“Alkogolli mahsulotga toʻlanadigan aksiz soligʻining bir qismini hisoblab chiqish va “Oʻzvinosanoat” xolding kompaniyasining rekonstruksiyalash va rivojlantirish jamgʻarmasiga yoʻnaltirish toʻgʻrisidagi nizomni tasdiqlash haqida”gi qaror va unga kiritilgan oʻzgartirishni oʻz kuchini yoʻqotgan deb topish toʻgʻrisida (1526-2-son)

25.03.2010

OʻZBEKISTON RESPUBLIKASI MOLIYA VAZIRLIGI OʻZBEKISTON RESPUBLIKASI DAVLAT SOLIQ QOʻMITASINING

Qarori

[Oʻzbekiston Respublikasi Adliya vazirligi tomonidan 2010-yil 25-martda roʻyxatdan oʻtkazildi, roʻyxat raqami 1526-2]

Oʻzbekiston Respublikasining “Davlat soliq xizmati toʻgʻrisida”gi Qonuni 7-moddasi (Oʻzbekiston Respublikasi Oliy Majlisining Axborotnomasi, 1997-yil, 9-son, 232-modda) va Oʻzbekiston Respublikasi Prezidentining 2009-yil 22-dekabrdagi PQ-1245-son “Oʻzbekiston Respublikasining 2010-yilgi asosiy makroiqtisodiy koʻrsatkichlari va Davlat budjeti parametrlari toʻgʻrisida”gi qaroriga (Oʻzbekiston Respublikasi qonun hujjatlari toʻplami 2009-y., 52-son, 560-modda) muvofiq Oʻzbekiston Respublikasi Moliya vazirligi va Davlat soliq qoʻmitasi qaror qiladilar:

1. Quyidagilar oʻz kuchini yoʻqotgan deb hisoblansin:

Oʻzbekiston Respublikasi Moliya vazirligi va Davlat soliq qoʻmitasining 2005-yil 6-noyabrdagi 103, 2005-65-son “Alkogolli mahsulotga toʻlanadigan aksiz soligʻining bir qismini hisoblab chiqarish va “Oʻzvinosanoat” Xolding kompaniyasining rekonstruksiyalash va rivojlantirish jamgʻarmasiga yoʻnaltirish toʻgʻrisidagi nizomni tasdiqlash haqida”gi qarori (roʻyxat raqami 1526, 2005-yil 30-noyabr) (Oʻzbekiston Respublikasi qonun hujjatlari toʻplami, 2005-y., 47-48-son, 361-modda);

Oʻzbekiston Respublikasi Moliya vazirligi va Davlat soliq qoʻmitasining 2006-yil 17-maydagi 45, 2006-22-son “Alkogolli mahsulotga toʻlanadigan aksiz soligʻining bir qismini hisoblab chiqarish va “Oʻzmevasabzavotuzumsanoat-xolding” Xolding kompaniyasining rekonstruksiyalash va rivojlantirish jamgʻarmasiga yoʻnaltirish toʻgʻrisidagi nizomga oʻzgartirishlar kiritish haqida”gi qarori (roʻyxat raqami 1526-1, 2006-yil 23-may) (Oʻzbekiston Respublikasi qonun hujjatlari toʻplami, 2006-y., 20-21-son, 183-modda).

2. Ushbu qaror “Oʻzvinosanoat-xolding” Xolding kompaniyasi bilan kelishilgan.

3. Ushbu qaror Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri R. AZIMOV

Toshkent sh.,

2010-yil 9-mart,

16-son

Davlat soliq qoʻmitasi raisi B. PARPIYEV

Toshkent sh.,

2010-yil 9-mart,

13/3-2099-son

Kelishilgan:

“Oʻzvinosanoat-xolding” Xolding kompaniyasi raisi S. SAIDJALOLOV

2010-yil 6-mart