Toshkent shahri “Islom madaniyati poytaxti” deb eʼlon qilinganligi munosabati bilan oʻtkaziladigan tadbirlar sarf-xarajatlari toʻgʻrisida (162-son)

02.08.2007

Oʻzbekiston Respublikasi Vazirlar Mahkamasining

qarori

Toshkent shahri “Islom madaniyati poytaxti” deb eʼlon qilinganligi munosabati bilan belgilangan tadbirlarni yuksak saviyada oʻtkazish maqsadida Vazirlar Mahkamasi qaror qiladi:

1. Oʻzbekiston Respublikasi Moliya vazirligi Oʻzbekiston Respublikasi Vazirlar Mahkamasining 2007-yil 15-martdagi 51-son qarori bilan tasdiqlangan Toshkent shahri 2007-yilda “Islom madaniyati poytaxti” deb eʼlon qilinganligi munosabati bilan amalga oshiriladigan tadbirlar dasturida belgilangan sarf-xarajatlarni qoplash maqsadida Vazirlar Mahkamasining zaxira jamgʻarmasi hisobidan ilovaga muvofiq mablagʻlar ajratilishini taʼminlasin.

2. Vazirlar Mahkamasining 2007-yil 15-martdagi 51-son qarorining 8-bandi va 3-ilovasi oʻz kuchini yoʻqotgan deb hisoblansin.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari R. Azimov zimmasiga yuklansin.

Oʻzbekiston Respublikasi Bosh vaziri Sh. MIRZIYOYEV

Toshkent sh.

2007-yil 2-avgust,

162-son

Vazirlar Mahkamasining 2007-yil 2-avgustdagi 162- son qaroriga 1-ILOVA

“Toshkent — islom madaniyati poytaxti” deb nomlangan tadbirlar oʻtkazilishi bilan bogʻliq sarf-xarajatlar

smetasi

*Mablagʻlar Tashqi ishlar vazirligining budjetdan tashqari jamgʻarmasi hisobidan toʻlanadi.

**“Oʻzbekiston havo yoʻllari” milliy avikompaniyasi tomonidan qoplanadi.

***Mablagʻlar haqiqiy xarajatlar uchun tasdiqlovchi hujjatlarga asosan Markaziy bank tomonidan toʻlov kunida belgilangan kurs boʻyicha Vazirlar Mahkamasining zaxira jamgʻarmasi hisobidan 128.631 AQSh dollari toʻlanadi, qolgan qismi Toshkent shahar hokimligi va homiy tashkilotlar hisobidan toʻlanadi.

****Mablagʻlar haqiqiy xarajatlar uchun tasdiqlovchi hujjatlarga asosan Vazirlar Mahkamasining zaxira jamgʻarmasi hisobidan 59.632.144,0 soʻm miqdorida, qolgan qismi Toshkent shahar hokimligi va homiy tashkilotlar hisobidan toʻlanadi.

*****Toshkent shahar hokimligiga smeta xarajatlari doirasida oʻzgartirishlar kiritishga ruxsat berilsin.