Oʻzbekiston Respublikasi Prezidentining Oliy Majlis XIV sessiyasidagi maʼruzasi asosiy qoidalarini amalga oshirish chora-tadbirlari toʻgʻrisida (296-son)

10.06.1999

Oʻzbekiston Respublikasi Vazirlar Mahkamasining

qarori

Oʻzbekiston Respublikasi Prezidentining Oliy Majlis XIV sessiyasidagi maʼruzasi asosiy qoidalarini amalga oshirish, XXI asrning dastlabki yillarida islohotlarni yanada chuqurlashtirish va jamiyatni yangilashning asosiy ustuvor yoʻnalishlarini roʻyobga chiqarishni, siyosiy va iqtisodiy sohalarda keng erkinlashtirishni, davlat va jamiyat qurilishi sohasida erkinlashtirishni taʼminlash uchun zarur qonuniy va tashkiliy shart-sharoitlarni yaratish maqsadida Vazirlar Mahkamasi qaror qiladi:

1. Islohotlarni yanada chuqurlashtirish va jamiyatni yangilash strategiyasining Oʻzbekiston Respublikasi Prezidentining Oliy Majlis XIV sessiyasidagi “Oʻzbekiston XXI asrga intilmoqda” maʼruzasida belgilab berilgan quyidagi asosiy ustuvor yoʻnalishlarining amalga oshirilishini taʼminlash respublika Hukumatining, davlat organlari va jamoat tashkilotlarining eng muhim vazifasi deb hisoblansin:

a) mamlakat siyosiy, iqtisodiy hayotini, davlat va jamiyat qurilishini yanada erkinlashtirish;

b) jamiyat maʼnaviyatini yanada yuksaltirish;

v) yuqori malakali kadrlar tayyorlash;

g) xalq turmush darajasining izchil va barqaror oʻsishi, aholini yanada kuchli ijtimoiy himoya qilish;

d) iqtisodiyotda tarkibiy oʻzgartirishlar;

e) jamiyatdagi barqarorlik, tinchlik, millatlar va fuqarolararo totuvlikni, mamlakat sarhadlari daxlsizligini va hududiy yaxlitligini taʼminlash.

2. Quyidagilar:

XXI asr dastlabki yillarida islohotlarni chuqurlashtirish va jamiyatni yangilashning ustuvor yoʻnalishlarini amalga oshirish dasturlari roʻyxati 1-ilovaga muvofiq;

jamiyat hayotining siyosiy, iqtisodiy va maʼnaviy sohalarida islohotlarni amalga oshirish boʻyicha qoʻshimcha chora-tadbirlar 2-ilovaga muvofiq;

xalqaro tashkilotlar va muassasalar bilan hamkorlikni rivojlantirish va chuqurlashtirish chora-tadbirlari 3-ilovaga muvofiq maʼqullansin.

3. Vazirlar Mahkamasi komplekslari, vazirliklar, idoralar, uyushmalar, konsernlar, korporatsiyalar, kompaniyalar, birlashmalar, korxonalar va tashkilotlar, Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari hukumatga qarashli boʻlmagan hamda jamoat tashkilotlarini keng jalb etgan holda, 1—3-ilovalarda koʻrsatilgan chora-tadbirlarning belgilangan muddatlarga qatʼiy muvofiq ravishda ishlab chiqilishini va amalga oshirilishini taʼminlasinlar. Amalga oshirilayotgan ishlar toʻgʻrisida yilning har choragida Vazirlar Mahkamasiga axborot berib borsinlar.

Dasturlarda belgilangan chora-tadbirlarning amalga oshirilishi yuzasidan shaxsan javobgarlik Hukumatdagi, vazirliklar, idoralar va tegishli tuzilmalardagi birinchi shaxslar zimmasiga yuklansin.

4. Oʻzbekiston Respublikasi Prezidentining Oliy Majlis XIV sessiyasidagi maʼruzasi asosiy qoidalarini amalga oshirish boʻyicha ushbu qaror bilan belgilangan chora-tadbirlarning bajarilishini har yili ikki marta (yarim yillik va yillik yakunlar boʻyicha) mufassal koʻrib chiqishdan iborat tartib belgilab qoʻyilsin.

Oʻzbekiston Respublikasi Oliy Majlisi rahbarlari, Bosh vaziri, Qoraqalpogʻiston Respublikasi Vazirlar Kengashi Raisi, viloyatlar va Toshkent shahar hokimlari zimmasiga belgilangan dasturiy chora-tadbirlarning bajarilishini muhokama qilishni Oliy Majlis Kengashi, Vazirlar Mahkamasi, Qoraqalpogʻiston Respublikasi Vazirlar Kengashi, hokimliklar majlislari kun tartibiga har yili ikki marta kiritish, ularning soʻzsiz bajarilishi yuzasidan zarur talabchanlikni va tashkiliy ishlarni taʼminlash yuklansin.

Belgilangan dasturiy chora-tadbirlarning bajarilishi yakunlarini koʻrib chiqishda Prezident Apparati, Vazirlar Mahkamasi, davlat organlari va jamoat tashkilotlari xodimlaridan maxsus tuziladigan komissiyalar tomonidan tekshirishlar oʻtkazilsin.

Tekshirishlar va Oliy Majlis Kengashi, Vazirlar Mahkamasi, Qoraqalpogʻiston Respublikasi Vazirlar Kengashi, hokimliklar majlislarida koʻrib chiqish natijalari ommaviy axborot vositalarida keng yoritilsin.

5. “Oʻzteleradio” kompaniyasi, Oʻzbekiston Milliy axborot agentligi, ommaviy axborot vositalari XXI asr boʻsagʻasida islohotlarni yanada chuqurlashtirish va jamiyatni yangilashning ustuvor yoʻnalishlari mazmuni keng tushuntirilishini taʼminlasinlar, qabul qilingan dasturiy chora-tadbirlarni amalga oshirishdagi ijobiy tajribani va mavjud kamchilikni televideniye va radio orqali, gazeta va jurnallar sahifalarida muntazam yoritib borsinlar.

6. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T.Sultonov zimmasiga yuklansin.

Vazirlar Mahkamasining Raisi I. KARIMOV

Toshkent sh.,

1999-yil 10-iyun,

296-son

Vazirlar Mahkamasining 1999-yil 10-iyundagi 296-son qaroriga 1-ILOVA

XXI asr dastlabki yillarida islohotlarni chuqurlashtirish va jamiyatni yangilashning ustuvor yoʻnalishlarini amalga oshirish dasturlari

ROʻYXATI

Vazirlar Mahkamasining 1999-yil 10-iyundagi 296-son qaroriga 2-ILOVA

Jamiyat hayotining siyosiy, iqtisodiy va maʼnaviy sohalarida islohotlarni amalga oshirish boʻyicha qoʻshimcha

chora-tadbirlar

Vazirlar Mahkamasining 1999-yil 10-iyundagi 296-son qaroriga 3-ILOVA

Xalqaro tashkilotlar va muassasalar bilan hamkorlikni rivojlantirish va chuqurlashtirish

chora-tadbirlari