Urganch-Xiva shaharlararo trolleybus liniyasi qurilishi toʻgʻrisida (276-son)

30.05.1997

Oʻzbekiston Respublikasi Vazirlar Mahkamasining

qarori

[Koʻchirma]

Urganch va Xiva shaharlari oʻrtasida yoʻlovchilar tashishni yaxshilash, ekologik sof va tezyurar transport ekspress liniyasini tashkil etish maqsadida Vazirlar Mahkamasi qaror qiladi:

1. Xorazm viloyati hokimligi va Oʻzbekiston Respublikasi Kommunal xizmat koʻrsatish vazirligining Urganch va Xiva shaharlari oʻrtasida uzunligi 40 kilometr boʻlgan trolleybus liniyasini qurish toʻgʻrisidagi taklifiga rozilik berilsin.

2. Quyidagilar:

Xorazm viloyati hududiy kommunal-foydalanish birlashmasi tomonidan “Simens” aksiyadorlik jamiyati (Germaniya) bilan umumiy qiymati 7,686 mln AQSh dollari boʻlgan elektr kuchini trolleybuslar uchun moslaydigan oʻnta podstansiya va trolleybuslar uchun yuvish qurilmasi yetkazib berilishi va montaj qilinishiga kontrakt tuzilganligi;

Tashqi iqtisodiy aloqalar vazirligining “Oʻzsanoatmashimpeks” respublika tashqi savdo birlashmasi tomonidan “Shkoda Ostrov” (Chexiya Respublikasi) firmasi bilan sayyohlarni tashish uchun umumiy qiymati 1,611 mln AQSh dollari boʻlgan 9 ta trolleybus, shu jumladan, 3 ta yuqori darajada qulay trolleybus yetkazib berishga kontrakt tuzilganligi;

Oʻzbekiston Respublikasi Kommunal xizmat koʻrsatish vazirligining “Oʻzbekkommunalloyiha” loyiha instituti tomonidan Urganch-Xiva tezyurar ekspress liniyasi qurilishini tashkil etishning ishchi chizmalari va loyihasi ishlab chiqilganligi maʼlumot uchun qabul qilinsin.

3. Belgilansinki, loyihani mablagʻ bilan taʼminlash:

Turkeksimbankning 6,533 mln AQSh dollari miqdorida amaldagi qoʻshimcha kredit liniyasi doirasida;

respublika budjetida kapital qoʻyilmalar uchun nazarda tutilgan umumiy mablagʻlar doirasida 749,5 mln soʻm, shu jumladan, 1997-yilga 581,5 mln soʻm miqdorida 1-ilovaga muvofiq amalga oshiriladi,

4. Qurilish-montaj ishlari jadvali 2-ilovaga muvofiq tasdiqlansin.

5. Oʻzbekiston Respublikasi Tashqi iqtisodiy faoliyat milliy banki Turkeksimbank bilan yakka tartibdagi kredit bitimini belgilangan tartibda bir oy muddatda rasmiylashtirsin.

6. Oʻzbekiston Respublikasi Moliya vaziri ushbu loyiha boʻyicha Tashqi iqtisodiy faoliyat milliy bankiga Oʻzbekiston Respublikasi Hukumatining kafolatini belgilangan tartibda berishga vakil qilinsin.

7. Oʻzbekiston Respublikasi Adliya vazirligi Oʻzbekiston Respublikasi Hukumatining kafolati boʻyicha tegishli yuridik xulosani belgilangan tartibda bersin.

9. Xorazm viloyati hududiy kommunal-foydalanish birlashmasi Urganch shahridagi trolleybus xoʻjaligidan va Urganch-Xiva ekspress liniyasidan foydalanish hisobiga Turkeksillbankning krediti 3-ilovaga muvofiq oʻz vaqtida qaytarilishini taʼminlasin.

11. Xorazm viloyati hokimligi, “Oʻzsanoatxoʻjalikqurilish” davlat korporatsiyasi Urganch shahridagi trolleybus xoʻjaligining ishga tushirish kompleksi va Urganch-Xiva trolleybus liniyasi qurilishi 2-ilovaga muvofiq 1997-yil 15-oktabrgacha tugallanishini taʼminlasinlar.

12. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari I. Joʻrabekov va Bosh vazirning oʻrinbosari K. Rahimov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1997-yil 30-may,

276-son

Vazirlar Mahkamasining 1997-yil 30-maydagi 276-son qaroriga 1-ILOVA

Urganch-Xiva trolleybus ekspress liniyasi qurilishi loyihasini mablagʻ bilan taʼminlash

JADVALI

* Konvertatsiya uchun nazarda tutilgan soʻmdagi mablagʻlar (1 AQSh dollariga 60 soʻm hisobida) 69,1 + 15,7+96,7=181,5 mln soʻm hajmida.

Vazirlar Mahkamasining 1997-yil 30-maydagi 276-son qaroriga 2-ILOVA

Urganch-Xiva trolleybus ekspress liniyasi qurilish-montaj ishlari

JADVALI

Vazirlar Mahkamasining 1997-yil 30-maydagi 276-son qaroriga 3-ILOVA