2000-yilgacha boʻlgan davrda Oʻzbekiston Respublikasi qishloq ijtimoiy infrastrukturasini rivojlantirish dasturi toʻgʻrisida (182-son)

21.05.1996

Oʻzbekiston Respublikasi Vazirlar Mahkamasining

qarori

[Koʻchirma]

Qishloqning iqtisodiy va mehnat imkoniyatlaridan yanada toʻliq va samarali foydalanish uchun qulay sharoitlar yaratish, qishloq aholisining turmush sharoitlarini yaxshilash maqsadida Vazirlar Mahkamasi qaror qiladi:

1. “Oʻzistiqbolstat” davlat qoʻmitasi, Oʻzbekiston Respublikasi Moliya vazirligi, sogʻliqni saqlash vazirligi va Xalq taʼlimi vazirligi tomonidan ishlab chiqilgan 2000-yilgacha boʻlgan davrda qishloq ijtimoiy infrastrukturasini rivojlantirish dasturi 1—8-ilovalarga muvofiq tasdiqlansin.

Qoraqalpogʻiston Respublikasi Vazirlar Kengashi, viloyatlar va tumanlar hokimliklari “Oʻzistiqbolstat” davlat qoʻmitasi va Oʻzbekiston Respublikasi Moliya vazirligi ishtirokida tasdiqlangan Dasturni amalga oshirish yuzasidan joylarda amaliy ishlarni tashkil etsinlar.

2. 1996-1997-yillarda qishloq ijtimoiy infrastrukturasini rivojlantirish dasturini mablagʻ bilan taʼminlash manbalari va ularning buyurtmachilar va asosiy pudratchi tashkilotlar boʻyicha taqsimlanishi 9-10-ilovalarga muvofiq belgilansin.

“Oʻzistiqbolstat” davlat qoʻmitasi 10-ilovada belgilangan buyurtmachilar bilan birgalikda qurilishlarning aniq roʻyxatlarini belgilangan tartibda tasdiqlasin, ularda budjetdan ajratiladigan mablagʻlarning qishloq joylarda qurilishga tayyorligi yuqori darajada boʻlgan maktablar va sogʻliqni saqlash obyektlari qurilishini tugallashga yoʻnaltirilishini nazarda tutsin.

“Oʻzistiqbolstat” davlat qoʻmitasi va Oʻzbekiston Respublikasi Moliya vazirligi, Qoraqalpogʻiston Respublikasi Vazirlar Kengashi, viloyatlar hokimliklari 1998—2000-yillarga moʻljallangan yillik investitsiya dasturlarini tuzishda qishloqning ijtimoiy infrastrukturasini rivojlantirishga oid belgilangan topshiriqlarning bajarilishi uchun mablagʻ bilan taʼminlashning turli manbalari hisobiga zarur mablagʻlar ajratishni nazarda tutsinlar.

3. Qoraqalpogʻiston Respublikasi Vazirlar Kengashi, viloyatlar hokimliklari:

Oʻzbekiston Respublikasi Sogʻliqni saqlash vazirligi va Xalq taʼlimi vazirligi bilan birgalikda ikki hafta muddatda qishloq ijtimoiy infrastrukturasini rivojlantirishning ana shunday dasturlarini tumanlar boʻyicha ishlab chiqsinlar hamda ularni “Oʻzistiqbolstat” davlat qoʻmitasiga taqdim etsinlar;

bir oy muddatda tegishli loyihalash tashkilotlari bilan birgalikda Dasturda nazarda tutilgan qishloq umumtaʼlim maktablari va sogʻliqni saqlash obyektlarini rekonstruksiya qilish, kengaytirish va qurish ishlarini amalga oshirish boʻyicha loyiha-smeta hujjatlarini tayyorlasinlar.

6. Oʻzbekiston Respublikasi Sogʻliqni saqlash vazirligi:

1996-yil mobaynida feldsher-akusherlik punktlari va birinchi tibbiy yordam koʻrsatish boshqa muassasalarini qishloq davolash punktlariga aylantirish hisobiga qishloq sogʻliqni saqlash tizimi tuzilmasini takomillashtirish chora-tadbirlarini amalga oshirsin, hokimliklar bilan birgalikda ularni malakali vrachlar, tibbiyot asbob-uskunalari va anjomlari bilan taʼminlasin;

1996-yil 10-iyungacha boʻlgan muddatda qishloq davolash punktlari faoliyatini tashkil etishga oid normativ hujjatlarni ishlab chiqsin va tasdiqlasin.

7. Mazkur qarorning bajarilishini nazorat qilish Bosh vazirning birinchi oʻrinbosari I.H. Joʻrabekov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1996-yil 21-may,

182-son

Vazirlar Mahkamasining 1996-yil 21-maydagi 182-sonli qaroriga 1-ILOVA

Oʻzbekiston Respublikasi qishloq joylarida 1996—2000-yillarda qishloq davolash punktlari va kasalxonalarini rivojlantirish dasturi va 2005-yilgacha prognozi

Vazirlar Mahkamasining 1996-yil 21-maydagi 182-sonli qaroriga 2-ILOVA

Oʻzbekiston Respublikasi qishloq joylarida 1996—2000-yillarda aholiga dastlabki tibbiy-sanitariya yordami koʻrsatish muassasalarini oʻzgartirish

DASTURI

Vazirlar Mahkamasining 1996-yil 21-maydagi 182-sonli qaroriga 3-ILOVA

Oʻzbekiston Respublikasi qishloq joylarida 1996—2000-yillarda umumtaʼlim maktablarini rivojlantirish dasturi va 2005-yilgacha prognozi

Vazirlar Mahkamasining 1996-yil 21-maydagi 182-sonli qaroriga 4-ILOVA

Oʻzbekiston Respublikasi qishloq joylarida 1996—2000-yillarda uy-joy qurilishini rivojlantirish

DASTURI

Vazirlar Mahkamasining 1996-yil 21-maydagi 182-sonli qaroriga 5-ILOVA

Oʻzbekiston Respublikasi qishloq joylarida 1996—2000-yillarda vodoprovod tarmoqlarini rivojlantirish

DASTURI

Eslatma: budjet mablagʻlarini hisobiga qishloq tumanlararo va xoʻjaliklararo suv oqizgʻichlari qurilishi har yili tasdiqlanadigan aniq roʻyxatga asosan “Obihayot” aksionerlik investitsiya kompaniyasi va “Orolboʻyi” birlashgan direksiyasi kuchlari tomonidan amalga oshiriladi.

Vazirlar Mahkamasining 1996-yil 21-maydagi 182-sonli qaroriga 6-ILOVA

Oʻzbekiston Respublikasi qishloq joylarida 1996—2000-yillarda gaz tarmoqlarini rivojlantirish

DASTURI

Eslatma: budjet mablagʻlarini hisobiga qishloq tumanlararo va xoʻjaliklararo oʻrta bosimdagi gaz tarmoqlari qurilishi har yili tasdiqlanadigan aniq roʻyxatga asosan “Maxsustuzatishsozlash” respublika ishlab chiqarish birlashmasi va “Orolboʻyi” birlashgan direksiyasi kuchlari tomonidan amalga oshiriladi.

Vazirlar Mahkamasining 1996-yil 21-maydagi 182-sonli qaroriga 7-ILOVA

Oʻzbekiston Respublikasi qishloq joylarida 1996—2000-yillarda savdo, umumiy ovqatlanish va maishiy xizmat koʻrsatish obyektlarini rivojlantirish dasturi [korxonalar mablagʻlari hisobiga]

Vazirlar Mahkamasining 1996-yil 21-maydagi 182-sonli qaroriga 8-ILOVA

Oʻzbekiston Respublikasi qishloq joylarini 1996—2000-yillarda telefonlashtirishni rivojlantirish

DASTURI

Vazirlar Mahkamasining 1996-yil 21-maydagi 182-sonli qaroriga 9-ILOVA

Qishloq ijtimoiy infrastrukturasini 1996-1997-yillarda rivojlantirish dasturini amalga oshirishga yoʻnaltiriladigan kapital qoʻyilmalarni mablagʻ bilan taʼminlash manbalari

Vazirlar Mahkamasining 1996-yil 21-maydagi 182-sonli qaroriga 10-ILOVA

1996-1997-yillarda qishloq infrastrukturasini rivojlantirishga yoʻnaltiriladigan kapital mablagʻlarning buyurtmachilar va pudratchi tashkilotlar boʻyicha taqsimlanishi

(11-ilova Oʻzbekiston Respublikasi Vazirlar Mahkamasining 2000-yil 19-sentabrdagi 359-sonli qaroriga muvofiq oʻz kuchini yoʻqotgan)