Aholiga sotiladigan avtomobil benzinining chakana narxlarini oʻzgartirish toʻgʻrisida (423-son)

29.11.1996

Oʻzbekiston Respublikasi Vazirlar Mahkamasining

qarori

Vazirlar Mahkamasi qaror qiladi:

1. 1996-yil 1-dekabrdan boshlab aholiga sotiladigan avtomobil benzinining chakana narxi 1 litri uchun 18 soʻm miqdori belgilansin.

2. Belgilab qoʻyilsinki, Oʻzbekiston Respublikasi Ijtimoiy taʼminot vazirligi belgilagan roʻyxati boʻyicha urush qatnashchilari va faxriylari, urush va mehnat nogironlari oyiga umumiy summasi borasida avtomobil benzinining 1 litrini 9 soʻmdan imtiyozli narxda sotib olish huquqiga ega boʻladilar. Shaxslarning koʻrsatib oʻtilgan toifalariga koʻrsatib oʻtilgan summadan ortiqcha avtobenzinning 1 litri 18 soʻmdan sotiladi.

3. Oʻzbekiston Respublikasi Moliya vazirligi bozor va bozordan tashqari fondlar boʻyicha narxlar darajasini muvofiqlashtirgan holda avtomobil benzinining yangi chakana narxlari preyskurantlarini tasdiqlasin hamda barcha manfaatdor vazirliklar, idoralar, korxonalar va tashkilotlarga yetkazsin.

4. “Oʻzdavneftmahsulot” davlat-aksionerlik birlashmasi, uning joylardagi organlari avtomobil benzinini naqd pulga sotuvchi avtomobil yoqilgʻisi quyish shoxobchalaridagi avtomobil benzini qoldiqlarini 1996-yil 1-dekabrdagi holatiga koʻra baholasinlar. Qayta baholashdan olingan summa toʻlaligicha korxonalarning yalpi daromadida hisobga olinadi va unga belgilangan tartibda soliq solinadi.

5. Oʻzbekiston Respublikasi Vazirlar Mahkamasining 1996-yil 28-martdagi 124-son qarori oʻz kuchini yoʻqotgan deb hisoblansin.

Oʻzbekiston Respublikasi Bosh vaziri Oʻ. SULTONOV

Toshkent sh.,

1996-yil 29-noyabr,

423-son