Oʻzbekiston Respublikasi Hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini qisman oʻzgartirish toʻgʻrisida” 2009-yil 13-noyabrdagi PQ-1227-son qarori) (336-son)

28.12.2009

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining “Oʻzbekiston Respublikasi Vazirlar Mahkamasining ijro etuvchi tuzilmasini qisman oʻzgartirish toʻgʻrisida” 2009-yil 13-noyabrdagi PQ-1227-son qaroriga muvofiq Vazirlar Mahkamasi qaror qiladi:

1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.

2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov hamda Oʻzbekiston Respublikasi Vazirlar Mahkamasi Ijro etuvchi apparatining boshqaruvchisi D.O. Musayev zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2009-yil 28-dekabr,

336-son

Vazirlar Mahkamasining 2009-yil 28-dekabrdagi 336-son qaroriga ILOVA

Oʻzbekiston Respublikasi Hukumatining ayrim qarorlariga kiritilayotgan oʻzgartirishlar

3. Vazirlar Mahkamasining “Oʻzbekiston Respublikasi Vazirlar Mahkamasining Tashqi iqtisodiy aloqalar, xorijiy investitsiyalar departamentini tashkil etish toʻgʻrisida” 2001-yil 5-martdagi 112-son qarorida (Oʻzbekiston Respublikasi QT, 2001-y., 3-son, 16-modda):

a) 4-bandning ikkinchi va uchinchi xatboshidagi “Iqtisodiyot va tashqi iqtisodiy aloqalar masalalari yigʻma axborot-tahlil departamenti” soʻzlari “Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti” soʻzlari bilan almashtirilsin;

b) 5-bandning birinchi xatboshidagi “Iqtisodiyot va tashqi iqtisodiy aloqalar masalalari yigʻma axborot-tahlil departamenti” soʻzlari “Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti” soʻzlari bilan almashtirilsin.

5. Vazirlar Mahkamasining “Taʼlim sektorini rivojlantirish dasturi” loyihasini Osiyo taraqqiyot banki ishtirokida amalga oshirish chora-tadbirlari toʻgʻrisida” 2003-yil 19-fevraldagi 92-son qaroriga 4-ilovadagi “Iqtisodiyot va tashqi iqtisodiy aloqalar masalalari yigʻma axborot-tahlil departamentining” soʻzlari “Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari yigʻma axborot-tahlil departamentining” soʻzlari bilan almashtirilsin.

8. Vazirlar Mahkamasining “Oʻzbekistonning drenaj loyihasi. Janubiy Qoraqalpogʻistondan drenaj oʻtkazish” loyihasini Jahon banki ishtirokida amalga oshirish chora-tadbirlari toʻgʻrisida” 2004-yil 26-yanvardagi 37-son qaroriga 5-ilovadagi “Nurmurodov M.B. — Moliya vaziri” hamda “Iqtisodiyot va tashqi iqtisodiy aloqalar masalalari yigʻma axborot-tahlil departamentining” soʻzlari “Gʻulomov R.A. — Moliya vazirining birinchi oʻrinbosari hamda Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari yigʻma axborot-tahlil departamentining” soʻzlari bilan almashtirilsin.

15. Vazirlar Mahkamasining “Xorijiy investitsiyalar ishtirokidagi korxonalarga beriladigan imtiyozlarning ragʻbatlantiruvchi rolini oshirish chora-tadbirlari toʻgʻrisida” 2006-yil 1-maydagi 74-son qaroriga ilovada:

“Xoʻjayev B.A.” soʻzi “Bekenov S.X.” soʻzi bilan almashtirilsin;

“Ashrafxonov B.B.” soʻzi “Gʻulomov R.A.” soʻzi bilan almashtirilsin;

“Asqarov M.A. — Vazirlar Mahkamasi Iqtisodiyot va tashqi iqtisodiy aloqalar masalalari yigʻma axborot-tahlil departamenti mudirining oʻrinbosari” soʻzlari “lavozimiga koʻra — Vazirlar Mahkamasi Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamentining mudiri” soʻzlari bilan almashtirilsin;

“vaziri vazifasini bajaruvchi” soʻzlari “vazirining birinchi oʻrinbosari” soʻzlari bilan almashtirilsin;

“Qosimov N.S.” soʻzi “lavozimiga koʻra” soʻzlari bilan almashtirilsin;

quyidagi mazmundagi izoh qoʻshilsin:

“Izoh. Ishchi guruh aʼzolari boshqa ishga oʻtgan taqdirda uning tarkibiga ushbu lavozimlarga yangidan tayinlangan shaxslar kiritiladi”.

16. Vazirlar Mahkamasining 2007-yil 7-iyundagi 110-son qarori (Oʻzbekiston Respublikasi QT, 2007-y., 6-son, 34-modda) bilan tasdiqlangan Investitsiya loyihalari hujjatlarini ishlab chiqish, ekspertizadan oʻtkazish va tasdiqlash tartibi toʻgʻrisidagi nizomda:

a) 14-band quyidagi tahrirda bayon qilinsin:

“14. Vazirlar Mahkamasining tegishli Axborot-tahlil departamenti ushbu Nizomga 4-ilovaga muvofiq shakl boʻyicha loyihaning DTIA (DTIH)ni tasdiqlash toʻgʻrisidagi hujjatni uch kun muddatda tayyorlaydi hamda Vazirlar Mahkamasining Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari kompleksi rahbari bilan ikki kun muddatda kelishish uchun Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamentiga beradi”;

b) 27-bandning uchinchi xatboshidagi “Vazirlar Mahkamasi Iqtisodiyot va tashqi iqtisodiy aloqalar masalalari yigʻma axborot-tahlil departamenti” soʻzlari “Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamenti” soʻzlari bilan almashtirilsin.

18. Vazirlar Mahkamasining 2009-yil 10-martdagi 61-son qarori (Oʻzbekiston Respublikasi QT, 2009-y., 3-son, 19-modda) bilan tasdiqlangan Oʻzbekiston Respublikasining tiklanish va taraqqiyot jamgʻarmasi investitsiya loyihalarini birgalikda moliyalashtirish uchun tijorat banklariga kredit liniyalarini ochish tartibi toʻgʻrisidagi nizomning 34-bandi quyidagi tahrirda bayon qilinsin:

“34. Vazirlar Mahkamasining tegishli Axborot-tahlil departamenti uch kun muddatda ushbu Nizomga 2-ilovaga asosan shakl boʻyicha loyihaning TIAni tasdiqlash toʻgʻrisida hujjat tayyorlaydi hamda Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari kompleksi rahbari bilan ikki kun muddatda kelishish uchun Vazirlar Mahkamasining Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish masalalari yigʻma axborot-tahlil departamentiga beradi”.

20. Vazirlar Mahkamasining “Kioto Protokolining Musaffo rivojlanish mexanizmi doirasida “Oʻztransgaz” aksiyadorlik kompaniyasining kompressor stansiyalarida tabiiy gaz sizib chiqishini kamaytirish” loyihasini amalga oshirish chora-tadbirlari toʻgʻrisida” 2009-yil 23-iyundagi 175-son qaroriga ilovadagi “Asqarov M.A. — Vazirlar Mahkamasi Iqtisodiyot va tashqi iqtisodiy aloqalar masalalari yigʻma axborot-tahlil departamenti mudirining oʻrinbosari, Muvofiqlashtiruvchi qoʻmita rahbarining oʻrinbosari” soʻzlari “lavozimiga koʻra — Vazirlar Mahkamasi Tashqi iqtisodiy faoliyat, xorijiy investitsiyalarni jalb etish va ishlab chiqarishni mahalliylashtirish masalalari axborot-tahlil departamentining mudiri, Muvofiqlashtiruvchi qoʻmita rahbarining oʻrinbosari” soʻzlari bilan almashtirilsin.

21. Vazirlar Mahkamasining “Xalqaro moliyaviy institutlar, xorijiy hukumatga qarashli moliyaviy tashkilotlar va donor mamlakatlarning mablagʻlarini jalb etish va ulardan samarali foydalanish tizimini takomillashtirish chora-tadbirlari toʻgʻrisida” 2009-yil 12-avgustdagi 229-son qarorida:

a) 1-ilovadagi “Tashqi iqtisodiy aloqalar, investitsiyalar va savdo vaziri” hamda “Iqtisodiyot va tashqi iqtisodiy aloqalar” soʻzlari tegishli ravishda “Oʻzbekiston Respublikasi Bosh vazirining oʻrinbosari, Tashqi iqtisodiy aloqalar, investitsiyalar va savdo vaziri” hamda “Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish” soʻzlari bilan almashtirilsin;

b) Vazirlar Mahkamasi huzuridagi Xalqaro moliyaviy institutlar, tashkilotlar va donor mamlakatlar bilan hamkorlik qilish, yirik va strategik muhim investitsiya loyihalarini amalga oshirish masalalari boʻyicha muvofiqlashtiruvchi kengash toʻgʻrisidagi nizomning 7-bandidagi “Iqtisodiyot va tashqi iqtisodiy aloqalar” soʻzlari “Makroiqtisodiy rivojlantirish, iqtisodiyotdagi tarkibiy oʻzgartirishlar va hududlarni kompleks rivojlantirish” soʻzlari bilan almashtirilsin.