogʻliq asbob-uskunalar va xarajatlarning 1608,8 ming AQSH dollari miqdoridagi qolgan qismi “Oʻzbekiston havo yoʻllari” milliy aviakompaniyasining 1238,1 ming AQSH dollariga teng boʻlgan soʻm mablagʻlari hisobiga va 370,7 ming AQSH dollariga teng boʻlgan respublika budjeti mablagʻlari hisobiga mablagʻ bilan taʼminlansin.

3. “Oʻzbekiston havo yoʻllari” milliy aviakompaniyasi “Pratt end Uitney” kompaniyasi bilan tuzilgan 1997-yil 21-martdagi Xat-Bitimga muvofiq RW 2037 modelidagi dvigatel uchun ehtiyot qismlarning bitta komplekti tayyor boʻlishiga qarab keyinchalik toʻlash uchun Oʻzbekiston Respublikasi Moliya vazirligiga koʻrsatib oʻtilgan komplekt qiymati hisob-kitobini taqdim etsin.

4. Oʻzbekiston Respublikasi Moliya vazirligi:

1997-yil 26-avgustgacha “Oʻzbekiston havo yoʻllari” milliy aviakompaniyasiga avans toʻlovini amalga oshirish uchun respublika budjetidan 370,7 ming AQSH dollariga teng boʻlgan milliy valyutada mablagʻ ajratsin;

RW 2037 modelidagi dvigatel uchun ehtiyot qismlarning bitta komplekti qiymatiga haq toʻlashga respublika budjetidan “Oʻzbekiston havo yoʻllari” milliy aviakompaniyasiga mablagʻ ajratilishini nazarda tutsin;

RW 2037 ehtiyot dvigateli, u bilan bogʻliq asbob-uskunalar va xarajatlarga tegishli moliyaviy lizing tarkibiga muvofiq toʻlanishi kerak boʻlgan asosiy qarz, foizlar va vositachilik haqini toʻlash uchun respublika budjetidan “Oʻzbekiston havo yoʻllari” milliy aviakompaniyasiga yilning har choragida mablagʻ ajratilishini taʼminlasin.

5. RW 2037 ehtiyot dvigateli, u bilan bogʻliq asbob-uskunalar narxlari va moliyaviy lizing bitishuvining yuridik rasmiylashtirilishi boʻyicha amalda qilingan xarajatlar miqdorlari koʻpayishi uchun javobgarlik “Oʻzbekiston havo yoʻllari” milliy aviakompaniyasiga yuklansin.

7. Oʻzbekiston Respublikasi Tashqi iqtisodiy faoliyat milliy banki va “Oʻzbekiston havo yoʻllari” milliy aviakompaniyasi RW 2037 ehtiyot dvigatelini, u bilan bogʻliq asbob-uskunalarni xarid qilish va xarajatlar boʻyicha moliya lizingiga tegishli hujjatlarga zarur tuzatishlar va qoʻshimchalarni imzolashga vakil qilinsin.

8. RW 2037 ehtiyot dvigatelini va u bilan bogʻliq asbob-uskunalarni mablagʻ bilan taʼminlash uchun Vazirlar Mahkamasining 1996-yil 25-noyabrdagi 412-son qarorining va mazkur qarorga muvofiq kiritilgan tuzatishlar bilan Oʻzbekiston Respublikasi Vazirlar Mahkamasi, Moliya vazirligi, Adliya vazirligi, Davlat soliq qoʻmitasi, Tashqi iqtisodiy faoliyat milliy banki, “Oʻzbekiston havo yoʻllari” milliy aviakompaniyasi tomonidan berilgan barcha maʼqullashlar, sertifikatlar, ishonchnomalar, majburiyatlar va tasdiqlashlarning amal qilishi joriy etilsin.

Maʼlumot uchun qabul qilinsinki, Vazirlar Mahkamasining 1996-yil 25-noyabrdagi Kafolat xatining va Vazirlar Mahkamasining 1996-yil 25-noyabrdagi Qaytarib olinmaydigan majburiyati barcha shartlarining amal qilishi RW 2037 ehtiyot dvigateli, u bilan bogʻliq asbob-uskunalar va xarajatlarni mablagʻ bilan taʼminlash uchun joriy qilinadi.

9. Oʻzbekiston Respublikasi Moliya vaziri J.B.Sayfiddinov RW 2037 ehtiyot dvigatelini, u bilan bogʻliq asbob-uskunalar va xarajatlarni mablagʻ bilan taʼminlash munosabati bilan Oʻzbekiston Respublikasi Hukumati nomidan 1996-yil 25-noyabrdagi Kafolat bitimiga Rozilik va Tasdiqlashni AQSH Eksimbanki uchun qulay shaklda imzolashga vakil qilinsin.

10. Oʻzbekiston Respublikasi Adliya vazirligi AQSH Eksimbanki uchun qulay shaklda RW 2037 ehtiyot dvigateli va unga asbob-uskunalar xarid qilish bilan bogʻliq taqdim etilgan hujjatlar boʻyicha yuridik xulosa bersin.

11. Oʻzbekiston Respublikasi Tashqi iqtisodiy aloqalar vazirligi mazkur qarorga muvofiq 1996-yil 25-noyabrdagi Ijara toʻgʻrisidagi asosiy bitimga barcha tuzatishlar va barcha qoʻshimchalarni roʻyxatdan oʻtkazsin.

12. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari B.S.Hamidov va K.R.Rahimov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1997-yil 26-avgust,

417-son

Vazirlar Mahkamasining 1997-yil 26-avgustdagi 417-son qaroriga ILOVA

Boing 757-200 maxsus samolyoti uchun xarid qilinadigan asbob-uskunalar

ROʻYXATI