Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga oʻzgartirishlar kiritish haqida (2090-1-son)

20.05.2010

OʻZBEKISTON RESPUBLIKASI ADLIYA VAZIRINING

buyrugʻi

[Oʻzbekiston Respublikasi Adliya vazirligi tomonidan 2010-yil 20-mayda roʻyxatdan oʻtkazildi, roʻyxat raqami 2090-1]

Oʻzbekiston Respublikasi Prezidentining 2010-yil 5-maydagi PF-4216-sonli “Oʻzbekiston Respublikasida notariat institutini yanada takomillashtirish choralari toʻgʻrisida”gi Farmoni (Oʻzbekiston Respublikasi qonun hujjatlari toʻplami, 2010-y., 18-19-son, 137-modda) va Oʻzbekiston Respublikasi Vazirlar Mahkamasining 2003-yil 27-avgustdagi 370-sonli “Oʻzbekiston Respublikasi Adliya vazirligi faoliyatini yanada takomillashtirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2003-y., 15-16-son, 138-modda) muvofiq buyuraman:

1. Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga (roʻyxat raqami 2090, 2010-yil 30-mart) (Oʻzbekiston Respublikasi qonun hujjatlari toʻplami, 13-son, 99-modda) ilovaga muvofiq oʻzgartirishlar kiritilsin.

2. Mazkur buyruq davlat roʻyxatidan oʻtkazilsin va bu haqda Oʻzbekiston Respublikasi vazirliklari, davlat qoʻmitalari va idoralari normativ-huquqiy hujjatlarining davlat reyestriga tegishli yozuv kiritilsin.

3. Qonun hujjatlarini turkumlash va huquqiy axborot boshqarmasi (S. Nuriyev) va Notariat, FHDY va advokatura boshqarmasi (D. Yakubova) ushbu normativ-huquqiy hujjatni oʻn kun muddat ichida barcha manfaatdor shaxslarga yetkazilishi va “Oʻzbekiston Respublikasi qonun hujjatlari toʻplami” — “Sobraniye zakonodatelstva Respubliki Uzbekistan”da nashr etilishini taʼminlasin.

4. Mazkur buyruq 2010-yil 1-iyundan boshlab kuchga kiradi.

5. Mazkur buyruq ijrosini nazorat qilish vazir oʻrinbosari E. Kanyazov zimmasiga yuklansin.

Vazir R. MUHITDINOV

Toshkent sh.,

2010-yil 20-may,

92-mh-son

Oʻzbekiston Respublikasi adliya vazirining 2010-yil 20-maydagi 92-mh-son buyrugʻiga ILOVA

Notariuslar tomonidan notarial harakatlarni amalga oshirish tartibi toʻgʻrisidagi yoʻriqnomaga kiritilayotgan oʻzgartirishlar

1. Muqaddimadan “va xususiy amaliyot bilan shugʻullanuvchi notariuslar” degan soʻzlar chiqarib tashlansin.

2. 1-bandning birinchi xatboshisi, 29-bandning birinchi xatboshisi, 178-bandning ikkinchi xatboshisi, 225—231-bandlar, 239-band, 241-bandning uchinchi xatboshisi, 252-bandning ikkinchi xatboshisidagi, 254 va 256-bandlar, 275-bandning uchinchi xatboshisi, 280-band, 336 va 365-bandlardagi “davlat notariusi” va “Davlat notariusi” degan soʻzlar tegishlicha “notarius” va “Notarius” degan soʻzlar bilan almashtirilsin.

3. 2-band oʻz kuchini yoʻqotgan deb hisoblansin.

4. 4-bandning beshinchi xatboshisidagi “Notarial idoradan” degan soʻzlar “Davlat notarial idorasidan” degan soʻzlar bilan almashtirilsin.

5. 9-banddagi “notarial idora” va “notarial idoraga” degan soʻzlar tegishlicha “davlat notarial idorasi” va “davlat notarial idorasiga” degan soʻzlar bilan almashtirilsin.

6. 16-bandda:

birinchi xatboshidan “yoki xususiy notariusning idorasida ishlovchi shaxslar” degan soʻzlar chiqarib tashlansin;

ikkinchi xatboshidagi “notarial idorada” degan soʻzlar “davlat notarial idorasida” degan soʻzlar bilan almashtirilsin.

7. 26-bandda:

birinchi xatboshidagi “(tarif boʻyicha haq)” degan soʻzlar chiqarib tashlansin hamda “notarial idoraning” degan soʻzlar “davlat notarial idorasining” degan soʻzlar bilan almashtirilsin;

ikkinchi xatboshidagi “(tarif boʻyicha haq)” degan soʻzlar chiqarib tashlansin.

8. 27-bandning birinchi xatboshisidagi “notarial idoralarda” degan soʻzlar “davlat notarial idoralarida” degan soʻzlar bilan almashtirilsin.

9. 31-bandning birinchi xatboshisi, 94 va 130-bandlar, 153-bandning ikkinchi xatboshisi, 316-bandning ikkinchi xatboshisi va 347-banddagi “notarial idorada” va “Notarial idorada” degan soʻzlar tegishlicha “davlat notarial idorasida” va “Davlat notarial idorasida” degan soʻzlar bilan almashtirilsin.

10. 34-bandda:

birinchi xatboshidagi “Davlat notariusi” degan soʻzlar “Notarius” degan soʻz bilan almashtirilsin;

ikkinchi va uchinchi xatboshilari chiqarib tashlansin.

11. 42 va 43-bandlar, 45-bandning yigirma ikkinchi xatboshisi, 95-bandning yigirma birinchi xatboshisi, 107-bandning oʻninchi xatboshisi, 112-bandning toʻrtinchi va oltinchi xatboshilari, 117-bandning oʻn ikkinchi xatboshisi, 125-bandning oʻn beshinchi xatboshisi, 126, 303 va 313-bandlar, 316-bandning ikkinchi xatboshisi, 331 va 334-bandlardan “(tarif boʻyicha haq)” degan soʻzlar chiqarib tashlansin.

12. 46-band oʻz kuchini yoʻqotgan deb hisoblansin.

13. 127-bandda:

birinchi xatboshidagi “davlat notariusi” degan soʻzlar “notarius” degan soʻz bilan almashtirilsin;

ikkinchi xatboshi chiqarib tashlansin.

14. 163-banddagi “notarial idora” degan soʻzlar “davlat notarial idorasi” degan soʻzlar bilan almashtirilsin.

15. 205-bandning ikkinchi xatboshisidagi “davlat notariusiga” degan soʻzlar “notariusga” degan soʻz bilan almashtirilsin.

16. 206-banddagi “davlat notariusiga” va “davlat notariusi” degan soʻzlar tegishlicha “notariusga” va “notarius” degan soʻzlar bilan almashtirilsin.

17. 228-bandning birinchi xatboshisi, 284 va 366-bandlar, 372-bandning birinchi xatboshisidagi “Davlat notariuslari” va “davlat notariuslari” degan soʻzlar tegishlicha “Notariuslar” va “notariuslar” degan soʻzlar bilan almashtirilsin.

18. 229-bandning birinchi xatboshisi, 242-bandning birinchi xatboshisi va 334-banddagi “notarial idoraga” degan soʻzlar “davlat notarial idorasiga” degan soʻzlar bilan almashtirilsin.

19. 282-band oʻz kuchini yoʻqotgan deb hisoblansin.

20. 285-bandda:

birinchi xatboshidagi “Davlat notariuslari” degan soʻzlar “Notariuslar” degan soʻz bilan almashtirilsin hamda “shuningdek xususiy notariuslarning tegishli xabarnomalarini” degan soʻzlar chiqarib tashlansin;

uchinchi xatboshidagi “Davlat notariusi” degan soʻzlar “Notarius” degan soʻz bilan almashtirilsin.

21. 324-bandda:

birinchi xatboshidagi “Davlat notariuslari” degan soʻzlar “Notariuslar” degan soʻz bilan almashtirilsin;

ikkinchi xatboshi chiqarib tashlansin.

22. 337-banddagi “davlat notariusining” degan soʻzlar “notariusning” degan soʻz bilan almashtirilsin.

23. 339-banddan “va xususiy notariusning” degan soʻzlar chiqarib tashlansin.

24. 367-banddagi “notarial idoraga” va “davlat notariusi” degan soʻzlar tegishlicha “davlat notarial idorasiga” va “notarius” degan soʻzlar bilan almashtirilsin.

25. 369-bandning birinchi xatboshisidagi va 370-banddagi “davlat notariuslari va xususiy notariuslar” degan soʻzlar “notariuslari” degan soʻz bilan almashtirilsin.