Oʻzbekiston Respublikasi hukumatining ayrim qarorlariga oʻzgartirishlar kiritish toʻgʻrisida (Oʻzbekiston Respublikasi Prezidentining “Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirishni chuqurlashtirishga doir qoʻshimcha chora-tadbirlar toʻgʻrisida” 2009-yil 1-dekabrdagi PQ-1236-son qarori) (334-son)
28.12.2009
Oʻzbekiston Respublikasi Vazirlar Mahkamasining
qarori
Oʻzbekiston Respublikasi Prezidentining “Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirishni chuqurlashtirishga doir qoʻshimcha chora-tadbirlar toʻgʻrisida” 2009-yil 1-dekabrdagi PQ-1236-son qaroriga muvofiq Vazirlar Mahkamasi qaror qiladi:
1. Oʻzbekiston Respublikasi Hukumatining ilovaga muvofiq ayrim qarorlariga oʻzgartirishlar kiritilsin.
2. Mazkur qarorning bajarilishini nazorat qilish Oʻzbekiston Respublikasi Bosh vazirining birinchi oʻrinbosari R.S. Azimov hamda Oʻzbekiston Respublikasi Bosh vazirining oʻrinbosari E.M. Gʻaniyev zimmasiga yuklansin.
Oʻzbekiston Respublikasining Bosh vaziri Sh. MIRZIYOYEV
Toshkent sh.,
2009-yil 28-dekabr,
334-son
Vazirlar Mahkamasining 2009-yil 28-dekabrdagi 334-son qaroriga ILOVA
Oʻzbekiston Respublikasi Hukumatining ayrim qarorlariga kiritilayotgan oʻzgartirishlar
2. Vazirlar Mahkamasining 2009-yil 2-apreldagi 94-son qarori bilan tasdiqlangan Sanoat kooperatsiyasi asosida tayyor mahsulotlar, butlovchi buyumlar va materiallar ishlab chiqarishni mahalliylashtirish dasturiga tuzatishlar kiritish tartibi toʻgʻrisidagi nizom 3-bandining birinchi xatboshidagi “Maxsus komissiyaning” soʻzlari “Idoralararo maxsus komissiyaning” soʻzlari bilan almashtirilsin.
4. Vazirlar Mahkamasining 2009-yil 20-oktabrdagi 275-son qarori bilan tasdiqlangan Oʻzbekiston Respublikasiga jalb etiladigan texnik koʻmak (grantlar) hajmlari tizimli asosda koʻpaytirilishini taʼminlaganligi uchun vazirliklar, idoralar va tashkilotlarning rahbarlari va mansabdor shaxslarini ragʻbatlantirish va masʼuliyatini oshirish tartibi toʻgʻrisidagi nizomning 7-bandida:
birinchi xatboshi quyidagi tahrirda bayon qilinsin:
“Mukofotlarning aniq miqdorlari va mukofotlanadigan mansabdor shaxslar roʻyxati har bir aniq loyiha boʻyicha tegishli tuzilmalarning taqdimnomasiga koʻra Oʻzbekiston Respublikasi Moliya vazirligi tomonidan Tashqi iqtisodiy aloqalar, investitsiyalar va savdo vazirligi bilan birgalikda aniqlashtiriladi va tasdiqlanadi”;
ikkinchi xatboshidagi “Oʻzbekiston Respublikasi Moliya vazirligi tomonidan” soʻzlari “Oʻzbekiston Respublikasi Moliya vazirligi tomonidan Tashqi iqtisodiy aloqalar, investitsiyalar va savdo vazirligi bilan birgalikda” soʻzlari bilan almashtirilsin.