“Aerbas indastri” kompaniyasi ishlab chiqargan “A-310” samolyotini xarid qilishni mablagʻ bilan taʼminlash sxemasi toʻgʻrisida (246-son)

11.06.1998

Oʻzbekiston Respublikasi Vazirlar Mahkamasining

qarori

[Koʻchirma]

“Oʻzbekiston havo yoʻllari” milliy aviakompaniyasi havo kemalari parkini yangilash maqsadida Vazirlar Mahkamasi qaror qiladi:

1. Quyidagilar:

“Oʻzbekiston havo yoʻllari” milliy aviakompaniyasi bilan “Aerbas Indastri” kompaniyasi oʻrtasida umumiy summasi 68,0 mln AQSH dollari boʻlgan bitta yangi “A-310” samolyotini sotib olishga tuzilgan kontraktga muvofiq 10,2 mln AQSH dollari miqdorida 15 foiz avans toʻlanganligi;

kontrakt summasining qolgan 85 foizi (57,8 mln AQSH dollari) “Kofas” (Fransiya), “Germes” (Germaniya), Eksport Kreditlar Kafolati Departamenti (YESGD) (Buyuk Britaniya) eksport kredit agentliklarining kafolati ostida “Sosyete Jeneral” (Fransiya) bankining eksport kredit agentliklarining sugʻurta mukofotini oʻz ichiga olgan yillik foiz stavkasi 6,8365 foiz boʻlgan, 10 yil muddatga beriladigan krediti hisobiga mablagʻ bilan taʼminlanishi maʼlumot uchun qabul qilinsin.

2. Moliyaviy lizingning quyidagi tuzilmasiga rozilik berilsin, unda:

samolyotni sotib olish uchun qarz “Sosyete Jeneral” banki tomonidan “Kofas”, “Germes”, YESGD eksport kredit agentliklarining sugʻurtasi ostida Kayman orollarida roʻyxatdan oʻtkazilgan Xiva Lizing Limited (Kayman orollari) (“Xiva Lizing”) maxsus lizing kompaniyasiga beriladi;

“Xiva lizing” kompaniyasi moliyaviy lizing davrida, kredit toʻliq toʻlangungacha samolyotning egasi hisoblanadi va uni Oʻzbekiston Respublikasi Tashqi iqtisodiy faoliyat milliy bankiga ijaraga beradi;

Oʻzbekiston Respublikasi Tashqi iqtisodiy faoliyat milliy banki samolyotni “Oʻzbekiston havo yoʻllari” milliy aviakompaniyasiga subijaraga beradi;

“Xiva lizing” “A-310” samolyotiga garovni “Sosyete Jeneral” foydasiga roʻyxatdan oʻtkazadi.

3. Oʻzbekiston Respublikasi Tashqi iqtisodiy faoliyat milliy banki va “Oʻzbekiston havo yoʻllari” milliy aviakompaniyasi:

xarid qilinayotgan samolyotni mablagʻ bilan taʼminlash uchun zarur boʻlgan ijara, subijara, garov va boshqa bitimlar toʻgʻrisida Bitimlar tuzsinlar va ularning bajarilishini taʼminlasinlar;

tuzilgan bitimlar shartlariga va Oʻzbekiston Respublikasi qonun hujjatlariga muvofiq samolyotni roʻyxatdan oʻtkazsinlar;

subijara, vositachilik haqi, foizlar toʻlash, muddati oʻtkazib yuborilgan toʻlovlarni qoplash, shuningdek kreditga va moliyaviy lizingga xizmat koʻrsatishda paydo boʻluvchi boshqa xarajatlarni toʻlash boʻyicha majburiyatlar oʻz vaqtida bajarilishi yuzasidan kafolat bitimi tuzsinlar.

4. Oʻzbekiston Respublikasi Bosh vazirining oʻrinbosari B.S.Hamidov Oʻzbekiston Respublikasi Tashqi iqtisodiy faoliyat milliy banki va “Oʻzbekiston havo yoʻllari” milliy aviakompaniyasi tomonidan ijara, subijara va bitishuv boʻyicha boshqa hujjatlar shartlarining bajarilishi yuzasidan “Sosyete Jeneral”, YESGD, “Kofas”, “Germes” va “Xiva Lizing” lizing kompaniyasi uchun maqbul boʻlgan shakl va mazmunda Oʻzbekiston Respublikasi Hukumati nomidan majburiyat xatini berishga vakil qilinsin.

5. Oʻzbekiston Respublikasi Moliya vaziri J. B. Sayfiddinov:

“Sosyete Jeneral”, YESGD, “Kofas”, “Germes” va “Xiva Lizing” lizing kompaniyasi foydasiga Oʻzbekiston Respublikasi Tashqi iqtisodiy faoliyat milliy banki va “Oʻzbekiston havo yoʻllari” milliy aviakompaniyasining ijara, subijara va bitishuv boʻyicha boshqa hujjatlar shartlarining oʻz vaqtida bajarilishini kafolatlovchi Oʻzbekiston Respublikasi Hukumati nomidan kafolatlar berishga;

subijara toʻgʻrisidagi bitim boʻyicha “Oʻzbekiston havo yoʻllari” milliy aviakompaniyasi majburiyatlari yuzasidan Tashqi iqtisodiy faoliyat milliy banki foydasiga Oʻzbekiston Respublikasi Hukumati kafolatini imzolashga vakil qilinsin.

6. Belgilansinki, kreditlarni toʻlash Ijara toʻgʻrisidagi asosiy bitim va Subijara toʻgʻrisidagi asosiy bitim shartlariga muvofiq “Oʻzbekiston havo yoʻllari” milliy aviakompaniyasining tijorat faoliyati hisobiga ijara toʻlovi toʻlash yoʻli bilan amalga oshiriladi.

8. Tashqi iqtisodiy faoliyat milliy banki, “Oʻzbekiston havo yoʻllari” milliy aviakompaniyasi va xarid qilinadigan samolyotni mablagʻ bilan taʼminlashning boshqa qatnashchilari soliqlar, toʻlovlar, bojlar, vositachilik haqining barcha turlaridan, hujjatlar bojxonada va notarial rasmiylashtirilganligi, ushbu mablagʻ bilan taʼminlash bilan bogʻliq kontraktlar va bitimlar roʻyxatdan oʻtkazilganligi va qayta roʻyxatdan oʻtkazilganligi uchun yigʻimlardan, shuningdek garov toʻgʻrisidagi shartnomalar rasmiylashtirilishiga tegishli sugʻurta boʻyicha majburiy toʻlovlardan ozod qilinsin.

9. Oʻzbekiston Respublikasi Adliya vazirligi xarid qilinadigan “A-310” samolyotini mablagʻ bilan taʼminlash boʻyicha “Sosyete Jeneral”, YESGD, “Kofas”, “Germes” va “Xiva Lizing” lizing kompaniyasi uchun maqbul boʻlgan shakl va mazmunda, shuningdek Oʻzbekiston Respublikasi Tashqi iqtisodiy faoliyat milliy banki va “Oʻzbekiston havo yoʻllari” milliy aviakompaniyasining Ijara va subijara toʻgʻrisidagi bitim majburiyatlari yuzasidan Oʻzbekiston Respublikasi Hukumati kafolatlari boʻyicha yuridik xulosa bersin.

10. Oʻzbekiston Respublikasi Tashqi iqtisodiy aloqalar vazirligi mazkur bitishuv amalga oshirilishi munosabati bilan tuzilgan kontraktlar va bitimlarni Oʻzbekiston Respublikasi qonun hujjatlariga muvofiq roʻyxatdan oʻtkazsin.

11. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari L. A. Axmetov va B. S. Hamidov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1998-yil 11-iyun,

246-son