Oʻzbekiston Respublikasida ishchi kadrlarni uzluksiz kasbga oʻqitish, qayta oʻqitish va ularning malakasini oshirish tizimini shakllantirish toʻgʻrisida (87-son)

11.03.1996

Oʻzbekiston Respublikasi Vazirlar Mahkamasining

qarori

Respublika iqtisodiyotining yuqori malakali ishchi kadrlarga boʻlgan talablarini toʻlaroq qondirish, kasbga oʻqitishning uzluksizligini taʼminlash, fuqarolarning ijtimoiy himoyalanganligini kuchaytirish va mehnat bozorida ularning raqobat qila olish qobiliyatlarini oshirish maqsadida Vazirlar Mahkamasi qaror qiladi:

1. Ishchi kadrlarni uzluksiz tayyorlash, qayta tayyorlash va ularning malakasini oshirish tizimini shakllantirish va rivojlantirishga doir chora-tadbirlar ilovaga muvofiq tasdiqlansin.

2. Qoraqalpogʻiston Respublikasi Vazirlar Kengashi, viloyatlar, shaharlar va tumanlar hokimliklari uch oy muddatda ishchi kadrlarni uzluksiz tayyorlash, qayta tayyorlash va ularning malakasini oshirishning hududiy dasturlarini ishlab chiqsinlar va tasdiqlasinlar.

3. Mehnat vazirligi Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari bilan birgalikda ishchi kadrlarni uzluksiz tayyorlash, qayta tayyorlash va ularning malakasini oshirish tizimini shakllantirish va rivojlantirishga doir chora-tadbirlarni amalga oshirish qanday borayotganligi toʻgʻrisida Oʻzbekiston Respublikasi Vazirlar Mahkamasini 1996-yil 1-sentabrgacha xabardor qilsin.

4. Mazkur qarorning bajarilishini nazorat qilish Bosh vazir oʻrinbosarlari zimmasiga yuklansin.

Oʻzbekiston Respublikasi Bosh vaziri Oʻ. SULTONOV

Toshkent sh.,

1996-yil 11-mart,

87-son

Vazirlar Mahkamasining 1996-yil 11-martdagi 87-son qaroriga ILOVA

Ishchi kadrlarni uzluksiz tayyorlash, qayta tayyorlash va ularning malakasini oshirish tizimini shakllantirish va rivojlantirishga doir chora-tadbirlar