“Abn-Amro” (niderlandlar) banki kreditini jalb etish toʻgʻrisida (211-son)

05.06.1996

Oʻzbekiston Respublikasi Vazirlar Mahkamasining

qarori

Savdo va xizmat koʻrsatish sohasi korxonalarini rivojlantirishga koʻmaklashish maqsadida Vazirlar Mahkamasi qaror qiladi:

1. Savdoga va tijoratga koʻmaklashuvchi “Oʻzsavdogarbank” ixtisoslashtirilgan aksionerlik-tijorat bankining ilovaga muvofiq “ABN-AMRO”“ (Niderlandlar) banki bilan 5 yilgacha muddatga 50 mln AQSH dollari miqdoridagi kreditni jalb etish yuzasidan shartnoma tuzish toʻgʻrisidagi taklifiga rozilik berilsin.

Kreditning Hukumat kafolati ostida 7,25 yillik foiz stavkasi bilan jalb etilayotgani va “Oʻzsavdogarbank” tomonidan xizmat koʻrsatiladigan korxona va tashkilotlarga kredit berish va soʻmdagi tushumlardan banklararo kreditlarni uzishda foydalanish uchun Oʻzbekiston Respublika valyuta birjasi orqali sotilishi maʼlumot uchun qabul qilinsin.

2. Belgilab qoʻyilsinki:

“Oʻzsavdogarbank” tomonidan kreditni toʻlovlar jadvaliga muvofiq oʻz vaqtida toʻlash maqsadida soʻmdagi mablagʻlar, keyinchalik ularni Oʻzbekiston Respublika valyuta birjasida EMVga konvertatsiya qilgan holda, maxsus schyotda jamgʻariladi;

“Oʻzsavdogarbank” tomonidan kreditga xizmat koʻrsatish schyotiga toʻlovlar kechikkan taqdirda Moliya vazirligi “Oʻzsavdogarbank”ning korrespondentlik schyotlaridan mablagʻlar koʻchirishni qatʼiy tartibda amalga oshiradi.

3. “Oʻzsavdogarbank”:

“ABN-AMRO” banki bilan kredit bitimini ishlab chiqish va tuzishni tugallasin;

kredit boʻyicha toʻlovlarni amalga oshirish uchun ikki oy muddatda soʻm va valyutada maxsus schyotlar ochsin.

4. Oʻzbekiston Respublikasi Moliya vazirligi kredit bitimi tuzilgandan soʻng bir hafta muddatda kredit boʻyicha Hukumat kafolatini imzolasin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari B.S. Hamidov va M.3. Usmonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1996-yil 5-iyun,

211-son

Vazirlar Mahkamasining 1996-yil 5-iyundagi 211-son qaroriga ILOVA

“Oʻzsavdogarbank”ning AVN—AMRO banki kreditiga xizmat koʻrsatish sxemasi

Eslatma: Jalb etilayotgan kreditning 902 mln soʻm (24,4 mln AQSH dollari) hajmidagi qismi banklararo kreditni toʻlashga yoʻnaltiriladi.