Oʻzbekiston Respublikasi Bojxona organlari tasarrufidagi bino va inshootlardan foydalanish samaradorligini oshirish chora-tadbirlari toʻgʻrisida (34-son)

25.02.2010

Oʻzbekiston Respublikasi Vazirlar Mahkamasining

qarori

Oʻzbekiston Respublikasi bojxona organlari tasarrufidagi bino va inshootlardan foydalanish samaradorligini oshirish, shuningdek ularni saqlash xarajatlarini kamaytirish maqsadida Vazirlar Mahkamasi qaror qiladi:

1. Oʻzbekiston Respublikasi Davlat bojxona qoʻmitasi, Ichki ishlar vazirligi, Adliya vazirligi, Iqtisodiyot vazirligi, Moliya vazirligi, Davlat mulki qoʻmitasi va Fargʻona viloyati hokimligining 1 va 2-ilovalarga muvofiq roʻyxatlar boʻyicha Oʻzbekiston Respublikasi bojxona organlarining foydalanilmayotgan bino va inshootlarini balansdan balansga oʻtkazish, shuningdek xususiylashtirish toʻgʻrisidagi takliflariga rozilik berilsin.

2. Oʻzbekiston Respublikasi Davlat bojxona qoʻmitasi, Oʻzbekiston Respublikasi ichki ishlar vazirligi, Adliya vazirligi va Fargʻona viloyati hokimligi 1-ilovaga kiritilgan bino va inshootlarning belgilangan tartibda topshirilishi, balansga qabul qilinishi, shuningdek ularning saqlab turilishi va maqsadli foydalanilishini taʼminlasin.

3. Oʻzbekiston Respublikasi Davlat mulki qoʻmitasi 2-ilovaga kiritilgan bino va inshootlarni belgilangan tartibda xususiylashtirishni taʼminlasin.

4. Davlat bojxona qoʻmitasi Oʻzbekiston Respublikasi Davlat mulki qoʻmitasiga xususiylashtirilishi lozim boʻlgan bino va inshootlarni sotishdan oldin tayyorlash va savdoga qoʻyish uchun zarur boʻlgan hujjatlarni taqdim etsin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov zimmasiga yuklansin.

Oʻzbekiston Respublikasi Bosh vaziri Sh. MIRZIYOYEV

Toshkent sh.,

2010-yil 25-fevral,

34-son

Vazirlar Mahkamasining 2010-yil 25-fevraldagi 34-son qaroriga 1-ILOVA

Davlat bojxona qoʻmitasi balansidan Oʻzbekiston Respublikasi ichki ishlar vazirligi, Adliya vazirligi va Fargʻona viloyati hokimligi balansiga oʻtkaziladigan foydalanilmayotgan bino va inshootlar

ROʻYXATI

Vazirlar Mahkamasining 2010-yil 25-fevraldagi 34-son qaroriga 2-ILOVA

Oʻzbekiston Respublikasi Davlat bojxona qoʻmitasining xususiylashtiriladigan bino va inshootlari

ROʻYXATI