2008-2012-yillarda Qashqadaryo va Surxondaryo viloyatlarida qurilish materiallari sanoatini yanada rivojlantirish chora-tadbirlari toʻgʻrisida (12-son)

23.01.2008

Oʻzbekiston Respublikasi Vazirlar Mahkamasining

qarori

Qashqadaryo va Surxondaryo viloyatlarining Toshguzar-Boysun-Qumqoʻrgʻon yangi temir yoʻli boʻylab joylashgan hududlarida mineral xomashyo bazasini yanada kengaytirish va samarali oʻzlashtirish, zamonaviy qurilish materiallari ishlab chiqarishni kengaytirish, shuningdek qoʻshimcha ish oʻrinlari yaratish maqsadida Vazirlar Mahkamasi qaror qiladi:

1. Oʻzbekiston Respublikasi Iqtisodiyot vazirligi “Oʻzqurilishmateriallari aksiyadorlik kompaniyasi, Davlat geologiya qoʻmitasi, Qashqadaryo va Surxondaryo viloyatlari hokimliklarining:

2008—2012-yillarda Qashqadaryo va Surxondaryo viloyatlarida qurilish materiallari ishlab chiqarish quvvatlarini oshirishning maqsadli parametrlari toʻgʻrisida 1-ilovaga* muvofiq;

* 1-ilova rus tilidagi matnda berilgan

2008—2012-yillarda amalga oshirish, uchun investorlarga tavsiya etilayotgan Qashqadaryo va Surxondaryo viloyatlarida qurilish materiallari ishlab chiqarish boʻyicha istiqbolli investitsiya loyihalari toʻgʻrisida 2-ilovaga* muvofiq;

* 2-ilova rus tilidagi matnda berilgan

qurilish materiallari ishlab chiqarish uchun 2008—2012-yillarda sanoat asosida oʻzlashtirish tavsiya etilayotgan Qashqadaryo va Surxondaryo viloyatlarida qidirib topilgan, biroq foydalanilmayotgan xomashyo konlarini ishga tushirish toʻgʻrisida 3-ilovaga* muvofiq takliflariga rozilik berilsin.

*3-ilova rus tilidagi matnda berilgan

2. Tashqi iqtisodiy faoliyat milliy banki, “Paxta-bank” aksiyadorlik-tijorat banki, “Mikrokreditbank” aksiyadorlik-tijorat banki, “Ipoteka-bank” aksiyadorlik-tijorat ipoteka banki, “Hamkorbank” aksiyadorlik-tijorat banki, “Asaka” davlat aksiyadorlik-tijorat banki va Oʻzbekiston Respublikasi aksiyadorlik-tijorat sanoat-qurilish banki tomonidan ushbu qarorga 2-ilovaga* kiritilgan investitsiya loyihalarini amalga oshirish uchun jami 500 mln soʻmdan ortiq maqsadli kreditlar ajratish nazarda tutilganligi maʼlumot uchun qabul qilinsin.

3. Iqtisodiyot vazirligi va “Oʻzqurilishmateriallari” aksiyadorlik kompaniyasi manfaatdor vazirliklar va idoralar, Qashqadaryo va Surxondaryo viloyatlari hokimliklari bilan birgalikda yangi ishlab chiqarishlar quvvatlarining, muhandislik va ijtimoiy infratuzilmaning, shuningdek ishlab chiqariladigan mahsulotlarning har bir turi boʻyicha eksport hajmlarining asoslangan hisob-kitoblari bilan birga loyiha hujjatlarini tayyorlash, kelishish va tasdiqlashga oid takliflarni bir oy muddatda tayyorlasinlar va Vazirlar Mahkamasiga kiritsinlar.

4. Qashqadaryo va Surxondaryo viloyatlari hokimliklari investorlarni jalb etish uchun qulay shart-sharoitlar yaratish, konlarni oʻzlashtirishda, tasdiqlangan loyiha yechimlariga muvofiq obyektlar qurilishi uchun yer uchastkalari ajratish masalalarini hal etishda, shuningdek ularni amalga oshirish davomida tizimli asosda yordam koʻrsatish va koʻmaklashish boʻyicha bir oy muddatda chora-tadbirlar koʻrsinlar.

5. Oʻzbekiston Respublikasi Tashqi iqtisodiy aloqalar, investitsiyalar va savdo vazirligi “Oʻzqurilishmateriallari” aksiyadorlik kompaniyasiga hamda Qashqadaryo va Surxondaryo viloyatlari hokimliklariga qurilish materiallari sanoati sohasida investitsiya loyihalarini amalga oshirish tajribasiga ega boʻlgan xorijiy investorlarni qidirib topish va jalb etishda koʻmaklashsin.

6. Oʻzbekiston Respublikasi Davlat geologiya qoʻmitasi Surxondaryo viloyatida sement ishlab chiqarish ehtiyojlari uchun foydalanish maqsadida Oqtoshdagi istiqbolli maydonlarda joylashgan gipsli tosh konlarida izlash-qidirish ishlarini olib borish va 2011-yilgacha tugallash chora- tadbirlarini koʻrsinlar.

7. Oʻzbekiston Respublikasi “Davarxitektqurilish” qoʻmitasi investitsiya loyihalarini davlat ekspertizasidan oʻtkazishda yangi ishlab chiqarishlarning yuqori texnologiyaligi va samaradorligi, mineral xomashyo va yoqilgʻi-energetika resurslari tejalgan holda ishlab chiqariladigan mahsulotlarning raqobatbardoshligi va tannarxi masalalariga alohida eʼtibor qaratsin.

8. Belgilab qoʻyilsinki:

Iqtisodiyot vazirligi, “Oʻzqurilishmateriallari” aksiyadorlik kompaniyasi hamda Qashqadaryo va Surxondaryo viloyatlari hokimliklarining birgalikdagi taqdimiga koʻra, tegishli ravishda asoslangan taqdirda, Oʻzbekiston Respublikasi Vazirlar Mahkamasi huzuridagi Xalqaro moliya institutlari, tashkilotlari va donor mamlakatlar bilan hamkorlik qilish, yirik va strategik jihatdan muhim investitsiya loyihalarini amalga oshirish masalalari boʻyicha Idoralararo kengash tomonidan investitsiya loyihalari roʻyxatiga tasdiqlangan maqsadli parametrlar saqlab qolingan holda, oʻzgartirish va qoʻshimchalar kiritiladi;

“Oʻzqurilishmateriallari” aksiyadorlik kompaniyasi raisi hamda Qashqadaryo va Surxondaryo viloyatlari hokimlari loyiha amalga oshirilayotgan viloyatlarda qurilish materiallari sanoatini rivojlantirishning maqsadli parametrlari oʻz vaqtida taʼminlanishi uchun shaxsan javob beradilar.

9. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari N.M. Xanov zimmasiga yuklansin.

Oʻzbekiston Respublikasi Bosh vaziri Sh. MIRZIYOYEV

Toshkent sh.,

2008-yil 23-yanvar,

12-son