“OʻMT-radio” qoʻshma korxonasini tashkil etish toʻgʻrisida (237-son)
12.05.1999
Oʻzbekiston Respublikasi Vazirlar Mahkamasining
qarori
Respublikada radiokommunikatsiyalarning zamonaviy vositalari ishlab chiqarishini tashkil etish maqsadida Vazirlar Mahkamasi qaror qiladi:
1. “Oʻzeltexsanoat” uyushmasi va “Oniks” aksiyadorlik jamiyatining Motorola Inc. kompaniyasi vakili boʻlgan Telekom Telekomunikasyon A.S. firmasi bilan birgalikda ustav jamgʻarmasidagi ulushlar taqsimlanadigan, masʼuliyati cheklangan jamiyat shaklida radiokommunikatsiyalar vositalari ishlab chiqarish boʻyicha “Oʻzbekiston-Motorola-Telekom-Radio” (“OʻMT-Radio”) qoʻshma korxonasi tashkil etish toʻgʻrisidagi 1-ilovaga muvofiq va mahsulotlar ishlab chiqarish koʻrsatkichlari toʻgʻrisidagi 2-ilovaga* muvofiq taklifiga rozilik berilsin.
* 2-ilova rus tilidagi matnida berilgan.
2. Maʼlumot uchun qabul qilinsinki, qoʻshma korxona tomonidan ishlab chiqariladigan mahsulotlarning 50 foizi Oʻzbekiston Respublikasi ehtiyojlarini qondirish uchun va 50 foizi — ishlab chiqarishni oʻzlashtirishning ikkinchi yilidan boshlab xorijga eksport qilish uchun sotiladi.
3. “OʻMT-Radio” qoʻshma korxonasi radiokommunikatsiyalar vositalari ishlab chiqarish uchun zarur boʻlgan asbob-uskunalar, butlovchi buyumlar va materiallarni keltirish boʻyicha bojxona toʻlovlaridan besh yil muddatga ozod qilinsin, bojxona rasmiylashtirishi uchun yigʻimlar bundan mustasno.
4. Oʻzbekiston Respublikasi Makroiqtisodiyot va statistika vazirligi “OʻMT-Radio” qoʻshma korxonasining radiokommunikatsiyalar ishlab chiqarish loyihasini uni barpo etish davrida har yilgi Investitsiya dasturlariga kiritsin.
5. Mazkur qarorning bajarilishini nazorat qilish Oʻzbekiston Respublikasining Bosh vaziri Oʻ.T.Sultonov zimmasiga yuklansin.
Vazirlar Mahkamasining Raisi I. KARIMOV
Toshkent sh.,
1999-yil 12-may,
237-son
Vazirlar Mahkamasining 1999-yil 12-maydagi 237-son qaroriga 1-ILOVA
Masʼuliyati cheklangan jamiyat shaklidagi “OʻMT-Radio” qoʻshma korxonasi ustav jamgʻarmasidagi ulushlarni taqsimlash
Tuzilmasi