Oʻzbekiston Respublikasi Oliy xoʻjalik sudi Plenumining ayrim qarorlarini oʻz kuchini yoʻqotgan deb topish toʻgʻrisida (129-son)

31.03.2005

Oʻzbekiston Respublikasi Oliy xoʻjalik sudi plenumining

QarorI

Plenum Oʻzbekiston Respublikasida amalga oshirilayotgan sud-huquq islohotlariga binoan qonun hujjatlariga oʻzgartirish va qoʻshimchalar kiritilganligi munosabati bilan “Sudlar toʻgʻrisida”gi Qonunning 47, 54-moddalariga asosan qaror qiladi:

Oʻzbekiston Respublikasi Oliy xoʻjalik sudi Plenumining:

1. 1994-yil 18-oktabrdagi “Nizolarning xoʻjalik sudlariga taalluqliligi (sudlovga tegishliligi) toʻgʻrisidagi ayrim masalalar haqida”gi 28-son.

2. 1995-yil 26-maydagi “Xoʻjalik sudlarining iqtisodiy munosabatlarda qonunchilikni mustahkamlash va odil sudlovni amalga oshirish boʻyicha faoliyatini takomillashtirish toʻgʻrisida”gi 36-son.

3. 1996-yil 1-martdagi “Davlat tasarrufidan chiqarish va xususiylashtirish bilan bogʻliq nizolarni koʻrishda Respublika xoʻjalik sudlari tomonidan qonunchilikni tatbiq etish amaliyotining ayrim masalalari toʻgʻrisida”gi 53-son qarorining 4, 5-bandlari.

4. 1996-yil 9-avgustdagi “Pul majburiyatlari bilan bogʻliq boʻlgan nizolarni hal qilishning sudlov amaliyoti toʻgʻrisida”gi 58-son.

5. 1998-yil 6-fevraldagi “Oʻzbekiston Respublikasi Xoʻjalik protsessual kodeksini amalga kiritish bilan bogʻliq boʻlgan masalalar haqida”gi 68-son qarorlari oʻz kuchini yoʻqotgan deb topilsin.

Toshkent sh.,

2005-yil 31-mart,

129-son