Oʻzbekiston Respublikasi va Saudiya Arabistoni Qirolligi oʻrtasida savdo, iqtisodiyot, investitsiyalar, fan va texnika, madaniyat, sport va yoshlar ishlari sohasida hamkorlik haqidagi bitimning bajarilishini nazorat qilish boʻyicha qoʻshma komissiya tuzish toʻgʻrisida (41-son)

22.01.1997

Oʻzbekiston Respublikasi Vazirlar Mahkamasining

qarori

Oʻzbekiston Respublikasi va Saudiya Arabistoni Qirolligi oʻrtasida faoliyatning turli sohalaridagi hamkorlikni yanada rivojlantirish maqsadida Vazirlar Mahkamasi qaror qiladi:

1. Oʻzbekiston Respublikasi va Saudiya Arabistoni Qirolligi oʻrtasida savdo, iqtisodiyot, investitsiyalar, fan va texnika, madaniyat, sport va yoshlar ishlari sohasida hamkorlik haqidagi Bitimning bajarilishini nazorat qilish boʻyicha Oʻzbekiston — Saudiya qoʻshma komissiyasi (bundan keyin Oʻzbekiston—Saudiya qoʻshma komissiyasi deb ataladi) tuzilsin.

2 Oʻzbekiston—Saudiya qoʻshma komissiyasining Oʻzbekistonga oid qismi ilovaga muvofiq tasdiqlansin.

3. Oʻzbekiston—Saudiya qoʻshma komissiyasining Oʻzbekistonga oid qismi aʼzolari zimmasiga respublika vazirliklari, idoralari va tashkilotlarining Saudiya Arabistoni Qirolligi bilan hamkorlikni rivojlantirish boʻyicha faoliyatini muvofiqlashtirib borish funksiyasi;

Oʻzbekiston Respublikasi Tashqi iqtisodiy aloqalar vazirligiga — Oʻzbekiston—Saudiya qoʻshma komissiyasining kotibiyati funksiyasi yuklansin.

4. Oʻzbekiston Respublikasi vazirliklari, idoralari va tashkilotlari Oʻzbekiston—Saudiya qoʻshma komissiyasi qarorlarini amalga oshirishda qatnashuvchi Saudiya Arabistoni Qirolligi delegatsiyalari tashriflari bilan bogʻliq tashkiliy masalalarning hal etilishida koʻmaklashsinlar.

5. Mazkur qarorning bajarilishini nazorat qilish Oʻzbekiston Respublikasi Bosh vaziri Oʻ.T. Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1997-yil 22-yanvar,

41-son