“Vimm-Bill-Dann” kompaniyasi ishtirokidagi korxonalarni qoʻllab-quvvatlash toʻgʻrisida (8-son)

07.01.2005

Oʻzbekiston Respublikasi Vazirlar Mahkamasining

qarori

[Koʻchirma]

Sut va sut mahsulotlari bozorini yanada rivojlantirish uchun xorijiy investorlarni jalb qilish, Oʻzbekiston Respublikasi aholisining yuqori sifatli oziq-ovqat mahsulotlariga boʻlgan ehtiyojini taʼminlash, eksportga yoʻnaltirilgan va importning oʻrnini bosuvchi mahsulotlar ishlab chiqarishni koʻpaytirish, shuningdek yangi ish oʻrinlari yaratish maqsadida Vazirlar Mahkamasi qaror qiladi:

1. Quyidagilar:

“Vimm-Bill-Dann-Produkti Pitaniya” kompaniyasi (Rossiya Federatsiyasi) “Oʻzgoʻshtsutsanoat” uyushmasi “Toshkent-Sut” ochiq aksiyadorlik jamiyatining 76,98 foiz aksiyalarini sotib olganligi hamda oʻz shuʼba kompaniyasi — “VBD Toshkent” MCHJ xorijiy korxonasini tashkil etganligi;

2005—2009-yillar mobaynida “Vimm-Bill-Dann-Produkti Pitaniya” kompaniyasi zamonaviy yuqori ishlab chiqarish texnologiyalari, asbob-uskunalar va intellektual mulk, “Toshkent-Sut” OAJning hosil boʻlgan (1,5 million AQSH dollariga teng miqdordagi) kreditorlik qarzlarini toʻlash va boshqa mablagʻlar sifatida 7,3 million AQSH dollari miqdorida investitsiya qoʻyishni moʻljallayotganligi maʼlumot uchun qabul qilinsin.

2. Oʻzbekiston Respublikasi Iqtisodiyot vazirligi sut va sut mahsulotlari ishlab chiqarish va uni qayta ishlash boʻyicha “VBD Toshkent” MCHJ xorijiy korxonasi kompaniyasi loyihasini belgilangan tartibda Oʻzbekiston Respublikasining 2005—2009-yillardagi Investitsiya dasturiga kiritsin.

3. Quyidagilar:

“VBD Toshkent” MCHJ xorijiy korxonasi va uning rasmiy distribyutorlariga “Vimm-Bill-Dann” kompaniyasining mahsulotlarini, naqd pullarni har kuni belgilangan tartibda inkassatsiya qilish sharti bilan, aholiga naqd pulga avtofurgonlardan sotishga;

“VBD Toshkent” MCHJ xorijiy korxonasiga fermer, dehqon xoʻjaliklaridan va jismoniy shaxslardan sutni Oʻzbekiston Respublikasi Markaziy banki tomonidan “Oʻzgoʻshtsutsanoat” uyushmasi korxonalari uchun belgilangan tartibda naqd mablagʻlarga mustaqil ravishda sotib olishga ruxsat etilsin.

4. Maʼlumot uchun qabul qilinsinki, “VBD Toshkent” MCHJ xorijiy korxonasi amaldagi qonun hujjatlariga muvofiq:

roʻyxatdan oʻtkazilgan vaqtidan boshlab 7 yil muddatga daromad (foyda) soligʻi toʻlashdan;

7. Toshkent shahar hokimligi 2005-yil 1-yanvardan boshlab “VBD Toshkent” MCHJ xorijiy korxonasini mahalliy soliqlar va yigʻimlarning barcha turlarini toʻlashdan besh yil muddatga ozod qilsin.

8. Qoraqalpogʻiston Respublikasi Vazirlar Kengashi, viloyatlar va Toshkent shahar hokimliklari chorvachilik xoʻjaliklari tashkil etish uchun yer uchastkalari ajratishda hamda chakana savdoni amalga oshirish huquqi uchun tegishli ruxsatnomalar berishda “VBD Toshkent” MCHJ xorijiy korxonasiga koʻmaklashsinlar.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosarlari M.Z.Usmonov va R.S.Azimov zimmasiga yuklansin.

Vazirlar Mahkamasining Raisi I.Karimov

Toshkent sh.,

2005-yil 7-yanvar,

8-son