“Tijorat banklarining aksiyalarini xarid qilish va ular boʻyicha dividendlar olishda soliq imtiyozlarini qoʻllash tartibi toʻgʻrisidagi nizomni tasdiqlash haqida”gi qarorini oʻz kuchini yoʻqotgan deb topish haqida (1664-1-son)

17.05.2010

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT SOLIQ QOʻMITASI OʻZBEKISTON RESPUBLIKASI MARKAZIY BANKI BOShQARUVINING

Qarori

[Oʻzbekiston Respublikasi Adliya vazirligi tomonidan 2010-yil 17-mayda roʻyxatdan oʻtkazildi, roʻyxat raqami 1664-1]

Oʻzbekiston Respublikasi Soliq kodeksi (Oʻzbekiston Respublikasi qonun hujjatlari toʻplami, 2007-y., 52(II)-son), Oʻzbekiston Respublikasi “Davlat soliq xizmati toʻgʻrisida”gi Qonunining 7-moddasi (Oʻzbekiston Respublikasi Oliy Majlisi Axborotnomasi, 1997-y., 9-son, 232-modda), shuningdek Oʻzbekiston Respublikasi Prezidentining 2006-yil 19-dekabrdagi PF-3831-son “Tijorat banklarining kapitallashish darajasini oshirishni ragʻbatlantirish chora-tadbirlari toʻgʻrisida”gi Farmonida (Oʻzbekiston Respublikasi qonun hujjatlari toʻplami, 2006-y., 51-52-son, 503-modda) nazarda tutilgan imtiyozlarning amal qilish muddati tugaganligi sababli Oʻzbekiston Respublikasi Moliya vazirligi, Davlat soliq qoʻmitasi va Markaziy banki Boshqaruvi qaror qiladilar:

1. Oʻzbekiston Respublikasi Moliya vazirligi, Davlat soliq qoʻmitasi va Markaziy bank Boshqaruvining 2007-yilning 19-fevraldagi 23, 2007-17, 286-V-son “Tijorat banklarining aksiyalarini xarid qilish va ular boʻyicha dividendlar olishda soliq imtiyozlarini qoʻllash tartibi toʻgʻrisidagi nizomni tasdiqlash haqida”gi qarori (roʻyxat raqami 1664, 2007-yil 20-mart) (Oʻzbekiston Respublikasi qonun hujjatlari toʻplami, 2007-y., 12-son, 114-modda) oʻz kuchini yoʻqotgan deb hisoblansin.

2. Mazkur qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri R. AZIMOV

Toshkent sh.,

2010-yil 10-may,

40-son

Davlat soliq qoʻmitasi raisi B. PARPIYEV

Toshkent sh.,

2010-yil 10-may,

2010-18-son

Markaziy bank raisi F. MULLAJONOV

Toshkent sh.,

2010-yil 10-may,

17/2-son