Hukumatlararo bitimlarni tasdiqlash toʻgʻrisida (232-son)

03.07.1996

Oʻzbekiston Respublikasi Vazirlar Mahkamasining

qarori

“Oʻzbekiston Respublikasining xalqaro shartnomalari toʻgʻrisida”gi Qonunning 20-moddasiga binoan Vazirlar Mahkamasi qaror qiladi:

1. Oʻzbekiston Respublikasi Hukumati bilan Ozarboayjon Respublikasi Hukumati oʻrtasida bojxona ishlarida hamkorlik va oʻzaro yordam toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida madaniyat sohasidagi hamkorlik toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida turizm sohasidagi hamkorlik toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida sogʻliqni saqlash sohasidagi hamkorlik qilish toʻgʻrisidagi Bitim

Oʻzbekiston Hukumati bilan Ozarbayjon Respublikasi Hukumati oʻrtasida xalqaro temir yoʻl aloqasi sohasidagi oʻzaro munosabatlar toʻgʻrisidagi Bitim

Oʻzbekiston Hukumati bilan Ozarbayjon Respublikasi Hukumati oʻrtasida savdodan tashqari toʻlovlar toʻgʻrisidagi Bitim

Oʻzbekiston Hukumati bilan Ozarbayjon Respublikasi Hukumati oʻrtasida fuqarolarning pensiya taʼminoti sohasidagi huquqlarini kafolatlash toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida standartlashtirish, metrologiya va sertifikatlashtirish sohasidagi hamkorlik toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida fan, texnika va axborot sohasidagi hamkorlik toʻgʻrisidagi Bitim:

Oʻzbekiston Hukumati bilan Ozarbayjon Respublikasi Hukumati oʻrtasida ishlab chiqarish kooperatsiyasi toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida pochta joʻnatmalari boʻyicha oʻzaro hamkorlik toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida xalqaro avtomobilda yuk tashish va yoʻlovchilar qatnovi toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida erkin savdo toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida havo qatnovi va havo transporti sohasida hamkorlik qilish toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida investitsiyalarni oʻzaro ragʻbatlantirish va himoya qilish toʻgʻrisidagi Bitim;

Oʻzbekiston Hukumati bilan Ozarbayjon Respublikasi Hukumati oʻrtasida ikki tomonlama soliq solishga yoʻl qoʻymaslik hamda daromad (foyda)ga va mulkka soliqlar solishdan boʻyin tovlashlarning oldini olish toʻgʻrisidagi Bitim;

Gruziya va Oʻzbekiston Respublikasi oʻrtasida hukm qilingan shaxslarni jazoni oʻzlari fuqarolari boʻlgan davlatida oʻtashlari uchun oʻtkazish toʻgʻrisidagi Shartnoma;

Gruziya Hukumati va Oʻzbekiston Respublikasi Hukumati oʻrtasida Gruziyaning 1992-yil uchun qarzini Oʻzbekiston Respublikasi Hukumatining Gruziya Hukumatiga bergan davlat krediti sifatida qayta rasmiylashtirish toʻgʻrisidagi Bitim;

Gruziya Hukumati va Oʻzbekiston Respublikasi Hukumati oʻrtasida fuqarolarning pensiya taʼminoti sohasidagi huquqlarini kafolatlash toʻgʻrisidagi Bitim;

Gruziya Hukumati bilan Oʻzbekiston Respublikasi Hukumati oʻrtasida moliya-sanoat guruhlarini tashkil etishning asosiy prinsiplari toʻgʻrisidagi Bitim;

Gruziya Hukumati bilan Oʻzbekiston Respublikasi Hukumati oʻrtasida ikki tomonlama soliq solishga yoʻl qoʻymaslik hamda daromad (foyda)ga va mulkka soliqlar toʻlashdan boʻyin tovlashlarning oldini olish toʻgʻrisidagi Bitim;

Gruziya Hukumati bilan Oʻzbekiston Respublikasi Hukumati oʻrtasida savdodan tashqari toʻlovlar toʻgʻrisidagi Bitim tasdiqlansin.

2. Bosh vazirning oʻrinbosarlari, Tashqi ishlar vaziri Oʻzbekiston Respublikasining koʻrsatib oʻtilgan bitimlarda nazarda tutilgan majburiyatlari oʻz vaqtida bajarilishini nazorat qilishni taʼminlasinlar.

Vazirlar Mahkamasining Raisi I. KARIMOV

Toshkent sh.,

1996-yil 3-iyul,

232-son