Oʻzbekiston Respublikasi Qurolli kuchlar muzeyi faoliyatini yanada takomillashtirishga doir qoʻshimcha chora-tadbirlar toʻgʻrisida (54-son)

25.03.2010

Oʻzbekiston Respublikasi Vazirlar Mahkamasining

qarori

Oʻzbekistonning harbiy sohadagi tarixiga oid yodgorliklarni toʻplash, tadqiq etish va saqlash, ulardan harbiy xizmatchilar va aholini, ayniqsa yosh avlodni vatanparvarlik ruhida tarbiyalashda foydalanishni zamon talablari darajasida tashkil etish maqsadida Vazirlar Mahkamasi qaror qiladi:

1. Oʻzbekiston Respublikasi Mudofaa vazirligining Oʻzbekiston Respublikasi Qurolli Kuchlar muzeyi “Oʻzbekiston Respublikasi Qurolli Kuchlar davlat muzeyi” (keyingi oʻrinlarda Qurolli Kuchlar davlat muzeyi deb ataladi) deb qayta nomlansin.

4. Qurolli Kuchlar davlat muzeyi tarkibida Ilmiy-uslubiy va ilmiy- tadqiqot axborot markazi tashkil etilsin.

5. Quyidagilar Ilmiy-uslubiy va ilmiy-tadqiqot axborot markazining asosiy vazifalari etib belgilansin:

muzeyni rivojlantirishning ilmiy-uslubiy asoslarini, istiqbolli rejasini ishlab chiqish;

muzey fondlari va ekspozitsiyalarini Qurolli Kuchlar tarixiga oid arxiv hujjatlari va boshqa eksponatlar bilan muntazam ravishda boyitib borish;

harbiy okruglar (birlashmalar), harbiy taʼlim muassasalarining harbiy-tarixiy muzeylari faoliyatini muvofiqlashtirishga doir ishlarni olib borish;

muzey faoliyati boʻyicha ommaviy axborot vositalarida maqolalar eʼlon qilish, telekoʻrsatuvlar, radioeshittirishlar tayyorlash, materiallarni nashrga tayyorlash va chop etish;

muzeyning faoliyat yoʻnalishiga doir maʼnaviy-maʼrifiy, targʻibot tadbirlarini amalga oshirish.

10. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari A.N. Aripov zimmasiga yuklansin.

Oʻzbekiston Respublikasi Bosh vaziri Sh. MIRZIYOYEV

Toshkent sh.,

2010-yil 25-mart,

54-son