Oʻzbekiston Respublikasi davlat budjetining gʻazna ijrosi buxgalteriya hisobining yagona schetlar rejasini tasdiqlash toʻgʻrisida (2101-son)

26.04.2010

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2010-yil 26-aprelda 2101-son bilan davlat roʻyxatidan oʻtkazildi]

Oʻzbekiston Respublikasining “Budjet tizimi toʻgʻrisida”gi (Oʻzbekiston Respublikasi Oliy Majlisining Axborotnomasi, 2001-y., 1-2 son, 6-modda) va “Davlat budjetining gʻazna ijrosi toʻgʻrisida”gi qonunlariga (Oʻzbekiston Respublikasi Oliy Majlisining Axborotnomasi, 2004-y., 9-son, 164-modda) muvofiq, Oʻzbekiston Respublikasi Prezidentining 2005-yil 14-iyundagi “Bozor islohotlarini chuqurlashtirish va iqtisodiyotni yanada erkinlashtirish sohasidagi ustuvor yoʻnalishlar amalga oshirilishini jadallashtirish chora-tadbirlari toʻgʻrisida”gi PF–3618-sonli Farmoni 1-ilovasi, IV boʻlimi, 6-bandi (Oʻzbekiston Respublikasi qonun hujjatlari toʻplami, 2005-y., 23-24-son, 166-modda) va Oʻzbekiston Respublikasi Prezidentining 2007-yil 28-fevraldagi “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida”gi PQ–594-sonli qarori (Oʻzbekiston Respublikasi qonun hujjatlari toʻplami, 2007-y., 9-10-son, 82-modda) ijrosini taʼminlash maqsadida buyuraman:

1. Oʻzbekiston Respublikasi Davlat budjetining gʻazna ijrosi buxgalteriya hisobining yagona schyotlar rejasi ilovaga muvofiq tasdiqlansin.

2. Belgilab qoʻyilsinki, mazkur buyruq moliya va gʻaznachilik organlari, budjetdan mablagʻ oluvchilar, davlat maqsadli va budjetdan tashqari jamgʻarmalarning taqsimlovchi organlariga joriy etiladi.

3. Quyidagilar oʻz kuchini yoʻqotgan deb hisoblansin:

Oʻzbekiston Respublikasi moliya vazirining 2006-yil 7-apreldagi 37-son “Oʻzbekiston Respublikasi Davlat budjeti gʻaznachilik ijrosi buxgalteriya hisobining yagona hisoblar rejasini tasdiqlash haqida”gi buyrugʻi (roʻyxat raqami 1570, 2006-yil 3-may) (Oʻzbekiston Respublikasi qonun hujjatlari toʻplami, 2006-y., 18-son, 159-modda);

Oʻzbekiston Respublikasi moliya vazirining 2007-yil 23-noyabrdagi 102-son “Oʻzbekiston Respublikasi Davlat budjeti gʻaznachilik ijrosi buxgalteriya hisobining yagona hisoblar rejasini tasdiqlash haqida”gi Oʻzbekiston Respublikasi moliya vazirining buyrugʻiga oʻzgartirish kiritish toʻgʻrisida”gi buyrugʻi (roʻyxat raqami 1570-1, 2007-yil 5-dekabr) (Oʻzbekiston Respublikasi qonun hujjatlari toʻplami, 2007-y., 48-49-son, 496-modda);

Oʻzbekiston Respublikasi moliya vazirining 2009-yil 30-dekabrdagi 122-son “Oʻzbekiston Respublikasi Davlat budjeti gʻaznachilik ijrosi buxgalteriya hisobining yagona hisoblar rejasini tasdiqlash haqida”gi Oʻzbekiston Respublikasi moliya vazirining buyrugʻiga oʻzgartirish kiritish toʻgʻrisida”gi buyrugʻi (roʻyxat raqami 1570-2, 2009-yil 31-dekabr) (Oʻzbekiston Respublikasi qonun hujjatlari toʻplami, 2009-y., 52-son, 586-modda).

4. Mazkur buyruq 2012-yil 1-yanvardan kuchga kiradi.

Vazir R.S. AZIMOV

Toshkent sh.,

2010-yil 2-aprel,

26-son

Oʻzbekiston Respublikasi Moliya vazirining 2010-yil 2-apreldagi 26-son buyrugʻiga ILOVA

Oʻzbekiston Respublikasi Davlat budjetining gʻazna ijrosi buxgalteriya hisobining yagona schyotlar rejasi

(Oʻzbekiston Respublikasi qonun hujjatlari toʻplami, 2010-y., 17-son, 135-modda; 2012-y., 6-son, 64-modda; 2014-y., 2-son, 31-modda)