Gʻoʻzani plyonka ostida oʻstirishga oid chora-tadbirlar toʻgʻrisida (410-son)
22.11.1996
Oʻzbekiston Respublikasi Vazirlar Mahkamasining
qarori
[Koʻchirma]
Paxtachilikni yanada rivojlantirish, noqulay ob-havo sharoitlarida hamda suv taʼminoti yetarli boʻlmagan mintaqalarda paxta xomashyosidan yuqori hosil olish maqsadida Vazirlar Mahkamasi qaror qiladi:
1. Qoraqalpogʻiston Respublikasi Vazirlar Kengashi, viloyatlar hokimliklari, Oʻzbekiston Respublikasi Qishloq va suv xoʻjaligi vazirligi, Oʻzbekiston Qishloq xoʻjaligi fanlari akademiyasining 1997—2000-yillarda gʻoʻzani 1-ilovaga muvofiq maydonlarda plyonka ostida oʻstirish toʻgʻrisidagi taklifi qabul qilinsin.
Oʻzbekiston Respublikasi Qishloq va suv xoʻjaligi vazirligi Oʻzbekiston Qishloq xoʻjaligi fanlari akademiyasi bilan birgalikda:
ikki hafta muddatda gʻoʻzani plyonka ostida oʻstiruvchi xoʻjaliklar roʻyxatini belgilasin;
Qoraqalpogʻiston Respublikasi Vazirlar Kengashi, viloyatlar hokimliklari bilan birgalikda 1996-yilning dekabr oyida xoʻjaliklar rahbarlari va mutaxassislarining gʻoʻzani plyonka ostida oʻstirishning agrotexnika qoidalari va texnologiyasi boʻyicha oʻqishini oʻtkazsin.
2. “Chkalov nomidagi Toshkent aviatsiya ishlab chiqarish birlashmasi” davlat-aksionerlik jamiyati Andijon viloyati hokimligi bilan birgalikda Oʻzbekiston Respublikasi Qishloq va suv xoʻjaligi vazirligining buyurtmanomasiga binoan Andijon mexanika zavodida maxsus plyonka ostida chigit ekish seyalkalarining quyidagi miqdorlarda tayyorlab berilishini taʼminlasin:
1997-yil 1-martgacha 3 ming dona;
1998 — 2000-yillarda ekish mavsumi boshlanishigacha yiliga 4 ming donadan.
“Oʻzulgurjibirjasavdo” uyushmasi seyalkalarni koʻrsatib oʻtilgan muddatlarda tayyorlash uchun “Chkalov nomidagi Toshkent aviatsiya ishlab chiqarish birlashmasi” davlat-aksionerlik jamiyatini metall va boshqa moddiy-texnika resurslari bilan taʼminlashga oid barcha masalalarni shartnoma asosida hal qilsin.
3. Oʻzbekiston Respublikasi Tashqi iqtisodiy aloqalar vazirligi Qishloq va suv xoʻjaligi vazirligi va “Oʻzkimyosanoat” uyushmasi bilan birgalikda:
1997-yil 15-fevralgacha 7,5 ming tonna polietilen plyonka;
1998-yil 15-fevralgacha 1998-yil hosili uchun foydalanish uchun 15 ming tonna polietilen plyonka xarid qilinishi va yetkazib berilishi;
1997-yil 15-fevralgacha 15 ming tonna plyonka ishlab chiqarish uchun asbob-uskunalar, texnologiya, shuningdek yil davomida har oyda uni ishlab chiqarish uchun xomashyo yetkazib berish yuzasidan xorijiy firmalar bilan kontraktlar tuzilishini taʼminlasin. “Oʻzkimyosanoat” uyushmasi polietilen plyonka ishlab chiqarishni Jizzax plastmassa zavodi maydonlarida joylashtirsin, ishlab chiqarish ishga tushirilishini va uning 1997-yil 15-martgacha loyihadagi quvvatga yetishini taʼminlasin.
6. Oʻzbekiston Respublikasi Fanlar akademiyasi va “Oʻzkimyosanoat” uyushmasi chigit ekish uchun erib ketuvchi plyonka ishlab chiqarishni tashkil etish masalasini ishlab chiqsin va tegishli takliflar kiritsin.
7. Plyonka ostidagi gʻoʻzadan hosil olishga oid barcha tashkiliy va agrotexnika tadbirlarining oʻz vaqtida oʻtkazilishi uchun shaxsiy masʼuliyat viloyat hokimlarining qishloq xoʻjaligiga mutasaddi boʻlgan oʻrinbosarlariga, tumanlar va xoʻjaliklarning rahbarlariga yuklansin.
8. Mazkur qarorning bajarilishini nazorat qilish Bosh vazirning birinchi oʻrinbosari Q.Gʻ. Obidov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1996-yil 22-noyabr,
410-son
Vazirlar Mahkamasining 1996-yil 22-noyabrdagi 410-son qaroriga 1-ILOVA
1997-2000-yillarda gʻoʻzani plyonka ostida ekish oʻstirish maydonlari
(1-ilova matni Oʻzbekiston Respublikasi Vazirlar Mahkamasining 1998-yil 28-yanvardagi 39-sonli qarori tahririda)