Qayta ishlashga berilgan xomashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi nizomni tasdiqlash toʻgʻrisida (2086-son)

15.03.2010

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2010-yil 15-martda 2086-son bilan davlat roʻyxatidan oʻtkazildi]

Oʻzbekiston Respublikasining “Buxgalteriya hisobi toʻgʻrisida”gi Qonuniga muvofiq buyuraman:

1. Qayta ishlashga berilgan xom ashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi nizom ilovaga muvofiq tasdiqlansin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Vazir R. AZIMOV

Toshkent sh.,

2010-yil 17-fevral,

12-son

Oʻzbekiston Respublikasi Moliya vazirining 2010-yil 15-martdagi 12 - sonli buyrugʻiga ILOVA

Qayta ishlashga berilgan xom ashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi

Nizom

Mazkur Nizom “Buxgalteriya hisobi toʻgʻrisida”gi Oʻzbekiston Respublikasi Qonuniga muvofiq qayta ishlashga berilgan xom ashyo bilan bogʻliq operatsiyalarni buxgalteriya hisobida aks ettirish tartibini belgilaydi.

Mazkur Nizom budjet va sugʻurta tashkilotlari, banklar va boshqa kredit tashkilotlaridan tashqari barcha xoʻjalik yurituvchi subyektlar — yuridik shaxslarga (keyingi oʻrinlarda — tashkilot deb yuritiladi) qoʻllaniladi.

1-§. Umumiy qoidalar

1. Mazkur Nizomda quyidagi asosiy tushunchalar qoʻllaniladi:

buyurtmachi — daval xom ashyosini sanoat asosida qayta ishlashga berayotgan tashkilot;

qayta ishlovchi — daval xom ashyosini sanoat asosida qayta ishlashga qabul qiluvchi va qayta ishlashdan olingan mahsulotni kelgusida buyurtmachiga qaytarib beruvchi tashkilot;

daval xom ashyosi — daval xom ashyosini qayta ishlash toʻgʻrisida tuzilgan shartnomaga muvofiq, buyurtmachiga qayta ishlashdan olingan mahsulotni qaytarib berish sharti bilan sanoat asosida qayta ishlash uchun boshqa shaxsga — qayta ishlovchiga berilgan va buyurtmachiga tegishli boʻlgan xom ashyo va materiallar.

2. Mazkur Nizom pudrat shartnomalarining alohida turlari (maishiy pudrat, qurilish pudrati, loyihalash yoki qidiruv ishlari pudrati, ilmiy-tadqiqot, tajriba-konstruktorlik va texnologiya ishlari pudrati) hamda birgalikdagi faoliyatni amalga oshirish uchun oddiy shirkat shartnomasi bilan bogʻliq operatsiyalarni hisobga olishga qoʻllanilmaydi.

3. Qishloq xoʻjaligi va boshqa tashkilotlarga, shuningdek jismoniy shaxslarga donni qayta ishlash yuzasidan koʻrsatiladigan xizmatlar boʻyicha dastlabki hisob (hujjatlarni rasmiylashtirish) Oʻzbekiston Respublikasi Vazirlar Mahkamasining 2006-yil 25-maydagi 95-son qarori bilan tasdiqlangan Don va don mahsulotlarini qabul qilish, saqlash, ichki tashish, qayta ishlash va sotishning dastlabki hisobini yuritish va rasmiylashtirish tartibi toʻgʻrisidagi nizomga muvofiq amalga oshiriladi.

4. Buyurtmachida va qayta ishlovchida tuziladigan boshlangʻich hujjatlarning majburiy rekvizitlari, ularni tuzish, qabul qilish, saqlash tartibi, shuningdek hujjatlar aylanuvini amalga oshirish tartibi “Buxgalteriya hisobi toʻgʻrisida”gi Oʻzbekiston Respublikasi Qonunining 14-moddasiga va Buxgalteriya hisobida hujjatlar va hujjatlar aylanishi toʻgʻrisidagi nizomga (roʻyxat raqami 3538, 2024-yil 30-iyul) muvofiq tartibga solinadi.

2-§. Daval xom ashyosi bilan bogʻliq operatsiyalarning buyurtmachida buxgalteriya hisobi

5. Xomashyo va materiallarning xarid qilish qiymati Oʻzbekiston Respublikasi buxgalteriya hisobining milliy standarti (4-sonli BHMS) “Tovar-moddiy zaxiralar”da (roʻyxat raqami 3259, 2020-yil 30-iyun) belgilangan tartibda aniqlanadi va buxgalteriya hisobining schyotlarida Oʻzbekiston Respublikasi buxgalteriya hisobining milliy standarti (21-sonli BHMS) Xoʻjalik yurituvchi subyektlarda buxgalteriya hisobining hisobvaraqlar rejasi va uni qoʻllash boʻyicha yoʻriqnomaga (roʻyxat raqami 3593, 2024-yil 27-dekabr) muvofiq aks ettiriladi.

6. Daval xom ashyosi qayta ishlovchiga berilganda uning qiymati balansdan hisobdan chiqarilmaydi, balki 1070 “Chetga qayta ishlash uchun berilgan materiallar” schyotida boshqa tegishli materiallarni hisobga oluvchi schyotlarda (1000) hisobga olingan qiymati boʻyicha hisobga olinadi.

7. Daval xom ashyosini qayta ishlash boʻyicha bajarilgan ishlar bevosita qayta ishlash natijasida olingan mahsulotlar hisobga olinadigan schyotlarning debetiga olib boriladi va agar qayta ishlashdan olingan mahsulot bevosita:

a) asosiy faoliyat turi hisoblangan tayyor mahsulotlarni ishlab chiqarishga (ish bajarish, xizmatlar koʻrsatishga) berilsa — asosiy ishlab chiqarishni hisobga oluvchi schyotlarda (2000);

b) tashkilotning asosiy ishlab chiqarishiga yoki asosiy faoliyatiga xizmat koʻrsatuvchi yordamchi ishlab chiqarishga berilsa — yordamchi ishlab chiqarishni hisobga oluvchi schyotlarda (2300);

v) umumiy ishlab chiqarish maqsadlarida foydalanish uchun berilsa — umumiy ishlab chiqarish xarajatlarini hisobga oluvchi schyotlarda (2500);

g) ishlab chiqarishdagi yaroqsiz mahsulotlarni bartaraf etish uchun berilsa — ishlab chiqarishdagi yaroqsiz mahsulotlarni hisobga oluvchi schyotlarda (2600);

d) xizmat koʻrsatuvchi xoʻjaliklar ehtiyojlarida foydalanish uchun berilsa — xizmat koʻrsatuvchi xoʻjaliklarni hisobga oluvchi schyotlarda (2700);

e) xoʻjalik faoliyatida kelgusidagi foydalanish uchun buyurtmachining omboriga berilsa — tegishli materiallarni hisobga oluvchi schyotlarda (1000) hisobga olinadi.

8. Daval xom ashyosini qayta ishlovchiga berish mazkur Nizomning 1 va 2-ilovalariga muvofiq “Daval xom ashyosini qabul qilish-topshirish dalolatnomasi” yoki “Daval xom ashyosini topshirish yuk xati” bilan rasmiylashtiriladi.

“Daval xom ashyosini qabul qilish-topshirish dalolatnomasi” va “Daval xom ashyosini topshirish yuk xati” ikki nusxada tuziladi va buyurtmachi va qayta ishlovchining vakolatli shaxslari tomonidan imzolanadi. Birinchi nusxa qayta ishlovchiga beriladi, ikkinchisi esa buyurtmachida qoladi.

9. Agarda daval xom ashyosini qayta ishlash uchun tuzilgan shartnoma shartlariga koʻra qaytariladigan chiqindilar buyurtmachiga beriladigan boʻlsa, u holda ular kelgusida foydalanish va/yoki sotish mumkin boʻlgan qiymati boʻyicha 1090 “Boshqa materiallar” schyotining debetida daval xom ashyosini qayta ishlashdan olingan mahsulotlar hisobga olinadigan tegishli schyotlar bilan korrespondensiyalangan holda kirim qilinadi.

10. Daval xom ashyosi bilan bogʻliq operatsiyalar buxgalteriya hisobida quyidagicha aks ettiriladi:

a) daval xom ashyosini qayta ishlashga berilganda:

debet 1070 “Chetga qayta ishlash uchun berilgan materiallar” schyoti — berilayotgan daval xom ashyosining summasiga, buyurtmachida hisobga olingan qiymati boʻyicha;

kredit materiallarni hisobga oluvchi schyotlar (1000);

b) daval xom ashyosini qayta ishlash shartnomasida koʻzda tutilgan miqdorda boʻnak toʻlovlari amalga oshirilganda:

debet mol yetkazib beruvchilar va pudratchilarga berilgan boʻnaklarni hisobga oluvchi schyotlar (4300) — boʻnak toʻlovlari summasiga;

kredit pul mablagʻlarini hisobga oluvchi schyotlar;

v) daval xom ashyosining qiymatini ishlab chiqarish xarajatlariga olib borilganda:

debet asosiy ishlab chiqarishni hisobga oluvchi schyotlar (2000), yordamchi ishlab chiqarishni hisobga oluvchi schyotlar (2300), umumiy ishlab chiqarish xarajatlarini hisobga oluvchi schyotlar (2500), ishlab chiqarishdagi yaroqsiz mahsulotlarni hisobga oluvchi schyotlar (2600), xizmat koʻrsatuvchi xoʻjaliklarni hisobga oluvchi schyotlar (2700);

kredit 1070 “Chetga qayta ishlash uchun berilgan materiallar” schyoti;

g) daval xom ashyosini qayta ishlash boʻyicha bajarilgan ishlar qiymati ishlab chiqarish xarajatlariga olib borilganda va agar daval xom ashyosini qayta ishlashdan olingan mahsulot buyurtmachi tomonidan bevosita mahsulotlar ishlab chiqarishga (ishlar bajarishga, xizmatlar koʻrsatishga) berilsa:

debet asosiy ishlab chiqarishni hisobga oluvchi schyotlar (2000), yordamchi ishlab chiqarishni hisobga oluvchi schyotlar (2300), umumiy ishlab chiqarish xarajatlarini hisobga oluvchi schyotlar (2500), ishlab chiqarishdagi yaroqsiz mahsulotlarni hisobga oluvchi schyotlar (2600), xizmat koʻrsatuvchi xoʻjaliklarni hisobga oluvchi schyotlar (2700);

kredit 6010 “Mol yetkazib beruvchilar va pudratchilarga toʻlovlar”, 6110 “Ajratilgan boʻlinmalarga toʻlovlar”, 6120 “Shuʼba va qaram xoʻjalik jamiyatlariga toʻlovlar”, 6990 “Boshqa majburiyatlar” schyoti va boshqa majburiyatlarni hisobga oluvchi schyotlar;

d) daval xom ashyosini qayta ishlashdan olingan mahsulot buyurtmachining omboriga xoʻjalik faoliyatida kelgusida foydalanish uchun kelib tushganda:

debet materiallarni hisobga oluvchi schyotlar (1000);

kredit 1070 “Chetga qayta ishlash uchun berilgan materiallar” schyoti;

e) daval xom ashyosini qayta ishlash boʻyicha bajarilgan ishlar qiymati daval xom ashyosini qayta ishlashdan olingan mahsulot qiymatiga olib borilganda va agar daval xom ashyosini qayta ishlashdan olingan mahsulot bevosita buyurtmachining omboriga kelgusida xoʻjalik faoliyatida foydalanish uchun kelib tushganda:

debet materiallarni hisobga oluvchi schyotlar (1000);

kredit 6010 “Mol yetkazib beruvchilar va pudratchilarga toʻlovlar”, 6110 “Ajratilgan boʻlinmalarga toʻlovlar”, 6120 “Shuʼba va qaram xoʻjalik jamiyatlariga toʻlovlar”, 6990 “Boshqa majburiyatlar” schyoti va boshqa majburiyatlarni hisobga oluvchi schyotlar;

j) daval xom ashyosini qayta ishlash boʻyicha qabul qilingan bajarilgan ishlar boʻyicha qoʻshilgan qiymat soligʻini (keyingi oʻrinlarda — QQS deb yuritiladi) toʻlovchi korxonalar uchun hisobga olinadigan QQS summasiga:

debet 4410 “Budjetga soliqlar va yigʻimlar boʻyicha boʻnak toʻlovlari (turlari boʻyicha)”;

kredit 6010 “Mol yetkazib beruvchilar va pudratchilarga toʻlovlar”, 6110 “Ajratilgan boʻlinmalarga toʻlovlar”, 6120 “Shuʼba va qaram xoʻjalik jamiyatlariga toʻlovlar”, 6990 “Boshqa majburiyatlar” schyoti va boshqa majburiyatlarni hisobga oluvchi schyotlar;

z) daval xom ashyosini qayta ishlash boʻyicha qabul qilingan bajarilgan ishlar boʻyicha QQSni toʻlovchi hisoblanmaydigan korxonalar uchun QQS summasiga:

debet asosiy ishlab chiqarishni hisobga oluvchi schyotlar (2000), yordamchi ishlab chiqarishni hisobga oluvchi schyotlar (2300), umumiy ishlab chiqarish xarajatlarini hisobga oluvchi schyotlar (2500), ishlab chiqarishdagi yaroqsiz mahsulotlarni hisobga oluvchi schyotlar (2600), xizmat koʻrsatuvchi xoʻjaliklarni hisobga oluvchi schyotlar (2700), materiallarni hisobga oluvchi schyotlar (1000) — daval xom ashyosini qayta ishlashdan olingan mahsulot qaysi schyotda hisobga olinishiga qarab;

kredit 6010 “Mol yetkazib beruvchilar va pudratchilarga toʻlovlar”, 6110 “Ajratilgan boʻlinmalarga toʻlovlar”, 6120 “Shuʼba va qaram xoʻjalik jamiyatlariga toʻlovlar”, 6990 “Boshqa majburiyatlar” schyoti va boshqa majburiyatlarni hisobga oluvchi schyotlar;

i) daval xom ashyosini qayta ishlashdan olingan mahsulotni belgilangan yoki saqlash joyigacha yetkazib berish bilan bogʻliq qoʻshimcha xarajatlar amalga oshirilganda:

debet asosiy ishlab chiqarishni hisobga oluvchi schyotlar (2000), yordamchi ishlab chiqarishni hisobga oluvchi schyotlar (2300), umumiy ishlab chiqarish xarajatlarini hisobga oluvchi schyotlar (2500), ishlab chiqarishdagi yaroqsiz mahsulotlarni hisobga oluvchi schyotlar (2600), xizmat koʻrsatuvchi xoʻjaliklarni hisobga oluvchi schyotlar (2700), materiallarni hisobga oluvchi schyotlar (1000) — daval xom ashyosini qayta ishlashdan olingan mahsulot qaysi schyotda hisobga olinishiga qarab;

kredit ish haqi boʻyicha xodimlar bilan hisob-kitoblarni hisobga oluvchi schyotlar (6700), sugʻurta va davlat maqsadli jamgʻarmalariga toʻlovlar boʻyicha joriy qarzlarni hisobga oluvchi schyotlar (6500), boshqa joriy kreditorlik qarzlarni hisobga oluvchi schyotlar (6900) va boshqa tegishli schyotlar;

k) qayta ishlovchiga ilgari berilgan boʻnaklar hisobga olinganda:

debet 6010 “Mol yetkazib beruvchilar va pudratchilarga toʻlovlar”, 6110 “Ajratilgan boʻlinmalarga toʻlovlar”, 6120 “Shuʼba va qaram xoʻjalik jamiyatlariga toʻlovlar”, 6990 “Boshqa majburiyatlar” schyoti va boshqa majburiyatlarni hisobga oluvchi schyotlar;

kredit mol yetkazib beruvchilar va pudratchilarga berilgan boʻnaklarni hisobga oluvchi schyotlar (4300);

l) daval xom ashyosini qayta ishlash boʻyicha bajarilgan ishlar uchun qayta ishlovchi oldidagi qarzdorlik toʻlanganda:

debet 6010 “Mol yetkazib beruvchilar va pudratchilarga toʻlovlar”, 6110 “Ajratilgan boʻlinmalarga toʻlovlar”, 6120 “Shuʼba va qaram xoʻjalik jamiyatlariga toʻlovlar”, 6990 “Boshqa majburiyatlar” schyoti va boshqa majburiyatlarni hisobga oluvchi schyotlar;

kredit pul mablagʻlarini hisobga oluvchi schyotlar;

m) budjetga toʻlovlar boʻyicha yakuniy hisob-kitob qilinganda, qayta ishlovchining bajargan ishlari boʻyicha ilgari toʻlangan QQS summasini hisobga olib borilganda:

debet 6410 “Budjetga toʻlovlar boʻyicha qarzlar (turlari boʻyicha)”;

kredit 4410 “Budjetga soliqlar va yigʻimlar boʻyicha boʻnak toʻlovlari (turlari boʻyicha)”;

n) qayta ishlamasdan qaytarib berilgan daval xom ashyosi kirim qilinganda:

debet materiallarni hisobga oluvchi schyotlar (1000);

kredit 1070 “Chetga qayta ishlash uchun berilgan materiallar” schyoti.

11. Materiallarning kelgusidagi hisobi va tayyor mahsulotning tannarxini aniqlash, shu jumladan ularning chetga chiqib ketishi (sotilishi, ustav kapitaliga ulush sifatida berilishi, bepul berish va h.k.) qonunchilikda belgilangan tartibda amalga oshiriladi.

3-§. Daval xom ashyosi bilan bogʻliq operatsiyalarning qayta ishlovchida buxgalteriya hisobi

12. Mahsulotlarni ishlab chiqarish (ishlar bajarish, xizmatlar koʻrsatish) ham oʻzining xom ashyosidan, hamda daval xom ashyosidan amalga oshirilsa, daval xom ashyosi bilan bogʻliq operatsiyalarning alohida hisobini yuritish lozim. Qayta ishlovchi daval xom ashyosining analitik hisobini har bir buyurtmachi boʻyicha alohida yuritadi.

13. Olingan daval xom ashyosi balansdan tashqari 003 “Qayta ishlovga qabul qilingan materiallar” schyotida daval xom ashyosini qayta ishlash shartnomasida koʻzda tutilgan narxi boʻyicha hisobga olinadi.

14. Daval xom ashyosi harakatining nazoratini taʼminlash maqsadida ushbu Nizomning 3-ilovasidagi shaklga muvofiq “Daval xom ashyosini hisobga olish vedomosti”ni yuritish lozim. Daval xom ashyosini hisobga olish vedomosti qayta ishlovchining rahbari tomonidan qonunchilikda belgilangan tartibda vakolatlangan shaxslar tomonidan imzolanadi. Mazkur vedomostda daval xom ashyosining miqdor va summaviy koʻrsatkichlarining kamayishi toʻgʻrisidagi maʼlumot, uning turlari boʻyicha tegishli qatorida “minus” belgisi bilan koʻrsatiladi.

15. Daval xom ashyosini qayta ishlash boʻyicha bajarilgan ishlar qiymati, texnologiya va ishlab chiqarishni tashkil etish bilan asoslangan daval xom ashyosini qayta ishlash bilan bevosita bogʻliq xarajatlarni oʻz ichiga olgan holda ularning ishlab chiqarish tannarxi boʻyicha tan olinadi.

16. Daval xom ashyosini qayta ishlash boʻyicha bajarilgan ishlarning ishlab chiqarish tannarxiga kiruvchi xarajatlar tarkibi Oʻzbekiston Respublikasi Vazirlar Mahkamasining 1999-yil 5-fevraldagi 54-sonli qarori bilan tasdiqlangan “Mahsulot (ishlar, xizmatlar)ni ishlab chiqarish va sotish xarajatlari tarkibi hamda moliyaviy natijalarni shakllantirish tartibi toʻgʻrisida”gi Nizomga (Oʻzbekiston Respublikasi Hukumati qarorlari toʻplami,1999-y., 2-son, 9-modda) muvofiq aniqlanadi.

17. Qayta ishlovchi tomonidan amalga oshirilgan daval xom ashyosini qayta ishlashdan olingan mahsulotni buyurtmachigacha yetkazib berish xarajatlari daval xom ashyosini qayta ishlash boʻyicha bajarilgan ishlarning ishlab chiqarish tannarxiga qoʻshilmaydi, balki davr xarajatlariga olib boriladi.

18. Daval xom ashyosini qayta ishlash boʻyicha ishlarni bajarish xarajatlari buxgalteriya hisobida quyidagicha yuritiladi:

a) daval xom ashyosini qayta ishlash boʻyicha ishlarni bajarish asosiy faoliyat turi hisoblanadigan tashkilotlarda — asosiy ishlab chiqarishni hisobga oluvchi schyotlarda (2000);

b) daval xom ashyosini qayta ishlash boʻyicha ishlarni bajarish yordamchi faoliyat turi hisoblanadigan tashkilotlarda — yordamchi ishlab chiqarishni hisobga oluvchi schyotlarda (2300);

v) daval xom ashyosini qayta ishlash boʻyicha ishlarni bajarish xizmat koʻrsatuvchi xoʻjaliklar tomonidan amalga oshiriladigan tashkilotlarda — xizmat koʻrsatuvchi xoʻjaliklarni hisobga oluvchi schyotlarda (2700).

19. Agar daval xom ashyosini qayta ishlash boʻyicha tuzilgan shartnomaning shartlariga muvofiq qaytariladigan chiqindilar qayta ishlovchida qoldirilsa, unda ular kelgusida foydalanish va/yoki sotish mumkin boʻlgan qiymati boʻyicha 1090 “Boshqa materiallar” schyotining debetida asosiy faoliyatning boshqa daromadlarini hisobga oluvchi schyotlar (9300) bilan korrespondensiyalangan holda kirim qilinadi.

20. Daval xom ashyosini qayta ishlashdan olingan mahsulot buyurtmachiga qaytarib berilganda, daval xom ashyosini qayta ishlash boʻyicha ishlarning haqiqatda bajarilganligini tasdiqlovchi hisobvaraq-faktura, hamda ushbu Nizomning 4 va 5-ilovalariga muvofiq shaklda “Daval xom ashyosini qayta ishlashdan olingan mahsulotni qabul qilish-topshirish dalolatnomasi” va “Daval xom ashyosining ishlatilishi toʻgʻrisida hisobot” yozib beriladi.

21. “Daval xom ashyosini qayta ishlashdan olingan mahsulotni qabul qilish- topshirish dalolatnomasi” ikki nusxada tuziladi, buyurtmachi va qayta ishlovchining vakillari tomonidan imzolanadi. Birinchi nusxa buyurtmachiga beriladi, ikkinchisi esa qayta ishlovchida qoladi.

22. “Daval xom ashyosining ishlatilishi toʻgʻrisida hisobot” ham ikki nusxada tuziladi, qayta ishlovchining vakolatli shaxsi tomonidan imzolanadi. Birinchi nusxa buyurtmachiga beriladi, ikkinchisi esa qayta ishlovchida qoladi.

23. Hisobvaraq-fakturaning shakli va uni rasmiylashtirish tartibi Oʻzbekiston Respublikasi Vazirlar Mahkamasining 2020-yil 14-avgustdagi 489-son qarori bilan tasdiqlangan Hisobvaraq-fakturalarning shakllari hamda ularni toʻldirish, taqdim etish va qabul qilish tartibi toʻgʻrisidagi nizomda belgilangan.

24. Daval xom ashyosini qayta ishlash bilan bogʻliq operatsiyalar qayta ishlovchining buxgalteriya hisobida quyidagicha aks ettiriladi:

a) tuzilgan shartnomaga muvofiq daval xom ashyosini olganda:

debet 003 “Qayta ishlovga qabul qilingan materiallar” schyoti — buyurtmachidan olingan qiymati boʻyicha materiallar summasiga;

b) daval xom ashyosini qayta ishlash shartnomasida koʻzda tutilgan miqdordagi boʻnak toʻlovlari kelib tushganda:

debet pul mablagʻlarini hisobga oluvchi schyotlar;

kredit 6310 “Xaridorlar va buyurtmachilardan olingan boʻnaklar — joriy qismi” schyoti;

v) daval xom ashyosini qayta ishlash xarajatlarini aks ettirish:

debet asosiy ishlab chiqarishni hisobga oluvchi schyotlar (2000), yoki yordamchi ishlab chiqarishni hisobga oluvchi schyotlar (2300), yoki xizmat koʻrsatuvchi xoʻjaliklarni hisobga oluvchi schyotlar (2700);

kredit asosiy vositalarning eskirishini hisobga oluvchi schyotlar (0200), nomoddiy aktivlar amortizatsiyasini hisobga oluvchi schyotlar (0500), materiallarni hisobga oluvchi schyotlar (1000), 2510 “Umumiy ishlab chiqarish xarajatlari” schyoti, 6710 “Ish haqi boʻyicha xodimlar bilan hisob-kitoblar” schyoti, 6520 “Davlat maqsadli jamgʻarmalariga toʻlovlar” schyoti va boshqa tegishli schyotlar;

g) tuzilgan shartnomaga muvofiq, olingan daval xom ashyosi qiymatini qayta ishlagandan keyin va buyurtmachiga qayta ishlangan mahsulot qaytarilgandan soʻng hisobdan chiqarilishi:

kredit 003 “Qayta ishlovga qabul qilingan materiallar” schyoti;

d) daval xom ashyosini qayta ishlash boʻyicha bajarilgan ishlardan daromadning hisoblanishi:

debet 4010 “Xaridorlar va buyurtmachilardan olinadigan toʻlovlar” schyoti;

kredit 9030 “Ishlar bajarish va xizmatlar koʻrsatishdan daromadlar” schyoti;

e) daval xom ashyosini qayta ishlash boʻyicha bajarilgan ishlarning tannarxi hisobdan chiqarilganda:

debet 9130 “Bajarilgan ish va koʻrsatilgan xizmatlarning tannarxi” schyoti;

kredit asosiy ishlab chiqarishni hisobga oluvchi schyotlar (2000), yoki yordamchi ishlab chiqarishni hisobga oluvchi schyotlar (2300), yoki xizmat koʻrsatuvchi xoʻjaliklarni hisobga oluvchi schyotlar (2700);

j) daval xom ashyosini qayta ishlash boʻyicha bajarilgan ishlar boʻyicha hisoblangan QQS summasiga:

debet 4010 “Xaridorlar va buyurtmachilardan olinadigan toʻlovlar” schyoti;

kredit 6410 “Budjetga toʻlovlar boʻyicha qarzlar (turlari boʻyicha)” schyoti;

z) daval xom ashyosini qayta ishlashda olingan va qayta ishlovchida qoladigan qaytariladigan chiqindilar qiymatiga:

debet 1090 “Boshqa materiallar” schyoti;

kredit 9390 “Boshqa operatsion daromadlar” schyoti;

i) shartnomaga muvofiq qayta ishlovchi tomonidan amalga oshiriladigan, daval xom ashyosini qayta ishlashdan olingan mahsulotni buyurtmachiga yetkazib berish bilan bogʻliq xarajatlar summasiga:

debet 9410 “Sotish xarajatlari” schyoti;

kredit materiallarni hisobga oluvchi schyotlar (1000), ish haqi boʻyicha xodimlar bilan hisob-kitoblarni hisobga oluvchi schyotlar (6700), sugʻurta va davlat maqsadli jamgʻarmalariga toʻlovlar boʻyicha joriy qarzlarni hisobga oluvchi schyotlar (6500) va boshqa tegishli schyotlar;

k) buyurtmachidan ilgari olingan boʻnaklar hisobga olinganda:

debet 6310 “Xaridorlar va buyurtmachilardan olingan boʻnaklar — joriy qismi” schyoti;

kredit 4010 “Xaridorlar va buyurtmachilardan olinadigan toʻlovlar” schyoti;

l) buyurtmachidan daval xom ashyosini qayta ishlash boʻyicha bajarilgan ishlar uchun, QQS summasini hisobga olgan holda pul mablagʻlari kelib tushganda:

debet pul mablagʻlarini hisobga oluvchi schyotlar;

kredit 4010 “Xaridorlar va buyurtmachilardan olinadigan toʻlovlar” schyoti;

m) QQS boʻyicha budjet oldidagi qarzdorlik summasi qoplanganda:

debet 6410 “Budjetga toʻlovlar boʻyicha qarzlar (turlari boʻyicha)” schyoti;

kredit pul mablagʻlarini hisobga oluvchi schyotlar.

Qayta ishlashga berilgan xom ashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi nizomga 1-ILOVA

(1-ilova Oʻzbekiston Respublikasi iqtisodiyot va moliya vazirining 2025-yil 7-martdagi 237-sonli buyrugʻi (roʻyxat raqami 2086-3, 07.04.2025-y.) tahririda — Qonunchilik maʼlumotlari milliy bazasi, 08.04.2025-y., 10/25/2086-3/0308-son)

Qayta ishlashga berilgan xom ashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi nizomga 2-ILOVA

(2-ilova Oʻzbekiston Respublikasi iqtisodiyot va moliya vazirining 2025-yil 7-martdagi 237-sonli buyrugʻi (roʻyxat raqami 2086-3, 07.04.2025-y.) tahririda — Qonunchilik maʼlumotlari milliy bazasi, 08.04.2025-y., 10/25/2086-3/0308-son)

Qayta ishlashga berilgan xom ashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi nizomga 3-ILOVA

Daval xom ashyosini hisobga olish

vedomosti

(3-ilova Oʻzbekiston Respublikasi iqtisodiyot va moliya vazirining 2025-yil 7-martdagi 237-sonli buyrugʻi (roʻyxat raqami 2086-3, 07.04.2025-y.) tahririda — Qonunchilik maʼlumotlari milliy bazasi, 08.04.2025-y., 10/25/2086-3/0308-son)

Qayta ishlashga berilgan xom ashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi nizomga 4-ILOVA

(4-ilova Oʻzbekiston Respublikasi moliya vazirining 2019-yil 27-fevraldagi 22-sonli (roʻyxat raqami 2086-2, 06.03.2019-y.) buyrugʻi tahririda — Qonun hujjatlari maʼlumotlari milliy bazasi, 07.03.2019-y., 10/19/2086-2/2715-son)

Qayta ishlashga berilgan xom ashyo bilan bogʻliq operatsiyalarni buxgalteriya hisobida aks ettirish tartibi toʻgʻrisidagi nizomga 5-ILOVA

Daval xom ashyosining ishlatilishi toʻgʻrisida

HISOBOT

(5-ilova Oʻzbekiston Respublikasi iqtisodiyot va moliya vazirining 2025-yil 7-martdagi 237-sonli buyrugʻi (roʻyxat raqami 2086-3, 07.04.2025-y.) tahririda — Qonunchilik maʼlumotlari milliy bazasi, 08.04.2025-y., 10/25/2086-3/0308-son)