Yagona xomashyo bazasi obyektlarini Qoʻngʻirot soda zavodi balansiga oʻtkazish toʻgʻrisida (53-son)
28.03.2008
Oʻzbekiston Respublikasi Vazirlar Mahkamasining
qarori
Kalsinatsiyalangan soda ishlab chiqarish uchun Qoʻngʻirot soda zavodida yagona xomashyo bazasi obyektlarining samarali faoliyatini taʼminlash maqsadida, Vazirlar Mahkamasi qaror qiladi:
1. Quyidagilar maʼlumot uchun qabul qilinsin:
Qoʻngʻirot soda zavodida xomashyo bazasi obyektlarining barqaror ekspluatatsiyasi taʼminlanganligi;
“Navoiy KMK” va “Olmaliq KMK” OAJ tomonidan “Barsakelmes” tuz konidan va Jamansoy kareridan xomashyoni uzluksiz yetkazib berish yoʻlga qoʻyilganligi;
“Navoiy KMK”, “Oʻzbekkoʻmir” OAJ va “Oʻzbekkimyomash zavodi” OAJ bilan birgalikda “Barsakelmas” tuz-konida texnik tuz ishlab chiqarishda siklik-oqim texnologiyasi joriy etilganligi;
“Olmaliq OMK” OAJ tomonidan Jamansoy kareridan zarur boʻlgan hajm va talab qilingan fraksiyada ohaktoshni ishlab chiqarish va yetkazib berish taʼminlanganligi;
“Oʻzbekenergo” DAK tomonidan Jamansoy ohaktoshi kareri uchun tashqi energiya taʼminoti obyektlari qurilishi yakunlanganligi.
2. Oʻzbekiston Respublikasi Iqtisodiyot vazirligi, “Navoiy KMK”, “Olmaliq KMK” OAJ, “Oʻzbekkoʻmir” OAJ, “Oʻzbekkimyomash zavodi” OAJ, “Oʻzbekenergo” DAKning ilovaga muvofiq “Barsakelmas” tuz-koni va Jamansoy ohaktosh kareri xomashyo bazasi obyektlarini, shuningdek, karerning tashqi energiya taʼminoti obyektlarini hamda 2007-yilning yanvaridan oktabrigacha boʻlgan davrda ishlab chiqarilgan tayyor mahsulotlarni tegishli tartibda Qoʻngʻirot soda zavodi balansiga bepul oʻtkazish boʻyicha taklifi qabul qilinsin.
3. Qoʻngʻirot soda zavodi ilovaga kiritilgan xomashyo bazasini, ishlab chiqarish obyektlarini belgilangan tartibda qabul qilinishini va ularning keyinchalik samarali ekspluatatsiyasi qilinishini, moliyalashtirilishini hamda moddiy-texnik taʼminlashini taʼminlasin.
4. Ushbu qarorning ijrosi uchun nazorat Oʻzbekiston Respublikasi Bosh vazirining birinchi oʻrinbosari R.S. Azimov va Oʻzbekiston Respublikasi Bosh vazirining oʻrinbosari E.R. Shaismatov zimmasiga yuklansin.
Oʻzbekiston Respublikasi Bosh vaziri Sh. MIRZIYOYEV
Toshkent sh.,
2008-yil 28-mart,
53-son
Vazirlar Mahkamasining 2008-yil 28-martdagi 53-sonli qaroriga ILOVA
Qoʻngʻirot soda zavodi balansiga bepul oʻtkaziladigan xomashyo bazasi ishlab chiqarish obyektlari va tayyor mahsulotlar
ROʻYXATI