“Buxoro shahri aeroportida yangi yoʻlovchilar terminali qurilishini tugatish” loyihasini amalga oshirishni moliyalashtirish tartibi toʻgʻrisidagi nizomni tasdiqlash haqida (61-son)

01.04.2010

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining ““Buxoro shahri aeroportida yoʻlovchilarga moʻljallangan yangi terminal qurilishini nihoyasiga yetkazish” loyihasini amalga oshirish chora-tadbirlari toʻgʻrisida” 2009-yil 9-fevraldagi PQ-1054-son qarorini oʻz vaqtida bajarish maqsadida Vazirlar Mahkamasi qaror qiladi:

1. “Buxoro shahri aeroportida yangi yoʻlovchi terminali qurilishini tugatish” loyihasini amalga oshirishni moliyalashtirish tartibi toʻgʻrisidagi nizom ilovaga muvofiq tasdiqlansin.

2. Quyidagilar maʼlumot uchun qabul qilinsin:

Oʻzbekiston Respublikasi Prezidentining 2009-yil 9-fevraldagi PQ-1054-son qarorining 3-bandiga hamda Oʻzbekiston Respublikasi Iqtisodiyot vazirligi va Birlashgan Arab Amirliklari Dubay Amirligi Hukumatining Oʻzbekiston Respublikasidagi Vakolatxonasi oʻrtasidagi oʻzaro anglashuv toʻgʻrisidagi bayonnomaga muvofiq “Oʻzshaharsozlik LITI” OAJ bosh loyiha tashkiloti etib belgilanganligi;

“Oʻzshaharsozlik LITI” OAJ bosh loyihalash tashkiloti tomonidan “Zilzilabardoshqurilish” ilmiy-loyihalash markazi bilan birgalikda Buxoro shahri aeroportidagi yoʻlovchi terminali binosi karkasi konstruksiyasini mustahkamlash boʻyicha 372 mln soʻmlik loyiha-smeta hujjatlari ishlab chiqilgan va belgilangan tartibda davlat ekspertizasidan oʻtkazilgan;

Buxoro shahri aeroportidagi yangi yoʻlovchi terminalining ishchi loyiha-smeta hujjatlarini ishlab chiqish 2010-yil 1-maygacha tugallanadi, keyinchalik vakolatli organga davlat ekspertizasidan oʻtkazish uchun kiritiladi.

3. “Oʻzbekiston havo yoʻllari” milliy aviakompaniyasi va Buxoro viloyati hokimligining joriy yilda quyidagi chora-tadbirlarni amalga oshirish yoʻli bilan “Buxoro shahri aeroportida yangi yoʻlovchi terminali qurilishini tugatish” loyihasini amalga oshirishni jadallashtirish toʻgʻrisidagi taklifi qabul qilinsin:

birinchi bosqichda — “2-son Buxorojamoaqurilish” uyushmasining (Buxoro shahri) “MKMK-47” MCHJ yoʻlovchi terminali binosi karkasi konstruksiyasini kuchaytirish ishlarini bajarish boʻyicha pudratchi etib belgilansin;

ikkinchi bosqichda — “Oʻzbekiston havo yoʻllari” milliy aviakompaniyasi (Tyan) shu yilning 1-iyuniga qadar “Davarxitektqurilish” qoʻmitasi (Maksumov), Iqtisodiyot vazirligi (Bekenov), Moliya vazirligi (Gʻulomov) va Buxoro viloyati hokimligi (Husenov) bilan birgalikda ishlab chiqilgan va ekspertizadan oʻtkazilgan loyiha-smeta hujjatlarini, shuningdek birinchi bosqichdagi pudratchining ish natijalarini hisobga olgan holda tanlov asosida loyihani 2010-yilning IV choragida tugatish uchun bosh pudratchini aniqlasin.

4. “Asaka” DATB 2010-yil 1-apreldan boshlab “Buxoro shahri aeroportida yangi yoʻlovchi terminali qurilishini tugatish” loyihasining birinchi bosqichi boʻyicha mablagʻ bilan taʼminlasin.

5. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari B.A. Xodjayev zimmasiga yuklansin.

Oʻzbekiston Respublikasi Bosh vaziri Sh. MIRZIYOYEV

Toshkent sh.,

2010-yil 1-aprel,

61-son

Vazirlar Mahkamasining 2010-yil 1-apreldagi 61-son qaroriga ILOVA

“Buxoro shahri aeroportida yangi yoʻlovchi terminali qurilishini tugatish” loyihasini amalga oshirishni moliyalashtirish tartibi toʻgʻrisida

NIZOM

I. Umumiy qoidalar

1. Mazkur tartib Oʻzbekiston Respublikasi Prezidentining ““Buxoro shahri aeroportida yoʻlovchilarga moʻljallangan yangi terminal qurilishini nihoyasiga yetkazish” loyihasini amalga oshirish chora-tadbirlari toʻgʻrisida” 2009-yil 9-fevraldagi PQ-1054-son qaroriga muvofiq ishlab chiqilgan va Buxoro shahri aeroportida yangi yoʻlovchi terminali qurilishini tugatishni moliyalashtirish tartibini belgilaydi.

2. Obyektning cheklangan qiymati, oldingi davr xarajatlarisiz, “OʻzshaharsozlikLITI” OAJ loyiha tashkilotining xulosasiga koʻra 14,65 mln AQSH dollarini tashkil etadi.

3. Loyihani moliyalashtirish ikki bosqichda amalga oshiriladigan Birlashgan Arab Amirliklari Hukumati tomonidan ajratiladigan grant mablagʻlari moliyalashtirish manbai hisoblanadi:

birinchi transh — 7,65 mln AQSH dollari;

ikkinchi transh — 7,0 mln AQSH dollari (birinchi transhning 80 foizi oʻzlashtirilgandan soʻng).

II. Moliyalashtirish mexanizmi

4. Grant mablagʻlari Oʻzbekiston Respublikasi Moliya vazirligining “Asaka” DATBda ochiladigan maxsus valyuta hisob raqamiga (keyingi oʻrinlarda hisob raqami deb ataladi) oʻtkaziladi.

5. Oʻzbekiston Respublikasi Moliya vazirligi Buxoro viloyati hokimligi, “Oʻzbekiston havo yoʻllari” MAK va “Asaka” DATB bilan birgalikda Vazirlar Mahkamasining “Xalqaro xorijiy hukumat va nohukumat tashkilotlaridan olingan moliyaviy mablagʻlar, texnik koʻmaklashish, grantlar va muruvvat yordamini hisobga olish samaradorligini oshirish chora-tadbirlari toʻgʻrisida” 2004-yil 4-fevraldagi 56-son qarori talablarini hisobga olgan holda maxsus valyuta hisob raqami orqali operatsiyalarni oʻtkazish boʻyicha vaqtinchalik texnik yoʻriqnomani ishlab chiqsin.

6. Buxoro viloyati hokimligining tegishli buyurtmanomalari asosida maxsus valyuta hisobvaragʻi mablagʻlari:

keyinchalik import kontraktlari boʻyicha sotib olinadigan texnologik asbob-uskunalar uchun haq toʻlash uchun “Oʻzbekiston havo yoʻllari” MAKning buyurtmanomada koʻrsatilgan maxsus hisob raqamiga erkin almashtiriladigan valyutada oʻtkaziladi;

“Asaka” DATBga oʻtkaziladi, soʻmdagi ekvivalenti qurilish-montaj ishlarini maqsadli moliyalashtirish hamda qurilish materiallari va asbob-uskunalarni milliy valyutaga sotib olish uchun “Asaka” DATBning viloyat boʻlimida ochilgan Buxoro viloyati hokimligining maxsus hisob raqamiga oʻtkaziladi.

III. Grant mablagʻlarini taqsimlash va ulardan maqsadli foydalanish

7. Buxoro viloyati hokimligi qurilish-montaj ishlari, qurilish materiallari va asbob-uskunalarni milliy valyutada xarid qilish hamda buyurtmachining obyekt boʻyicha boshqa xarajatlarini toʻlash uchun grant mablagʻlarini oluvchi, tasarruf etuvchi va ulardan maqsadli foydalanilishi uchun masʼul hisoblanadi, “Oʻzbekiston havo yoʻllari” MAK esa import kontraktlari boʻyicha chet el valyutasida xarid qilinadigan texnologik asbob-uskunalar uchun haq toʻlash uchun grant mablagʻlaridan maqsadli foydalanilishi uchun masʼul hisoblanadi.

8. Buxoro viloyati hokimligi qurilish-montaj ishlarini va buyurtmachining boshqa xarajatlarini mablagʻ bilan taʼminlashni Vazirlar Mahkamasining 2003-yil 12-sentabrdagi 395-son qarori bilan belgilangan talablar va tartibga muvofiq “Oʻzbekiston havo yoʻllari” MAK orqali amalga oshiradi.

9. Bajarilgan ishlar hajmi boʻyicha “Oʻzbekiston havo yoʻllari” MAK Buxoro viloyati hokimligiga mablagʻlarga boʻlgan talabnoma bilan asoslangan va tasdiqlangan hisob-kitoblarni taqdim etadi. Talabnomalar soʻm va valyuta mablagʻlari boʻyicha alohida taqdim etilishi lozim.

10. Buxoro viloyati hokimligi “Oʻzbekiston havo yoʻllari” MAK tomonidan mablagʻlarga boʻlgan ehtiyoj toʻgʻrisida taqdim etilgan buyurtmanomalar asosida qurilish-montaj ishlarini moliyalashtirishni ochish, qurilish materiallari va asbob-uskunalarni milliy valyutaga xarid qilish, shuningdek, qurilishlarning tasdiqlangan manzilli roʻyxatiga muvofiq import boʻyicha texnologik asbob-uskunalarni (valyuta mablagʻlari) xarid qilish uchun Iqtisodiyot vazirligi, Moliya vazirligi va Buxoro viloyati hokimligi bilan kelishilgan buyurtmanomani Moliya vazirligiga taqdim etadi.

IV. Buyurtmachi

11. Oʻzbekiston Respublikasi Prezidentining 2009-yil 9-fevraldagi PQ-1054-son qarorining 2-bandiga muvofiq buyurtmachi funksiyasini “Oʻzbekiston havo yoʻllari” MAK amalga oshiradi.

12. “Oʻzbekiston havo yoʻllari” MAK Vazirlar Mahkamasining 2003-yil 12-sentabrdagi 395-son qarori bilan belgilangan talablar va tartibga muvofiq buyurtmachining boshqa funksiyalarini ham bajaradi.

13. Moliyalashtirishni ochish uchun “Oʻzbekiston havo yoʻllari” MAK Vazirlar Mahkamasining 2003-yil 12-sentabrdagi 395-son qarori bilan belgilangan talablar va tartibga muvofiq hujjatlarni hokimlikka taqdim etadi.

14. “Oʻzbekiston havo yoʻllari” MAK hokimlikka loyiha-smeta hujjatlarini, shu jumladan ishlarni bajarish jadvalini va moliyalashtirish (mablagʻlarni oʻzlashtirish) jadvalini taqdim etadi.