Ichki ishlar organlari tomonidan giyohvandlik vositalari, ularning analoglari, psixotrop moddalar va prekursorlar saqlanadigan obyekt hamda xonalarning texnik mustahkamligi, qoʻriqlash va yongʻindan darak beruvchi signalizatsiya vositalari hamda videokuzatuv tizimlari bilan jihozlanganligi holati ustidan nazoratni amalga oshirish tartibi toʻgʻrisidagi nizomni tasdiqlash haqida (2041-son)

16.11.2009

Oʻzbekiston Respublikasi Ichki ishlar vazirining

buyrugʻi

[Oʻzbekiston Respublikasi Adliya vazirligi tomonidan 2009-yil 16-noyabrda 2041-son bilan davlat roʻyxatidan oʻtkazildi]

Oʻzbekiston Respublikasining “Ichki ishlar organlari toʻgʻrisida”gi Qonuni, Oʻzbekiston Respublikasi Vazirlar Mahkamasining 2022-yil 21-fevraldagi 80-son “Maxsus elektron tizim orqali ayrim faoliyat turlarini litsenziyalash tartibi toʻgʻrisidagi yagona nizomni tasdiqlash haqida”gi qaroriga muvofiq buyuraman:

1. Ichki ishlar organlari tomonidan giyohvandlik vositalari, ularning analoglari, psixotrop moddalar va prekursorlar saqlanadigan obyekt hamda xonalarning texnik mustahkamligi, qoʻriqlash va yongʻindan darak beruvchi signalizatsiya vositalari hamda videokuzatuv tizimlari bilan jihozlanganligi holati ustidan nazoratni amalga oshirish tartibi toʻgʻrisidagi nizom ilovaga muvofiq tasdiqlansin.

3. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

4. Mazkur buyruq talablarining bajarilishini nazorat qilish Oʻzbekiston Respublikasi Ichki ishlar vazirining oʻrinbosari general-mayor A.H. Qoʻldoshev zimmasiga yuklatilsin.

Vazir B. MATLYUBOV

Toshkent sh.,

2009-yil 4-oktabr,

75-con

Oʻzbekiston Respublikasi Ichki ishlar vazirining 2009-yil 4-oktabrdagi 75-sonli buyrugʻiga ILOVA

Ichki ishlar organlari tomonidan giyohvandlik vositalari, ularning analoglari, psixotrop moddalar va prekursorlar saqlanadigan obyekt hamda xonalarning texnik mustahkamligi, qoʻriqlash va yongʻindan darak beruvchi signalizatsiya vositalari hamda videokuzatuv tizimlari bilan jihozlanganligi holati ustidan nazoratni amalga oshirish tartibi toʻgʻrisida

nizom

Mazkur Nizom ichki ishlar organlari tomonidan giyohvandlik vositalari, ularning analoglari, psixotrop moddalar va prekursorlar (bundan buyon matnda GAPP deb yuritiladi) saqlanadigan xona va obyektlarning texnik mustahkamligini, qoʻriqlash va yongʻindan darak beruvchi signalizatsiya vositalari hamda videokuzatuv tizimlarining holatini nazorat qilish tartibini belgilaydi.

Mazkur Nizom talablari Oʻzbekiston Respublikasi Mudofaa vazirligi, Ichki ishlar vazirligi, Davlat xavfsizlik xizmati, Iqtisodiyot va moliya vazirligi huzuridagi Bojxona qoʻmitasi tuzilmasiga kiruvchi tashkilotlar hamda Adliya vazirligining sud-ekspertiza muassasalariga tatbiq etilmaydi.

I. Umumiy qoidalar

1. Mazkur Nizom qoidalari GAPPlarni saqlash faoliyatini amalga oshirayotgan yuridik shaxslarga tatbiq etiladi.

2. GAPPlar saqlanadigan joylar (hududlar, inshootlar) tekshirish obyektlari hisoblanadi (bundan keyingi oʻrinlarda GAPPlar saqlanadigan obyektlar deb yuritiladi).

3. Tekshiruvlar mazkur Nizomning III-bobida belgilangan masalalar yuzasidan xoʻjalik yurituvchi subyektlar faoliyatini davlat tomonidan nazorat qilish toʻgʻrisidagi qonunchilik hujjatlariga muvofiq amalga oshiriladi.

4. GAPPlar saqlanadigan obyektlarni tekshirish davomida ichki ishlar organlari xodimlari tomonidan qoʻshimcha tarzda yuridik shaxslar tomonidan GAPPlarni sotish (berish), taqsimlash, foydalanish, ishlab chiqish, ishlab chiqarish, olib kirish (olib chiqish), tayyorlash, yoʻq qilish, roʻyxatga olish va hisobot yuritish boʻyicha faoliyatlariga aralashishiga yoʻl qoʻyilmaydi. Koʻrsatilgan faoliyat turlari qonunchilik hujjatlarida oʻrnatilgan tartibda sogʻliqni saqlash organlari tomonidan, shu jumladan ichki ishlar organlari bilan hamkorlikdagi tekshiruvlar davomida oʻrganib chiqiladi.

5. Tekshiruvlar davomida qandaydir tarzda yuridik shaxslarning moliyaviy-xoʻjalik faoliyatiga aralashish, ularning moliyaviy-xoʻjalik faoliyatini, buxgalteriya, moliyaviy, statistik, soliq, bojxona va boshqa operatsiyalarga oid hujjatlarini hamda operatsiyalarni oʻrganish qatʼiyan man qilinadi.

II. Nazoratni tashkil etish

6. GAPPlar saqlanadigan obyektlar ichki ishlar organlarining nazorat-litsenziyalash tizimi xodimlari (keyingi oʻrinlarda ichki ishlar organlari xodimlari deb yuritiladi) tomonidan yuridik shaxsning rahbari (uning vakolatli vakili) va GAPPlarni saqlash uchun javobgar boʻlgan shaxs ishtirokida tekshiruvdan oʻtkaziladi.

8. GAPPlar saqlanadigan obyektlarni tekshirish belgilangan tartibda sogʻliqni saqlash organlari vakillari ishtirokida amalga oshirilishi mumkin. Bunday hollarda tekshiruvlar ushbu idoralarning vakolatlari doirasidan kelib chiqqan holda amalga oshirilib, yakunlari boʻyicha umumiy dalolatnoma tuziladi.

9. Tekshiruvlarni amalga oshirish davomida ichki ishlar organlari quyidagi huquqlarga ega:

yuridik shaxsning rahbari (uning vakolatli vakili) va masʼul xodimi kuzatuvida ishlab chiqarish inshootlari, omborlar, maydonchalar va GAPPlar saqlanadigan oʻzga joylarni koʻzdan kechirish;

GAPPlar saqlanadigan obyektlarni tekshiruvdan oʻtkazishga doir zaruriy maʼlumotlar va hujjatlar olish;

tekshiruv natijalari boʻyicha mazkur Nizomning 2-ilovasiga muvofiq dalolatnomalar tuzish;

yuridik shaxslarga aniqlangan huquqbuzarliklarni bartaraf etish boʻyicha koʻrsatmalar berish, ushbu huquqbuzarliklarni bartaraf etish muddatlarini belgilash va bajarilishini nazorat qilish;

avval aniqlangan huquqbuzarliklar belgilangan muddatlarda bartaraf etilmagan yoki jiddiy (qoʻpol) huquqbuzarliklar aniqlangan taqdirda, yigʻilgan hujjatlarni Oʻzbekiston Respublikasi Sogʻliqni saqlash vazirligiga yuborish uchun tayyorlash;

aniqlangan huquqbuzarliklar bartaraf etilmasligi GAPPlarni yoʻqolishi yoki oʻgʻirlanishiga xavf tugʻdirayotgan taqdirda, ularni darhol boshqa saqlash obyektlariga oʻtkazilishini talab qilish;

qonunchilik hujjatlariga muvofiq boshqa huquqlardan foydalanish.

10. Tekshiruvlarni amalga oshiruvchi ichki ishlar organlari xodimlari oʻz vakolatlari doirasida quyidagilarni bajarishga majburdirlar:

tekshirilayotgan yuridik shaxsga tekshirish oʻtkazish huquqini beruvchi zarur hujjatlarni koʻrsatish;

yuridik shaxslar ishlashiga xalal bermaslik, ularning oʻzga huquqlari va qonuniy manfaatlariga rioya qilish;

tekshirishlarni roʻyxatga olish kitobiga qonunchilik hujjatlarida belgilangan tartibda yozuv kiritish;

davlat siri, tijorat yoki boshqa sirlar saqlanishini taʼminlash;

tekshiruv natijalarini dalolatnoma bilan rasmiylashtirib, uning bir nusxasini tekshirilayotgan yuridik shaxs ixtiyorida qoldirish;

huquqbuzarlik hollari aniqlangan taqdirda qonunchilik hujjatlarida nazarda tutilgan choralarni koʻrish;

qonunchilik hujjatlariga muvofiq boshqa majburiyatlarni bajarish.

III. Tekshiruvlarni amalga oshirish

11. GAPPlar saqlanadigan obyektlarning tekshiruvlari Oʻzbekiston Respublikasi Vazirlar Mahkamasining 2022-yil 22-fevraldagi 86-son qarori bilan tasdiqlangan Maxsus elektron tizim orqali ruxsat etish xususiyatiga ega ayrim hujjatlarni berish tartib-taomillari toʻgʻrisidagi yagona nizomning 42-ilovasida (Obyektlar (xonalar)ning giyohvandlik vositalarini, psixotrop moddalarni, ularning analoglarini va prekursorlarni saqlashga doir texnik talablarga muvofiqligi toʻgʻrisida xulosa pasportida) belgilangan GAPPlar saqlanadigan obyektlarning toifalanishiga muvofiq amalga oshiriladi.

Quyidagilar qatʼiyan taqiqlanadi:

GAPPlar saqlanadigan II va (yoki) III toifadagi obyektlarga — I toifadagi obyektlarga oʻrnatilgan talablarni qoʻyish;

GAPPlar saqlanadigan III toifadagi obyektlarga –— I va (yoki) II toifadagi obyektlarga oʻrnatilgan talablarni qoʻyish.

IV. Tekshiruvlar natijalarini rasmiylashtirish

12. Tekshiruv natijalari boʻyicha mazkur Nizomning 2-ilovasiga muvofiq dalolatnoma tuziladi.

Dalolatnomada belgilangan choralarni koʻrish uchun uning bir nusxasi yuridik shaxsning rahbari (uning vakolatli vakili)ga topshiriladi.

Tekshiruv natijalari boʻyicha ichki ishlar organlari tomonidan yuridik shaxslarga aniqlangan qoidabuzarliklarni bartaraf etish toʻgʻrisida bajarilishi majburiy boʻlgan koʻrsatmalar berilishi mumkin. Yuridik shaxslar tomonidan ushbu koʻrsatmalar ustidan shikoyat keltirilishi ularning bajarilishini toʻxtatib qoʻymaydi, shikoyatlar sudga berilgan hollar bundan mustasno.

13. Tekshiruv dalolatnomasi tegishli qarorlar qabul qilish va ularning bajarilishi nazoratga olinishini tashkillashtirish yuzasidan zudlik bilan ichki ishlar organi rahbariga yetkaziladi.

14. Avval aniqlangan huquqbuzarliklar belgilangan muddatlarda bartaraf etilmagan yoki jiddiy (qoʻpol) huquqbuzarliklar aniqlanganda ichki ishlar organi rahbari uch kunlik muddat ichida yigʻilgan hujjatlarni Oʻzbekiston Respublikasi Sogʻliqni saqlash vazirligiga yuboradi.

Yigʻilgan hujjatlarning nusxalari bir vaqtning oʻzida Oʻzbekiston Respublikasi Ichki ishlar vazirligiga ham taqdim etiladi.

V. Yakuniy qoidalar

15. Ichki ishlar organlarining tekshiruvlarni amalga oshirish yuzasidan qabul qilingan qaror va xatti-harakatlariga yuqori turuvchi organ yoki sudga shikoyat qilinishi mumkin.

16. Mazkur Nizom Oʻzbekiston Respublikasi Sogʻliqni saqlash vazirligi bilan kelishilgan.

Sogʻliqni saqlash vaziri A. IKRAMOV

2009-yil 1-oktabr

Ichki ishlar organlari tomonidan giyohvandlik vositalari, ularning analoglari, psixotrop moddalar va prekursorlar saqlanadigan obyekt hamda xonalarning texnik mustahkamligi, qoʻriqlash va yongʻindan darak beruvchi signalizatsiya vositalari hamda videokuzatuv tizimlari bilan jihozlanganligi holati ustidan nazoratni amalga oshirish tartibi toʻgʻrisida nizomga 2-ILOVA

Giyohvandlik vositalari, ularning analoglari, psixotrop moddalar va prekursorlar saqlanadigan obyekt va xonalarni tekshirish

DALOLATNOMASI

‎‎20 ___ yil “___” _______________‎‎‎‎___________________________‎‎‎‎‎‎‎‎(shahar, aholi turar joyining nomi)Men (bizlar), __________________________________________________________________________‎‎(ichki ishlar organlari xodim(lari)ining lavozimi, unvoni, familiyasi, ismi, otasining ismi)_________________________________________________________________________ tomonidan‎‎‎‎______________________________________________________________________‎‎(yuridik shaxs rahbari (uning vakili)ning lavozimi, familiyasi, ismi, otasining ismi)‎‎________________________________________________________________________ ishtirokida‎‎giyohvandlik vositalari, ularning analoglari, psixotrop moddalar va prekursorlar saqlanadigan joy tekshirib chiqildi_______________________________________________________________‎‎(GAPPlarni saqlovchi yuridik shaxsning nomi)‎‎______________________________________________________________________‎‎(GAPPlarni saqlash faoliyati amalga oshirilayotgan manzil)‎‎Tekshiruv davomida quyidagilar aniqlandi:1. Obyektning toifasi va turi_________________________________________________________(obyektning toifasi — I, II, III; turi — baza, omborxona, dorixona, ‎‎______________________________________________________________________laboratoriya, boʻlinma, tibbiyot punkti, boshqa tibbiyot muassasasi)‎‎2. Tashkilot (omborxona, baza) hududining holati__________________________________________‎‎‎‎‎‎(faqat I toifadagi obyektlarga toʻldiriladi:‎‎______________________________________________________________________‎‎hududning yaroqliligi, texnik holati va yoritilishi; oʻtish taqiqlangan hududning kengligi,‎‎______________________________________________________________________‎‎jihozlanishi va undan foydalanish tartibi; kirish (ichki) temir yoʻllarining holati; yongʻinga qarshi suv‎‎______________________________________________________________________‎‎manbalari va yashin qaytaruvchi uskunalarning mavjudligi va holati, omborxonalar oraligʻida oʻzaro hamda‎‎______________________________________________________________________‎‎ombor inshootlari va alohida binolar oʻrtasida belgilangan yongʻinga qarshi masofalarga rioya etilishi va h.q.),‎‎3. Toʻsiqlarning holati:_______________________________________________________________(faqat I toifadagi obyektlarga toʻldiriladi:‎‎______________________________________________________________________‎‎toʻsiqlarning turi va balandligi, belgilangan talablarga muvofiqligi (muvofiq emasligi),‎‎______________________________________________________________________‎‎teshiklar, oʻpirishlar, osilib qolishlar va h.q. kamchiliklar mavjudligi)‎‎‎‎4. Yoritilish holati: __________________________________________________________________‎‎(toʻgʻri va toʻliq yoritilganligi, yoritish manbalarining yetarliligi va sozligi)‎‎______________________________________________________________________5. Qoʻriqlash va yongʻindan darak beruvchi signalizatsiya vositalari hamda videokuzatuv tizimining mavjudligi va holati: ‎(Qoʻriqlash va yongʻindan darak beruvchi signalizatsiya vositalarining turi — shovqinli, nurli-shovqinli, avtonom, ‎‎______________________________________________________________________datchiklari ichki ishlar organlarining texnik qoʻriqlash markaziga, qoʻriqlash postiga yoki mansabdor shaxsga ulanganlgigi, obyekt 1 va 2-rubejlarda qoʻriqlash va yongʻindan darak beruvchi signalizatsiya ‎‎______________________________________________________________________vositalari bilan jihozlanganligi, qoʻriqlash va yongʻindan darak beruvchi signalizatsiyalar holati — soz, nosoz, kabellarni oʻtkazish usuli — xufyona, ochiq)6. Videokuzatuv tizimining mavjudligi va holati:________________________________________(kameralar soni, yetarliligi va toʻgʻri joylashtirilganligi,‎‎______________________________________________________________________tasviri chiqarilgan joyi, qoʻriqlash postiga ulanganligi, tizimning holati — soz, nosoz, tasvir saqlanadigan muddat, kabellarni oʻtkazish usuli — xufyona, ochiq)7. Qoʻriqlash va yongʻindan darak beruvchi signalizatsiya vositalari hamda videokuzatuv tizimi zaxira elektr taʼminoti manbai bilan taʼminlanganligi_________________________________________‎‎______________________________________________________________________(turi, quvvatining yetarliligi, holati — soz, nosoz, akkumulyatorning ishlash davomiyligi)‎‎________________________________________________________________________8. GAPPlarni saqlash sharoitlari: __________________________________________(alohida (umumiy) xonada, xonaning joylashuvi, ‎‎________________________________________________________________________devorlar, pol va shipning oʻrnatilgan talablarga muvofiqligi, __________________________________________________________________________________ ‎derazalar metall panjaralar bilan himoyalanganligi, ularning oʻrnatilgan talablarga muvofiqligi) ‎ ‎__________________________________________________________________________________ ‎ ‎__________________________________________________________________________________9. Eshiklarning holati: asosiy_________________________________________________________(eshik ishlangan material, uning texnik mustahkamligi,‎‎______________________________________________________________________qulflar yetarliligi va ishonchliligi) ‎ ‎__________________________________________________________________________________ ‎ ‎qoʻshimcha (panjarali)________________________________________________________________ ‎(eshik ishlangan material, uning texnik mustahkamligi, ‎__________________________________________________________________________________ ‎qulflar yetarliligi va ishonchliligi) ‎ ‎__________________________________________________________________________________10. Metall quti (seyf, shkaf)lar mavjudligi va holati:______________________________________(quti (seyf, shkaf)larning yetarliligi,‎‎________________________________________________________________________ishonchliligi va texnik mustahkamligi, qulflarning yetarliligi va ishonchliligi)‎‎________________________________________________________________________‎‎11. GAPPlarni saqlash tartibi: ‎‎________________________________________________________________________(metall quti (seyf, shkaf)lar ichida saqlanishi tashkil etilganligi,‎‎________________________________________________________________________ular ishdan tashqari vaqtda muhrlanishi)‎‎________________________________________________________________________12. Qoʻriqlash holati:_________________________________________________________________ ‎(qoʻriqlash turi, postlar soni va yetarliligi, qurollanishi, ‎__________________________________________________________________________________ ‎qoʻriqlash xizmatining ish tartibi, postlar orasida aloqa vositalari mavjudligi, sozligi va h.q.) ‎__________________________________________________________________________________ ‎_________________________________________________________________________________ ‎13. Avvalgi tekshiruv(lar) natijasida aniqlangan kamchiliklar bartaraf etilganligi:‎ ‎__________________________________________________________________________________ ‎(oxirgi tekshiruv(lar) kim tomonidan va qachon amalga oshirilgan, aniqlangan kamchiliklar, ‎__________________________________________________________________________________ ‎ularni bartaraf etish darajasi, dalolatnomada belgilangan muddatlarda bartaraf etilganligi) ‎__________________________________________________________________________________ ‎‎14. GAPPlarni saqlashda aniqlangan kamchiliklar va ularni bartaraf etish boʻyicha takliflar:T/r‎Aniqlangan kamchiliklarning mazmuni‎‎Aniqlangan kamchiliklarni bartaraf etish boʻyicha takliflarIjro muddati‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎‎Imzolar:‎‎____________________‎‎‎____________________‎‎‎‎‎‎‎(imzo)‎(F.I.O)‎‎‎‎‎____________________‎‎‎____________________‎‎‎‎‎(imzo)‎(F.I.O)Dalolatnoma nusxasini oldim:‎‎____________________‎‎‎____________________‎‎‎(imzo)‎‎‎(F.I.O)