Davlat budjetining gʻazna ijrosi qoidalarini tasdiqlash haqida (2007-son)

16.09.2009

Oʻzbekiston Respublikasi Moliya vazirining

buyrugʻi

[Oʻzbekiston Respublikasi Adliya vazirligi tomonidan 2009-yil 16-sentabrda 2007-son bilan davlat roʻyxatidan oʻtkazilgan]

“Budjet tizimi toʻgʻrisida”gi (Oʻzbekiston Respublikasi Oliy Majlisining Axborotnomasi, 2001-y., 1-2 son, 6-modda) va “Davlat budjetining gʻazna ijrosi toʻgʻrisida”gi (Oʻzbekiston Respublikasi Oliy Majlisining Axborotnomasi, 2004-y., 9-son, 164-modda) Oʻzbekiston Respublikasining qonunlari hamda Oʻzbekiston Respublikasi Prezidentining 2006-yil 18-dekabrdagi PQ-532-son “Oʻzbekiston Respublikasining 2007-yilgi asosiy makroiqtisodiy koʻrsatkichlari prognozi va Davlat budjeti parametrlari toʻgʻrisida”gi qarorining 26-bandi (Oʻzbekiston Respublikasi qonun hujjatlari toʻplami, 2006-y., 51-52-son, 507-modda) va Oʻzbekiston Respublikasi Prezidentining 2007-yil 28-fevraldagi PQ-594-son “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida”gi (Oʻzbekiston Respublikasi qonun hujjatlari toʻplami, 2007-y., 9-10-son, 82-modda) qaroriga muvofiq buyuraman:

1. Davlat budjetining gʻazna ijrosi Qoidalari ilovaga muvofiq tasdiqlansin.

2. Mazkur buyruq Oʻzbekiston Respublikasi Adliya vazirligida davlat roʻyxatidan oʻtkazilgan kundan boshlab oʻn kun oʻtgandan keyin kuchga kiradi.

Moliya vaziri R.S. AZIMOV

Toshkent sh.,

2009-yil 4-avgust,

69-son

Oʻzbekiston Respublikasi Moliya vazirining 2009-yil 4-avgustdagi 69-son buyrugʻiga ILOVA

Davlat budjetining gʻazna ijrosi

QOIDALARI

Mazkur Davlat budjetining gʻazna ijrosi Qoidalari (keyingi oʻrinlarda — Qoidalar) “Budjet tizimi toʻgʻrisida”gi (Oʻzbekiston Respublikasi Oliy Majlisining Axborotnomasi, 2001-y., 1-2 son, 6-modda) va “Davlat budjetining gʻazna ijrosi toʻgʻrisida”gi (Oʻzbekiston Respublikasi Oliy Majlisining Axborotnomasi, 2004-y., 9-son, 164-modda) Oʻzbekiston Respublikasining qonunlari hamda Oʻzbekiston Respublikasi Prezidentining 2007-yil 28-fevraldagi PQ-594-son “Davlat budjetining gʻazna ijrosi tizimini yanada rivojlantirish chora-tadbirlari toʻgʻrisida”gi qaroriga (Oʻzbekiston Respublikasi qonun hujjatlari toʻplami, 2007-y., 9-10-son, 82-modda) muvofiq, Oʻzbekiston Respublikasi Moliya vazirligi Gʻaznachiligi va uning hududiy boʻlinmalari (keyingi oʻrinlarda — gʻaznachilik boʻlinmalari) tomonidan respublika va hududiy gʻazna hisobvaraqlarini (keyingi oʻrinlarda — gʻazna hisobvaraqlari) qoʻllash sharoitida respublika budjeti, Qoraqalpogʻiston Respublikasi budjeti va mahalliy budjetlarning gʻazna ijrosini amalga oshirish tartibini belgilaydi.

I. Umumiy qoidalar

1. Budjetdan mablagʻ oluvchilarning tovar (ish, xizmat)lar yetkazib beruvchilar (keyingi oʻrinlarda — mahsulot yetkazib beruvchilar) bilan shartnomalarini, shu jumladan kapital qurilish boʻyicha buyurtmachilarning shartnomalarini roʻyxatga olish, Oʻzbekiston Respublikasining kafolatlarini ijro etish, tegishli budjetlar xarajatlarining toʻlanishi, shu jumladan gʻazna hisobvaraqlaridan budjet ssudalari, subvensiya va dotatsiyalar gʻaznachilik boʻlinmalari tomonidan amalga oshiriladi.

Gʻazna hisobvaraqlaridan foydalanib, gʻazna ijrosi bilan qamrab olinadigan budjetlar, xarajat guruhlari, budjetdan mablagʻ oluvchilar, shu jumladan kapital qurilish buyurtmachilarining roʻyxati Oʻzbekiston Respublikasi Moliya vazirligi tomonidan belgilanadi.

2. Naqd pul mablagʻlarini olish uchun, shu jumladan budjetdan mablagʻ oluvchilarning xodimlariga ish haqi toʻlash, xizmat safari va qonunchilikda nazarda tutilgan boshqa naqd pul shaklidagi xarajatlarni toʻlash uchun gʻaznachilik boʻlinmalari tomonidan tijorat banklarda 23212 “Moliya vazirligi Gʻaznachiligi mablagʻlari” va 23214 “Gʻaznachilikning hududiy boʻlinmalari mablagʻlari” hisobvaraqlari ochiladi.

3. Davlat budjeti gʻazna ijrosining hisobini yuritish, hisobotini tuzish va taqdim etish qonunchilikda oʻrnatilgan tartibda Oʻzbekiston Respublikasi Moliya vazirligi tomonidan belgilangan shakllar va muddatlar boʻyicha amalga oshiriladi.

Gʻazna hisobvaraqlari orqali xizmat koʻrsatiladigan budjetdan mablagʻ oluvchilar xarajatlar smetasi ijrosi toʻgʻrisidagi davriy hisobot (1-OX shakl va 2-shakl)ni yuqori tashkilot va tegishli moliya organlariga taqdim etgunga qadar, uni xizmat koʻrsatuvchi gʻaznachilik boʻlinmalari bilan tegishli davrda gʻaznachilik boʻlinmalari tomonidan amalga oshirilgan kassa xarajatlari va aniqlangan rejali budjetdan ajratilgan mablagʻlar toʻgʻrisidagi hisobot maʼlumotlariga mosligiga taqqoslanadi (budjetdan mablagʻ oluvchilarning hisobotlari gʻaznachilik boʻlinmalarining buxgalteriya hisobi boʻyicha vakolatli xodimlari tomonidan belgilangan shakldagi shtamp qoʻyilib, imzolanadi).

II. Respublika gʻazna hisobvaragʻi va hududiy gʻazna hisobvaraqlari

4. Davlat budjetiga yuridik va jismoniy shaxslar tomonidan toʻlanadigan soliqlar va boshqa majburiy toʻlovlar banklar tomonidan oʻrnatilgan tartibda qabul qilinadi va 23402 (005) “Respublika budjetining mablagʻlari” hisobvaragʻiga kirim qilinadi hamda belgilangan meʼyorlarga muvofiq, banklarda ochilgan tegishli budjetlarning gʻazna hisobvaraqlariga ajratiladi.

5. Budjetdan mablagʻ oluvchilarning xarajatlari toʻlovi moliya yili uchun ajratilgan budjet mablagʻlari doirasida tasdiqlangan (aniqlangan) xarajatlar smetalari, shuningdek mazkur Qoidalarga muvofiq roʻyxatga olingan, budjetdan mablagʻ oluvchilarning mahsulot yetkazib beruvchilar bilan tuzgan shartnomalari asosida:

respublika budjetidan moliyalashtiriladigan tashkilotlar boʻyicha — Oʻzbekiston Respublikasi Moliya vazirligi Gʻaznachiligi yoki uning hududiy boʻlinmalari tomonidan mazkur Qoidalarda belgilangan tartibda;

Qoraqalpogʻiston Respublikasi budjeti yoki mahalliy budjetlardan moliyalashtiriladigan tashkilotlar boʻyicha — Oʻzbekiston Respublikasi Moliya vazirligi Gʻaznachiligining hududiy gʻaznachilik boʻlinmalari tomonidan amalga oshiriladi.

§1. Respublika gʻazna hisobvaragʻi

6. Respublika budjetidan moliyalashtiriladigan barcha budjetdan mablagʻ oluvchilar gʻazna ijrosi bilan toʻliq qamrab olingunga qadar, Oʻzbekiston Respublikasi Moliya vazirligi Gʻaznachiligiga Markaziy bankning Toshkent shahar Bosh boshqarmasi Hisob-kitob kassa markazida (keyingi oʻrinlarda — HKKM) 23402 (006) balans raqami bilan Respublika gʻazna hisobvaragʻi (keyingi oʻrinlarda — RGʻH) ochiladi.

7. RGʻH ga respublika budjetining gʻazna ijrosi bilan qamrab olingan budjetdan mablagʻ oluvchilarning kassa xarajatlarini amalga oshirish uchun mablagʻlar HKKM da 23402 (005) hisobvaragʻi bilan ochilgan respublika budjetining asosiy hisobvaragʻidan tushadi.

8. RGʻH dagi mablagʻlar taqsimlovchisi Oʻzbekiston Respublikasi Moliya vazirligi Gʻaznachiligi hisoblanadi.

9. Respublika budjetidan moliyalashtirishni amalga oshirish uchun ajratilgan budjet mablagʻlarining bosh taqsimlovchisi hisoblangan budjetdan mablagʻ oluvchilar, Oʻzbekiston Respublikasi Moliya vazirligining tarmoq boshqarmalariga budjetning gʻazna ijrosi bilan qamrab olingan har bir budjetdan mablagʻ oluvchi boʻyicha sertifikat summasining yoyilmasini ilova qilgan holda, shuningdek budjetning gʻazna ijrosi bilan qamrab olinmagan, quyi turuvchi budjetdan mablagʻ oluvchilarga mablagʻlarni oʻtkazish uchun budjet mablagʻlari bosh taqsimlovchilarining budjet depozit hisobvaraqlariga oʻtkazilishi lozim boʻlgan qismi boʻyicha mablagʻlarni RGʻH ga oʻtkazish uchun rasmiylashtirilgan tayinlash sertifikatlarini taqdim etadilar.

Tarmoq boshqarmalari budjetdan mablagʻ oluvchilar tomonidan taqdim qilingan tayinlash sertifikatlarini oʻrnatilgan tartibda tekshirganlaridan soʻng, ularni ijro uchun Oʻzbekiston Respublikasi Moliya vazirligining Davlat budjeti Bosh boshqarmasiga taqdim etadi (keyingi oʻrinlarda — DBBB).

10. DBBB budjetdan mablagʻ oluvchilarning tayinlash sertifikatlari asosida respublika budjetining asosiy hisobvaragʻidan RGʻHga mablagʻ oʻtkazish uchun toʻlov topshiriqnomalarini oʻrnatilgan tartibda rasmiylashtiradi va ularni HKKMga ijro uchun taqdim qiladi.

11. 23402 (005) hisobvaragʻidan respublika gʻazna hisobvaragʻiga mablagʻlar oʻtganligini tasdiqlovchi HKKMdan shaxsiy hisobvaraqdan koʻchirmalar olinganidan soʻng, DBBB ijro etilgan tayinlash sertifikatlarining birinchi nusxalarini Oʻzbekiston Respublikasi Moliya vazirligi Gʻaznachiligiga taqdim etadi.

12. Budjetdan mablagʻ oluvchilar (moliyalashtirish saqlangan sharoitda — RGʻHda moliyalashtirilgan mablagʻlar mavjud boʻlganda) Oʻzbekiston Respublikasi Moliya vazirligi Gʻaznachiligiga RGʻHdan mablagʻlarni mahsulot yetkazib beruvchilarning bevosita bank hisobvaraqlariga yoki qonunchilikda nazarda tutilgan maqsadlarga oʻtkazish uchun toʻlov topshiriqnomalarni qoidaga koʻra, mablagʻlarni oʻtkazish sanasidan bir kun oldin taqdim etadi.

13. Respublika budjeti qaramogʻida boʻlgan budjetdan mablagʻ oluvchilarning budjetdan tashqari mablagʻlari (ota-onalarning maktabgacha taʼlim muassasalarida bolalarni saqlash uchun toʻlovlari, ota-onalarning musiqa va sanʼat maktablarida bolalarni oʻqitish uchun toʻlovlari, maktabgacha taʼlim muassasalari ishchilaridan ovqatlanish uchun tushgan tushumlar, shuningdek ijtimoiy taʼminot organlaridan budjet tashkiloti xodimlariga pensiya va ijtimoiy nafaqa toʻlash uchun tushgan mablagʻlar) oʻrnatilgan tartibda RGʻHga kirim qilinadi.

14. Joriy yilda budjetdan mablagʻ oluvchilarning joriy moliya yili uchun kelib tushgan debitorlik qarzlari summasi kassa xarajatlarini tiklash orqali RGʻHga kirim qilinadi (budjetdan mablagʻ oluvchilarning shartnomalar tuzmasdan amalga oshiriladigan toʻlovlari boʻyicha yuridik va moliyaviy majburiyatlar).

15. Budjetdan mablagʻ oluvchilarning oʻtgan yilgi debitorlik qarzlarining joriy moliya yilida qaytarilgan summalari, shuningdek tovar-moddiy boyliklarni, asosiy vositalarni sotishdan va inventarizatsiya (tekshirish) natijalari boʻyicha kelib tushgan summalar RGʻHga kirim qilinadi va keyinchalik ushbu summalar budjetdan mablagʻ oluvchilar joylashgan hududning shartli hisobvaraq raqami (ShHR) bilan ochilgan, 23402 (005) “Respublika budjeti mablagʻlari” daromadlar tranzit hisobvaraqlari orqali respublika budjetining daromadlariga oʻtkazilishi bilan alohida shaxsiy hisobvaraqlarda hisobga olinadi.

16. RGʻH shaxsiy hisobvaraqlaridan koʻchirmalar RGʻHda operatsiyalar amalga oshirilganligini tasdiqlovchi, birlamchi toʻlov hujjatlarining asl va koʻchirma nusxalari ilovalari bilan, shuningdek naqd pul mablagʻlarini berish uchun 23212 “Moliya vazirligi Gʻaznachiligi mablagʻlari” va 23214 “Gʻaznachilikning hududiy boʻlinmalari mablagʻlari” hisobvaraqlaridan koʻchirmalar ularga ilovalar bilan, tegishli ravishda, HKKM va tegishli xizmat koʻrsatuvchi banklar tomonidan RGʻHda va 23212 “Moliya vazirligi Gʻaznachiligi mablagʻlari” va 23214 “Gʻaznachilikning hududiy boʻlinmalari mablagʻlari” hisobvaraqlarida mablagʻlar harakatining keyingi ish kunida doimiy ravishda gʻaznachilik boʻlinmalariga taqdim etiladi.

17. Respublika budjeti qaramogʻida boʻlgan budjetdan mablagʻ oluvchilarni gʻazna ijrosi bilan toʻliq qamrab olingandan soʻng, ularning xarajatlarini respublika budjetining asosiy hisobvaragʻidan RGʻHga moliyalashtirish toʻxtatiladi va asosiy respublika budjeti hisobvaragʻi RGʻH bilan birlashtiriladi.

18. Respublika budjetining asosiy hisobvaragʻi RGʻH bilan birlashtirilgandan soʻng, respublika budjeti daromadlari 23402 (005) “Respublika budjetining mablagʻlari” hududiy daromad tranzit hisobvaraqlaridan mablagʻlar toʻgʻridan toʻgʻriRGʻHga kirim qilinadi.

§ 2. Hududiy gʻazna hisobvaraqlari

19. Qoraqalpogʻiston Respublikasi budjeti va mahalliy budjetlar qaramogʻida boʻlgan budjetdan mablagʻ oluvchilarning pul mablagʻlarini kirim qilish va oʻtkazish boʻyicha operatsiyalar hududiy gʻazna hisobvaraqlari (keyingi oʻrinlarda — HGʻH) orqali amalga oshiriladi.

20. Qoraqalpogʻiston Respublikasi budjeti va mahalliy budjetlar qaramogʻida boʻlgan budjetdan mablagʻ oluvchilarning budjetdan tashqari mablagʻlari (ota-onalarning maktabgacha taʼlim muassasalarida bolalarni saqlash uchun toʻlovlari, ota-onalarning musiqa va sanʼat maktablarida bolalarni oʻqitish uchun toʻlovlari, maktabgacha taʼlim muassasalari ishchilaridan ovqatlanish uchun tushgan tushumlar, shuningdek ijtimoiy taʼminot organlaridan budjet tashkiloti xodimlariga pensiya va ijtimoiy nafaqa toʻlash uchun tushgan mablagʻlar) oʻrnatilgan tartibda HGʻHga kirim qilinadi.

21. Joriy yilda budjetdan mablagʻ oluvchilarning joriy moliya yili uchun kelib tushgan debitorlik qarzlari summasi kassa xarajatlarini tiklash orqali HGʻHga kirim qilinadi (budjetdan mablagʻ oluvchilarning shartnomalar tuzmasdan amalga oshiriladigan toʻlovlari boʻyicha yuridik va moliyaviy majburiyatlar).

22. Budjetdan mablagʻ oluvchilarning oʻtgan yilgi debitorlik qarzlarining joriy moliya yilida qaytarilgan summalari, shuningdek tovar-moddiy boyliklarni, asosiy vositalarni sotishdan va inventarizatsiya (tekshirish) natijalari boʻyicha kelib tushgan summalar HGʻHga kirim qilinadi va keyinchalik ushbu summalar budjetdan mablagʻ oluvchilar joylashgan hududning shartli hisobvaraq raqami (ShHR) bilan ochilgan 23402 (005) “Respublika budjeti mablagʻlari” daromadlar tranzit hisobvaraqlari orqali tegishli budjetlarning daromadlariga oʻtkazilishi bilan alohida shaxsiy hisobvaraqlarda hisobga olinadi.

23. HGʻH shaxsiy hisobvaraqlaridan koʻchirmalar HGʻHda operatsiyalar amalga oshirilganligini tasdiqlovchi, birlamchi toʻlov hujjatlarining asl va koʻchirma nusxalari ilovalari bilan, shuningdek naqd pul mablagʻlarini berish uchun 23212 “Moliya vazirligi Gʻaznachiligi mablagʻlari” va 23214 “Gʻaznachilikning hududiy boʻlinmalari mablagʻlari” hisobvaraqlaridan koʻchirmalar ularga ilovalar bilan, tegishli banklar tomonidan HGʻHda va 23212 “Moliya vazirligi Gʻaznachiligi mablagʻlari” va 23214 “Gʻaznachilikning hududiy boʻlinmalari mablagʻlari” hisobvaraqlarida mablagʻlar harakatining keyingi ish kunida doimiy ravishda gʻaznachilik boʻlinmalariga taqdim etiladi.

III. Respublika budjeti, Qoraqalpogʻiston Respublikasi budjeti va mahalliy budjetlar daromadlari va xarajatlarining yoyilmasi

24. Daromadlar prognozlari va tasdiqlangan ajratilgan budjet mablagʻlari hisobini yuritish uchun moliya organlari boʻlimlari tomonidan gʻaznachilik boʻlinmalariga quyidagilar taqdim etiladi:

budjetlar tasdiqlangunicha — oylar kesimida vaqtinchalik choraklik daromadlar va xarajatlar yoyilmalari;

budjetlar tasdiqlangandan soʻng — oylar kesimida daromadlar va xarajatlarning yillik yoyilmalari*.

* Oylar kesimidagi daromadlar va xarajatlar yoyilmasini taqdim etish meʼyori , tegishli budjetning daromadlari va xarajatlari gʻaznachilik ijrosi bilan toʻliq qamrab olinganidan soʻng kuchga kiritiladi.

25. Tegishli budjetlarning daromadlari va xarajatlarining balanslashtirilgan oylik yoyilmasi, shuningdek tegishli budjetlarning vaqtinchalik va doimiy daromadlari va xarajatlari yoyilmalarini taqdim etish shakllari va muddatlari Oʻzbekiston Respublikasi Moliya vazirligi tomonidan belgilanadi.

IV. Budjetdan mablagʻ oluvchilarning xarajatlar smetalarini va ularga oʻzgartirishlarni gʻaznachilik boʻlinmalariga taqdim etish

26. Budjetdan mablagʻ oluvchilar budjet xarajatlarini amalga oshirish uchun gʻaznachilik boʻlinmalariga quyidagilarni:

a) budjet mablagʻlari boʻyicha:

doimiy xarajatlar smetalari moliya organlarida roʻyxatga olinguniga qadar — birinchi chorak uchun oylar kesimida moliya boʻlimlarida roʻyxatga olingan vaqtinchalik xarajatlar smetalari nusxalarini;

doimiy xarajatlar smetalari moliya organlarida roʻyxatga olingandan soʻng — moliya organlarida roʻyxatga olingan, oylar kesimida doimiy xarajatlar smetalarini;

b) budjetdan tashqari mablagʻlar boʻyicha — moliya organlarida roʻyxatga olingan, budjetdan tashqari mablagʻlarning kelib tushishi va ishlatilishining cheklanishi oylar kesimida koʻrsatilgan vaqtinchalik va aniqlangan xarajatlar smetalari nusxalarini taqdim etadilar (kelib tushishi va sarflanish yoʻnalishi cheklanmagan budjetdan tashqari mablagʻlar turlari bundan mustasno).

27. Budjetdan mablagʻ oluvchilar budjet mablagʻlari boʻyicha xarajatlar smetalari nusxalarini va ularga ilovalarni hamda Oʻzbekiston Respublikasi Vazirlar Mahkamasi Zaxira jamgʻarmasi, Qoraqalpogʻiston Respublikasi Vazirlar Kengashi zaxira jamgʻarmasi, viloyatlar hamda Toshkent shahar hokimligi zaxira jamgʻarmalari mablagʻlari hisobiga va budjetdan tashqari mablagʻlar boʻyicha smetalarni, ular moliya organlarida oʻrnatilgan tartibda roʻyxatga olinganidan soʻng, gʻaznachilik boʻlinmalariga taqdim qiladilar.

28. Kapital qurilish obyektlari boʻyicha kapital qurilish buyurtmachilari gʻaznachilik boʻlinmalariga mazkur Qoidalarning 1-ilovasidagi shaklga muvofiq, tegishli moliya organlari bilan kelishilgan, tasdiqlangan qurilishlarning manzilli roʻyxati (loyiha-tadqiqot ishlarining manzilli roʻyxati) va qurilishlarning titul roʻyxati asosida tuzilgan xarajatlarning oylar kesimidagi yoyilmasini (Davlat budjeti mablagʻlari hisobidan kapital qurilish obyektlari boʻyicha xarajatlar smetasi) taqdim etadilar.

Kapital qurilish obyektlari boʻyicha xarajatlarning oylar kesimidagi yoyilmasiga aniqliklar qurilishlarning manzilli va titul roʻyxatlarining aniqlanishi asosida kiritiladi.

29. Gʻaznachilik boʻlinmalari budjetdan mablagʻ oluvchilarning budjet tasnifining tegishli boʻlim, bob va paragraflari boʻyicha xarajatlarini quyidagi hollarda toʻxtatish huquqiga ega:

budjetdan mablagʻ oluvchilarning tegishli moliya organlariga Oʻzbekiston Respublikasi Moliya vazirligi tomonidan belgilangan hisobotlarni taqdim etmagan hollarda (moliya organlari tomonidan gʻaznachilik boʻlinmalarini budjetdan mablagʻ oluvchilarning hisobot topshirmaganligi toʻgʻrisidagi yozma bildirishnomasi boʻyicha), tegishli budjetdan mablagʻ oluvchilarning rahbarlarini xabardor qilgan holda;

tegishli moliya organlari tomonidan tegishli budjetlarning vaqtinchalik va doimiy daromadlar va xarajatlar yoyilmalari belgilangan muddatlarda taqdim etilmaganda — ular taqdim etilgunga qadar muddatga;

tegishli budjetdan mablagʻ oluvchilar tomonidan xarajatlar smetalari belgilangan muddatlarda taqdim etilmaganda — ular taqdim etilgunga qadar muddatga;

yoyilmada koʻrsatilgan budjetlar xarajatlari summasi va smetalarda koʻrsatilgan xarajatlar summasining yigʻindisi oʻrtasida farqlar aniqlanganda — farqlarning kelib chiqish sabablarini aniqlash va ularni bartaraf etgungacha muddatga;

budjetdan mablagʻ oluvchilar tomonidan ajratilgan budjet mablagʻlarini oʻzgartirishga soʻrovnoma kelishish uchun taqdim qilinganda — ular tomonidan soʻrovnoma asosida tayyorlangan smetaga tegishli barcha oʻzgartirishlarni va ularning oʻzaro muvaffaqiyatli solishtirishlarni yoki tegishli moliya organining kiritilayotgan oʻzgartirishni rad etganligi toʻgʻrisidagi yozma xabarnomasi taqdim etilgunga qadar muddatga;

moliya organlari tomonidan ajratilgan budjet mablagʻlarini oʻzgartirishga taqdimnoma kelishish uchun taqdim qilinganda — ular tomonidan taqdimnomalar asosida tayyorlangan smetalarga tegishli barcha oʻzgartirishlarni va ularning oʻzaro muvaffaqiyatli solishtirishlari yoki tegishli moliya organining kiritilayotgan oʻzgartirishlarni rad etganligi toʻgʻrisidagi yozma xabarnomasi taqdim etilgunga qadar muddatga;

qonunchilikda nazarda tutilgan boshqa hollarda.

Bunda, xarajatlarning toʻxtatilishi ajratilgan budjet mablagʻlarining kamaytirilishi nazarda tutilayotgan boʻlim, bob va paragraflar va xarajatlar moddalari boʻyicha amalga oshiriladi.

30. Tegishli budjetlar daromadlari va xarajatlarining yoyilmasiga, budjetdan mablagʻ oluvchilarning xarajatlar smetalariga, qurilishlarning manzilli va titul roʻyxatlari (loyiha-tadqiqot ishlarining manzilli roʻyxati)ga oʻzgartirishlarning kiritilishi moliya organlari tomonidan budjetdan mablagʻ oluvchilar va buyurtmachilar bilan birgalikda, ushbu oʻzgartirishlar uchun soʻrovnomalar va taqdimnomalar tegishli gʻaznachilik boʻlinmalari bilan kelishilgandan soʻng amalga oshiriladi.

31. Ajratilgan budjet mablagʻlari qoldiqlari summalarining qabul qilingan yuridik va moliyaviy majburiyatlar, shuningdek amalga oshirilgan kassa xarajatlarining ajratilgan budjet mablagʻlari qoldiqlari summalaridan oshishiga olib keladigan miqdorlarda budjet mablagʻlarining kamaytirilishiga yoʻl qoʻyilmaydi.

Ajratilgan budjet mablagʻlarining kamaytirilishi budjetdan mablagʻ oluvchilar va ularning mahsulot yetkazib beruvchilari bilan oʻzaro yuridik majburiyatlarni bir xilga kamaytirish hollarida amalga oshirilishi mumkin.

Ajratilgan budjet mablagʻlari koʻpaytirilgandan soʻng, budjetdan mablagʻ oluvchilar va ularning mahsulot yetkazib beruvchilar bilan shartnomalariga tomonlar yuridik majburiyatlarining bir xilda koʻpayishini nazarda tutadigan oʻzgartirishlar kiritilishi mumkin.

32. Tegishli budjet mablagʻlarining taqsimlovchilari (oluvchilari) tashabbusi bilan budjet mablagʻlari boʻyicha xarajatlar smetalariga oʻzgartirish kiritilgan hollarda, ular tomonidan oʻrnatilgan tartibda rasmiylashtirilgan soʻrovnomalar imzolash uchun gʻaznachilik boʻlinmalariga taqdim etiladi.

33. Gʻaznachilik boʻlinmalari taklif qilinayotgan oʻzgartirishlarni amalga oshirish imkonini tekshirishni taklif qilinayotgan oʻzgartirishlar summasini, tegishli budjet mablagʻlarining taqsimlovchilari (oluvchilari) boʻyicha ularning yuridik va moliyaviy majburiyatlari, shuningdek kassa xarajatlari bilan band qilinmagan, ajratilgan budjet mablagʻlari qoldiqlari bilan solishtirish orqali amalga oshiradi.

34. Soʻrovnomada koʻrsatilgan xarajatlar turlari boʻyicha ajratilgan budjet mablagʻlariga taklif qilinayotgan oʻzgartirishlar kiritishning imkoni mavjud boʻlganda, gʻaznachilik boʻlinmalari Gʻaznachilik dasturiy majmuida ushbu budjet mablagʻlarini taqsimlovchilar (oluvchilar)ning shaxsiy gʻazna hisobvaraqlaridagi tegishli xarajatlar moddalari boʻyicha keyingi yuridik va moliyaviy majburiyatlarni roʻyxatga olish va kassa xarajatlarini amalga oshirishni toʻxtatib qoʻyadi.

35. Gʻaznachilik dasturiy majmuida keyingi yuridik va moliyaviy majburiyatlarni roʻyxatga olish va kassa xarajatlarini amalga oshirish toʻxtatib qoʻyilgandan soʻng, budjetdan mablagʻ oluvchilar (taqsimlovchilar)ning soʻrovnomasi tegishli gʻaznachilik boʻlinmalarining vakolatli xodimlari tomonidan imzolanadi va muhri bilan tasdiqlanadi.

36. Imzolangan va muhr bilan tasdiqlangan xarajatlar smetasiga oʻzgartirish kiritish toʻgʻrisidagi soʻrovnoma, uni gʻaznachilik boʻlinmasiga taqdim qilingan kunning keyingi ish kunidan kechikmagan muddatda, budjet mablagʻining taqsimlovchi (oluvchi)ga keyinchalik uni tegishli moliya organlariga taqdim etish uchun qaytariladi.

37. Yuridik va moliyaviy majburiyatlar bilan band boʻlmagan budjet mablagʻlari mavjud boʻlmaganda va budjet mablagʻlariga soʻrovnomada koʻrsatilgan xarajat turlari boʻyicha taklif qilinayotgan oʻzgartirishlar kiritishning imkoni mavjud boʻlmagan hollarda, gʻaznachilik boʻlinmalari soʻrovnomani qaytarish sabablarini koʻrsatgan holda budjetdan mablagʻ oluvchilar (taqsimlovchilar)ga qaytaradilar.

38. Budjet mablagʻlari boʻyicha xarajatlar smetalariga tegishli moliya organlari tashabbusi bilan oʻzgartirishlar kiritilgan hollarda, ular tomonidan oʻrnatilgan tartibda rasmiylashtirilgan taqdimnoma yoki maʼlumotnoma-bildirishnoma loyihalari gʻaznachilik boʻlinmalariga imzolash uchun taqdim etiladi.

39. Gʻaznachilik boʻlinmalari taqdimnomada taklif qilinayotgan oʻzgartirishlarni amalga oshirish imkonini, taklif qilinayotgan oʻzgartirishlar summasini tegishli budjet mablagʻlarining taqsimlovchilari (oluvchilari) boʻyicha yuridik va moliyaviy majburiyatlar, shuningdek kassa xarajatlari bilan band qilinmagan ajratilgan budjet mablagʻlari qoldiqlari bilan solishtirish orqali amalga oshiradi.

40. Taqdimnomada koʻrsatilgan xarajat turlari boʻyicha ajratilgan budjet mablagʻlariga oʻzgartirishlar kiritishning imkoni mavjud boʻlganda, gʻaznachilik boʻlinmalari Gʻaznachilik dasturiy majmuida ushbu shaxsiy gʻazna hisobvaraqlaridagi tegishli boʻlim, bob, paragraf va xarajatlar moddalari boʻyicha keyingi yuridik va moliyaviy majburiyatlarni roʻyxatga olish va kassa xarajatlarini amalga oshirishni toʻxtatib qoʻyadi.

41. Gʻaznachilik dasturiy majmuida keyingi yuridik va moliyaviy majburiyatlarni roʻyxatga olish va kassa xarajatlarini amalga oshirish toʻxtatib qoʻyilgandan soʻng, moliya organining taqdimnomasi tegishli gʻaznachilik boʻlinmasining vakolatli xodimlari tomonidan imzolanadi va uning muhri bilan tasdiqlanadi.

42. Imzolangan va muhr bilan tasdiqlangan xarajatlar smetasiga oʻzgartirishlar kiritish toʻgʻrisidagi taqdimnoma, u gʻaznachilik boʻlinmasiga taqdim qilingan kunning keyingi ish kunidan kechikmagan muddatda, tegishli moliya organiga qaytariladi.

43. Yuridik va moliyaviy majburiyatlar bilan band boʻlmagan ajratilgan budjet mablagʻlari mavjud boʻlmaganda va ajratilgan budjet mablagʻlariga taqdimnomada koʻrsatilgan xarajat turlari boʻyicha taklif qilinayotgan oʻzgartirishlar kiritishning imkoni mavjud boʻlmagan hollarda, gʻaznachilik boʻlinmalari taqdimnomani tegishli moliya organiga qaytarish sabablarini koʻrsatgan holda yozma ravishda qaytaradilar.

44. Moliya organlari tomonidan qonun hujjatlari asosida budjet mablagʻlari boʻyicha xarajatlar smetalariga oʻzgartirishlar (kamaytirishlar) kiritilgan hollarda, gʻaznachilik boʻlinmalariga 11-sonli shaklda maʼlumotnoma-bildirishnoma loyihalari taqdim qilinadi (respublika budjeti boʻyicha — Moliya vazirligining tarmoq boshqarmalari Oʻzbekiston Respublikasi moliya vazirligi Gʻaznachiligiga 17-sonli shaklda maʼlumotnoma-bildirishnoma loyihasini taqdim etadi).

45. Gʻaznachilik boʻlinmalari taklif qilinayotgan oʻzgartirishlarni amalga oshirish imkonini tekshirishni, taklif qilinayotgan oʻzgartirishlar summasini yuridik va moliyaviy majburiyatlar, shuningdek tegishli budjetda turuvchi, barcha budjet mablagʻlarini taqsimlovchilar (oluvchilar)ning tegishli boʻlim, bob, paragraf va xarajatlar moddalari boʻyicha kassa xarajatlari bilan band qilinmagan ajratilgan budjet mablagʻlari qoldiqlari bilan solishtirish orqali amalga oshiradilar.

46. Maʼlumotnoma-bildirishnomada koʻrsatilgan ajratilgan budjet mablagʻlari limitlariga taklif qilinayotgan oʻzgartirishlarni kiritish imkoni mavjud boʻlganda, gʻaznachilik boʻlinmalari:

Gʻaznachilik dasturiy majmuida tegishli budjet mablagʻlarini taqsimlovchilar (oluvchilar)ning tegishli boʻlim, bob, paragraf va xarajatlar moddalari boʻyicha keyingi yuridik va moliyaviy majburiyatlar olishni va kassa xarajatlarini amalga oshirishni toʻxtatib qoʻyadi;

maʼlumotnoma-bildirishnoma loyihasi taqdim qilingan kunning keyingi ish kunidan kechikmagan muddatda ijobiy xulosa tuzadi va uni tegishli moliya organlariga taqdim etadi.

47. Yuridik va moliyaviy majburiyatlar bilan band boʻlmagan ajratilgan budjet mablagʻlari mavjud boʻlmagan hollarda va soʻrovnomada koʻrsatilgan xarajat turlari boʻyicha ajratilgan budjet mablagʻlari limitlariga taklif qilinayotgan oʻzgartirishlar kiritishning imkoni mavjud boʻlmaganda, gʻaznachilik boʻlinmalari, maʼlumotnoma-bildirishnoma loyihasi taqdim qilingan kunning keyingi ish kunidan kechikmagan muddatda, unga oʻzgartirishlar kiritish imkoni yoʻqligi sabablari koʻrsatilgan holda xulosa tuzadi.

48. Maʼlumotnoma-bildirishnomaga salbiy xulosa olingandan soʻng, tegishli moliya organlari ularni oʻzgartirish yoki bekor qilish boʻyicha choralarni koʻradilar.

49. Yuridik va moliyaviy majburiyatlarni qabul qilish va kassa xarajatlarini amalga oshirishni toʻxtatib qoʻyishni echish, gʻaznachilik boʻlinmalari tomonidan moliya organlari tegishli maʼlumotnoma-bildirishnomalar va ularni oʻzaro solishtirish asosida tayyorlangan budjet mablagʻlari taqsimlovchilar (oluvchilar)ning xarajatlar smetalariga oʻzgartirishlar roʻyxatining barcha nusxalarini taqdim qilganidan keyin amalga oshiriladi.

V. Imzo namunalari va muhr izi kartochkasi

50. Budjetdan mablagʻ oluvchilar tomonidan shaxsiy gʻazna hisobvaraqlar ochishda imzo namunalari va muhr izi kartochkalari ikki nusxada tegishli gʻaznachilik boʻlinmalariga taqdim etiladi. Kartochkalarning bir nusxasi yuridik va moliyaviy majburiyatlarni roʻyxatga oluvchi mutaxassisda, ikkinchi nusxasi xarajatlar toʻlovini nazorat qiluvchi mutaxassisda saqlanadi. Imzo namunalari va muhr izi kartochkalari oʻrnatilgan tartibda tasdiqlanadi, tasdiqlash talab qilinmaydigan davlat muassasalarining imzo namunalari va muhr izi kartochkalari bundan mustasno.

Imzo namunalari va muhr izi kartochkalarida shaxsiy gʻazna hisobvaraqlar raqamlari koʻrsatiladi.

51. Imzo namunalari kartochkasiga budjetdan mablagʻ oluvchining rahbari, bosh hisobchisi va yuristi yoki rahbar tomonidan vakolat berilgan shaxslarning imzo namunasi kiritiladi va budjetdan mablagʻ oluvchining muhri bilan tasdiqlanadi. Agar budjetdan mablagʻ oluvchida yurist shtati mavjud boʻlmasa, uning imzosi boʻlishi talab qilinmaydi.

52. Kartochkadagi imzo namunalari tegishli xodimlarning oʻz qoʻllari bilan qoʻyilgan boʻlishi lozim (faksimil orqali qoʻyilishiga yoʻl qoʻyilmaydi).

Birinchi imzo huquqi bosh hisobchiga yoki ikkinchi imzo huquqiga ega boshqa shaxslarga berilishi mumkin emas.

53. Vaqtinchalik birinchi yoki ikkinchi imzo huquqi berilganda, shuningdek rahbar tomonidan vakolat berilgan shaxslardan biri vaqtinchalik almashtirilganda, yangi kartochka tuzilmaydi, faqat vaqtincha vakolatga ega boʻlgan shaxsning imzo namunasi boʻlgan qoʻshimcha kartochka, amal qilish muddati koʻrsatilgan holda, taqdim etiladi. Vaqtinchalik kartochkaga rahbarning imzosi qoʻyiladi, muhr izi bilan tasdiqlanadi hamda notarius yoki yuqori turuvchi tashkilot tomonidan tasdiqlanadi.

54. Muhr oʻzgarganda, kartochkada aks ettirilgan imzolardan biri almashganda yoki toʻldirilganda, budjetdan mablagʻ oluvchilar notarius yoki yuqori turuvchi tashkilot tomonidan tasdiqlangan yangi imzo namunalari va muhr izi kartochkasini taqdim etadi. Bekor qilingan imzo namunalari va muhr izi kartochkasi gʻaznachilik boʻlinmasida saqlanadi.

55. Yuridik shaxs maqomiga ega boʻlgan budjetdan mablagʻ oluvchi tashkilot rahbarining buyrugʻi asosida gʻaznachilik boʻlinmalari bilan ishlash uchun aniq xodimlar belgilanadi.

VI. Yuridik majburiyatlarni roʻyxatga olish

§ 1. Yuridik majburiyatlarni roʻyxatga olishning umumiy qoidalari

56. Budjetdan mablagʻ oluvchilarning Davlat budjeti hisobidan mahsulot yetkazib beruvchilar bilan tuzgan shartnomalari, shuningdek kapital qurilish buyurtmachilarining shartnomalari gʻaznachilik boʻlinmalarida majburiy tartibda roʻyxatga olinadi.

Bunda, budjet mablagʻlari hisobidan budjetdan mablagʻ oluvchilarning tovar (ish, xizmat)lar yetkazib berish boʻyicha tuzadigan shartnomalarida, qoidaga koʻra, 15 foiz miqdorda oldindan toʻlov amalga oshirilishi belgilanadi, qonun hujjatlarida nazarda tutilgan hollar bundan mustasno.

57. Budjetdan mablagʻ oluvchilarning ikkinchi tomon oldidagi yuridik majburiyatlari tuzilgan shartnomalar (kontraktlar), qonun hujjatlari (misol uchun yigʻimlar, badallar, soliq va boshqa majburiy toʻlovlar boʻyicha yuridik majburiyatlar) asosida yuzaga keladi.

58. Budjetdan mablagʻ oluvchilar tomonidan qabul qilinadigan yuridik majburiyatlar hajmi, qoidaga koʻra, ular iqtisodiy tasnifning tegishli moddalari boʻyicha xarajatlar smetalarida nazarda tutilgan, ajratilgan budjet mablagʻlari bilan, kapital qoʻyilmalar xarajatlari boʻyicha esa — har bir obyekt boʻyicha oʻrnatilgan tartibda tasdiqlangan kapital qoʻyilmalar bilan chegaralanadi.

59. Budjetdan mablagʻ oluvchilar mahsulot yetkazib beruvchilar bilan vaqtinchalik smetada nazarda tutilgan summalardan oshmagan summalarga shartnomalar tuzadilar. Budjetdan mablagʻ oluvchilarning asosiy smetasi roʻyxatga olingandan soʻng, oldingi qabul qilingan yuridik majburiyatlar summasini hisobga olgan holda, oldingi shartnomalarga qoʻshimcha kelishuvlar tuzishi mumkin.

60. I va II guruh xarajatlari boʻyicha yuridik majburiyatlar ish haqi va unga tenglashtirilgan xarajatlarni toʻlash uchun naqd pul olishga soʻrovnomalar asosida roʻyxatga olinadi.

61. Budjetdan mablagʻ oluvchilarning budjet mablagʻlari hisobidan shartnomalari faqat xarajatlarni qoplashga manbaning mavjudligi toʻgʻrisidagi tasdiqnoma va ushbu maqsadlarga ajratilgan budjet mablagʻlari (limitlari) mavjud boʻlgan xarid hajmigagina tuzilishi mumkin.

62. Budjetdan mablagʻ oluvchilar bilan mahsulot yetkazib beruvchilar (pudrachilar) oʻrtasidagi shartnomalarning amal qilish muddati tegishli moliya yilining 31-dekabridan kechikmagan muddatga tuzilishi lozim, bajarish muddati bir necha yilni tashkil qilishi mumkin boʻlgan (kapital qoʻyilmalarning bir necha yilga moʻljallanganligini tasdiqlovchi manzilli roʻyxatlar asosida) kapital qoʻyilmalar (kapital qurilish, rekonstruksiya) boʻyicha shartnomalar bundan mustasno.

63. Manzilli roʻyxatlar asosida bir necha yil davom etadigan kapital qoʻyilmalar boʻyicha gʻaznachilik boʻlinmalari tomonidan Gʻaznachilik dasturiy majmuida joriy moliya yili uchun yuridik majburiyatlarni tasdiqlangan manzilli roʻyxatda qurilish pudratchi tashkilotiga toʻlab berilishi nazarda tutilgan mablagʻlar doirasida hisobga olinadi. Shartnomaning qolgan summasi, ularni tegishli obyekt va yillar boʻyicha manzilli va titul roʻyxatlarda aks ettirilishi sharti bilan keyingi yillarning yuridik majburiyatlarida hisobga olinadi.

64. Xarajatlar smetasida nazarda tutilgan ajratilgan budjet mablagʻlari summalari asosida aniqlangan yuridik majburiyatlarni qabul qilish limitlari, moliya yili boshidagi budjet mablagʻlari hisobidan toʻlanishi lozim boʻlgan tegishli moddalar boʻyicha mavjud kreditorlik qarzlari summasiga kamaytiriladi.

65. Moliya yili boshiga mavjud kreditorlik qarzlari iqtisodiy tasnifning maʼlum moddasiga, funksional tasnifning boʻlim va paragrafiga aloqadorligining koʻrsatilishi, budjetdan mablagʻ oluvchilar tomonidan gʻaznachilik boʻlinmalariga tegishli moliya yilida xoʻjalik operatsiyalari boshlanguniga qadar yozma ravishda taqdim etiladi.

66. Budjetdan mablagʻ oluvchilarga toʻlov manbai sifatida Davlat budjeti mablagʻlari hisobiga, moliya yilidan oshadigan muddatga, shuningdek lizing va (yoki) boshqa turdagi kreditlar hisobiga tovar (ish, xizmat) lar xarid qilishga shartnoma tuzish taqiqlanadi.

67. Agar budjetdan mablagʻ oluvchilarning xarajatlari bir vaqtning oʻzida bir nechta paragraf va tashkilotlar boʻyicha amalga oshirilsa, shartnomalar har bir shaxsiy gʻazna hisobvaraq boʻyicha alohida (tegishli paragraf boʻyicha summa va shaxsiy hisobvaraqni alohida koʻrsatgan holda) tuziladi.

68. Tovar (ish, xizmat)lar uchun toʻlovlar bir nechta mablagʻlar manbai hisobidan amalga oshirilishi nazarda tutilgan hollarda, shartnomalarda ushbu manbalar boʻyicha rekvizitlar va har bir manba hisobidan toʻlanishi lozim boʻlgan summalar majburiy tartibda alohida koʻrsatiladi.

69. Budjetdan mablagʻ oluvchilar tovar-moddiy boyliklarini sotib olishda mahsulot yetkazib beruvchilardan tegishli faoliyat turi uchun litsenziya (ruxsatnoma)sining notarial tasdiqlangan nusxasini va tegishli organlarda davlat roʻyxatiga olinganligi toʻgʻrisidagi hujjatlarni soʻrab oladilar.

Ushbu hujjatlar gʻaznachilik boʻlinmalariga roʻyxatga olish uchun taqdim etiladigan shartnomalar bilan birga taqdim qilinadi.

Taqdim etilgan shartnomalarda yoki ularga ilovalarda tovar (ish, xizmat)lar miqdori, narxi va umumiy summasi koʻrsatilgan tafsilotli roʻyxati aks ettirilishi lozim.

70. Budjetdan mablagʻ oluvchilarning shartnomalar tuzmasdan boshqa tasdiqlovchi hujjatlar (schyotlar, kvitansiyalar, xabarnomalar va boshqa qonun hujjatlari) asosida qabul qilingan yuridik majburiyatlarining roʻyxatga olinishi quyidagi majburiyatlar yuzaga kelgan hollarda amalga oshirilishi mumkin:

badallar, yigʻimlar, sudning qarori, soliqlar va boshqa majburiy toʻlovlarni toʻlash;

iqtisod qilingan mablagʻlarni Budjet tashkilotlarining rivojlantirish jamgʻarmasiga oʻtkazish;

yagona buyurtmachi xizmatini saqlash xarajatlari.

71. Budjetdan mablagʻ oluvchilar import qilinayotgan tovar-moddiy boyliklarni sotib olish uchun shartnomalar tuzishda va moliyaviy majburiyatlarni chet el valyutasida toʻlash sharti bilan qabul qilishda yuzaga kelishi mumkin boʻlgan kurs farqlarini qoplash uchun budjet mablagʻlarining zarur zaxirasini nazarda tutishlari lozim.

Yuzaga kelishi mumkin boʻlgan kurs farqlarini qoplash uchun ajratiladigan budjet mablagʻlarining zarur zaxirasi har bir aniq shartnoma boʻyicha individual tarzda budjetdan mablagʻ oluvchilar va gʻaznachilik boʻlinmalari tomonidan, zarur hollarda tegishli moliya organi ishtirokida shartnoma tuzilgan sana, nazarda tutilayotgan muddat va valyuta kursining kutilayotgan oʻzgarishlari bilan bogʻliq holda aniqlanadi.

72. Import qilinayotgan tovar (ish, xizmat)larning tannarxini va qabul qilingan moliyaviy majburiyatlar summalarini qayta hisoblash, budjetdan mablagʻ oluvchilar tomonidan amalga oshiriladi va gʻaznachilik boʻlinmalarida amalga oshirilgan oxirgi toʻlov sanasiga ushbu vaqtgacha hosil boʻlgan umumiy kassa xarajatlarining oʻrtacha kursi boʻyicha hisoblanib, gʻaznachilik boʻlinmalariga taqdim etiladi.

73. Budjetdan mablagʻ oluvchilarning mahsulot yetkazib beruvchilar bilan tuzgan shartnomalari majburiy tartibda ularning yuridik xizmatlari (shartnoma asosida jalb qilingan advokatlar) tomonidan qonun hujjatlariga muvofiqligiga tekshirilishi shart.

Agar shartnomaning summasi qonun hujjatlarida belgilangan eng kam ish haqining 200 baravari miqdoridan oshmasa, shartnomalarga tomonlarning yuridik xizmati yoki jalb etilgan advokatlar imzosi qoʻyiladi. Agar shartnoma summasi, qonun hujjatlarida belgilangan eng kam ish haqining 200 baravaridan ortiq boʻlsa, tomonlar yuridik xizmat yoki jalb etilgan advokatlarning xulosasini ilova qilishi lozim.

74. Shartnomalar, shuningdek ularga qoʻshimcha kelishuvlar aniq va ravshan siyoh yoki sharikli ruchka yoki yozuv (hisoblash) mashinasida yozilgan holda toʻldirilishi lozim. Hech qanday tuzatishlar, oʻchirib yozishlar yoki toʻgʻrilashlar, hattoki tomonlar kelishuviga koʻra ham yoʻl qoʻyilmaydi.

75. Budjetdan mablagʻ oluvchilar va mahsulot yetkazib beruvchilar oʻrtasida tuzilgan shartnomalar gʻaznachilik boʻlinmalariga quyidagi talablarga rioya qilingan holda taqdim qilinadi:

100 ming AQSh dollariga teng miqdordan kam boʻlgan shartnomalarni mahsulot yetkazib beruvchini tanlash boʻyicha oʻtkazilgan eng yaxshi konkurs takliflarini tanlab olish hujjatlari ilova qilingan holda taqdim qilinadi. Bunda, konkurs takliflari tanlovini oʻtkazish, mahsulot yetkazib beruvchini tanlash boʻyicha kamida ikkita konkurs taklifi boʻlganda, qonunchilikda nazarda tutilgan hollardan tashqari, konkurs takliflarini koʻrib chiqish asosida konkurs takliflari tanlovi bayonnomasini rasmiylashtirish asosida amalga oshiriladi.

100 ming AQSh dollariga teng boʻlgan miqdoridan ortiq boʻlganda, qonunchilikka muvofiq oʻtkazilgan tender savdolari boʻyicha hujjatlarni shartnomaga ilova qilgan holda taqdim qilinadi.

Mazkur bandda sanab oʻtilgan talablar tovarlarning yetkazib berilishi, tabiiy monopoliyalar subyektlari faoliyati sohasiga tegishli boʻlganda, tovarlar birja orqali xarid qilinganda, shartnoma tuzish vaqtida eng kam ish haqining oʻn baravaridan oshmagan summada tovarlar sotib olinganda va tovarlarni sotishga alohida huquqi boʻlgan faqat bitta yetkazib beruvchidan tovarlar xaridi boʻyicha tuziladigan shartnomalarga, shuningdek qonunchilikda nazarda tutilgan alohida hollarga tatbiq etilmaydi.

76. Budjetdan mablagʻ oluvchilar va mahsulot yetkazib beruvchilar bilan budjet mablagʻlari hisobiga tuzilgan shartnomalar faqat ularning gʻaznachilik boʻlinmalarida majburiy roʻyxatga olinganidan soʻng kuchga kiradi.

77. Budjetdan mablagʻ oluvchilar mahsulot yetkazib beruvchilar bilan shartnomalar tuzishda va ularni gʻaznachilik boʻlinmalariga roʻyxatga olish uchun taqdim qilishda quyidagi talablarga amal qilishlari lozim:

shartnomalar mahsulot yetkazib beruvchi va buyurtmachi (budjetdan mablagʻ oluvchilar) tomonidan imzo qoʻyish huquqiga ega boʻlgan shaxslar tomonidan imzolanadi va ikki tomonning muhrlari bilan tasdiqlanadi;

buyurtmachi (budjetdan mablagʻ oluvchilar)ning rekvizitlarida, shuningdek buyurtmachi (budjetdan mablagʻ oluvchi)ning xarajatlari toʻlovi amalga oshiriladigan tegishli gʻazna hisobvaragʻi ham koʻrsatiladi.

Budjet mablagʻlari hisobidan, gʻaznachilik boʻlinmalari tomonidan gʻazna hisobvaraqlari orqali toʻlanadigan, budjetdan mablagʻ oluvchilar bilan mahsulot yetkazib beruvchilar oʻrtasidagi shartnomalarda tomonlarning yuridik manzillari va rekvizitlarini toʻldirish namunalari mazkur Qoidalarga 2 va 2a-ilovalarda keltirilgan.

78. Shartnomani roʻyxatga olish uchun budjetdan mablagʻ oluvchi gʻaznachilik boʻlinmasiga shartnomaning ikki asl nusxasini va bitta koʻchirma nusxasini taqdim qiladi. Shartnomalarga mazkur Qoidalarning 3-ilovasidagi shaklga muvofiq toʻlovlar jadvali ilova qilinishi hamda mazkur Qoidalarning 73-bandi talablariga rioya qilish shart.

79. Avtotransport vositalari, mashina va uskunalar va h. k. kapital hamda joriy taʼmirlash uchun Davlat budjeti mablagʻlari hisobidan tuziladigan shartnomalar boʻyicha budjetdan mablagʻ oluvchilar gʻaznachilik boʻlimlariga quyidagi hujjatlarni taqdim qiladi:

yuridik xizmat yoki jalb qilingan advokatlar tomonidan imzolangan shartnomaning ikki asl va bir koʻchirma nusxasi, agar shartnoma summasi qonun hujjatlarida belgilangan eng kam ish haqining 200 baravari miqdoridan oshsa, u holda shartnomaga yuridik xizmat yoki jalb qilingan advokat xulosasi ilova qilinadi;

toʻlovlar jadvali;

konkurs takliflarini tanlab olish bayonnomasi (agar shartnoma summasi 100 ming AQSh dollari miqdoridan oshsa, tender savdolari oʻtkazilganligi toʻgʻrisida bayonnoma), qonun hujjatlarida nazarda tutilgan hollar bundan mustasno.

80. Budjetdan mablagʻ oluvchilar shartnomalarni gʻaznachilik boʻlinmalariga roʻyxatga olish uchun ular tuzilgandan soʻng 20 ish kuni mobaynida, biroq joriy moliya yilining 25-dekabridan kechikmasdan taqdim etishlari lozim.

Budjetdan mablagʻ oluvchi tomonidan shartnomalar tuzilib, 20 ish kuni oʻtgandan soʻng taqdim qilingan hollarda, shartnoma budjetdan mablagʻ oluvchiga gʻaznachilik boʻlinmasida roʻyxatga olinmasdan qaytariladi.

81. Gʻaznachilik boʻlinmalari shartnomalarni masʼul xodim tomonidan shartnomaning birinchi va ikkinchi asl nusxalari va koʻchirma nusxasining barcha varaqlariga “Roʻyxatga olingan” shtampini qoʻyish va roʻyxatga olingan raqami va sanasi koʻrsatilib, ularni gʻaznachilik boʻlinmasining vakolatli shaxsi imzosi va gʻaznachilik boʻlinmasining muhri bilan tasdiqlash orqali roʻyxatga oladi.

82. Roʻyxatga olingandan soʻng, shartnomaning ikki asl nusxasi budjetdan mablagʻ oluvchiga qaytariladi, roʻyxatga olingan shartnomaning koʻchirma nusxasi gʻaznachilik boʻlinmasida hisobga olish va saqlash uchun qoldiriladi.

83. Shartnomalar hisobi Gʻaznachilik dasturiy majmuida elektron tarzda budjetdan mablagʻ oluvchining nomi va rekvizitlari, shuningdek shartnoma summasi, uning raqami va tuzilgan sanasi, gʻaznachilik boʻlinmasi tomonidan roʻyxatga olingan raqami va sanasi koʻrsatilgan holda Budjetdan mablagʻ oluvchilarning mahsulot yetkazib beruvchilar bilan tuzgan shartnomalarini roʻyxatga olish kitobida mazkur Qoidalarning 4-ilovasiga muvofiq shakl boʻyicha amalga oshiriladi.

§ 2. III guruh xarajatlari boʻyicha yuridik majburiyatlarni roʻyxatga olish

84. Kapital qurilish xarajatlari boʻyicha shartnomalarning ikki asl va bir koʻchirma nusxalaridan tashqari, Buyurtmachilar tomonidan gʻaznachilik boʻlinmasiga quyidagi hujjatlar taqdim qilinadi:

konkurs komissiyasining qurilish ishlari bilan bogʻliq ish va xizmatlarning pudratchi qurilish (loyihachi) tashkilotini va boshqa bajaruvchilarini tanlab olish boʻyicha yigʻilish bayonnomasi nusxasi, qachonki tanlov savdolari predmeti xaridining umumiy qiymati 50 ming AQSh dollaridan yuqori summani tashkil etgan hollarda;

konkurs komissiyasining qurilish ishlari bilan bogʻliq ish va xizmatlarning pudratchi qurilish (loyihachi) tashkilotini va boshqa bajaruvchilarini tanlab olish boʻyicha yigʻilish bayonnomasi nusxasi, qachonki tanlov savdolari predmeti xaridining umumiy qiymati 50 ming AQSh dollarigacha summani tashkil etgan hollarda ular xarid qilinadigan tovar, ishlar va xizmatlarning tavsifi, miqdori, bajarish muddatlari va tovarni yetkazib berish punkti koʻrsatilgan holdagi takliflarni talabgorlarga yuborish yoki mahsulot yetkazib beruvchi yoki pudratchi tomonidan eʼlon qilingan baho va tavsiflarni taqqoslash yoʻli bilan erkin savdoda amalga oshirilishi mumkin;

buyurtmachining pudrat qurilish (loyiha) ishlari uchun oʻtkazilgan tanlov savdolari natijalari boʻyicha hisobotining Oʻzbekiston Respublikasi Davarxitektqurilish bilan kelishilgan nusxasi;

pudratchi qurilish tashkilotining qurilish xavfini sugʻurtalash boʻyicha shartnomasining buyurtmachi rahbari va bosh hisobchisi tomonidan imzolangan nusxasi;

Davlatqurilishnazorat inspeksiyasining qurilish-montaj ishlarini bajarishga ruxsatnomasining buyurtmachi rahbari va bosh hisobchisi tomonidan imzolangan nusxasi;

belgilangan tartibda tasdiqlangan qurilishlarning manzilli roʻyxati (loyiha-tadqiqot ishlarining manzilli roʻyxati) va qurilishlarning titulli roʻyxatlari nusxalari, shuningdek belgilangan tartibda tasdiqlangan va konkurs savdolarining oʻtkazilishi boʻyicha qurilishlarning aniqlangan manzilli va titulli roʻyxatlari nusxalari;

davlat ekologiya ekspertizasi xulosasi nusxasi (zarur boʻlganda).

85. Kapital qoʻyilmalarga xarajatlar aralash manbalar hisobidan, misol uchun investitsiya dasturiga kiritilgan loyihalar doirasida amalga oshiriladigan va Davlat budjeti mablagʻlari hisobidan va Xalqaro moliya institutlari (Jahon banki, Osiyo taraqqiyot banki va boshqalar)ning kreditlari, qarzlari va grantlari hisobidan moliyalashtiriladigan hollarda, shartnomalar, ish bajarilganligini tasdiqlovchi birlamchi va boshqa hujjatlar xalqaro shartnomalar talablari va shakllariga muvofiq amalga oshiriladi.

Bunda, kapital qurilish buyurtmachilari gʻaznachilik boʻlinmalariga roʻyxatga olish uchun shartnomalarning ikkita asl va bir koʻchirma nusxasini taqdim qiladi, gʻaznachilik boʻlinmalari ularni oʻrnatilgan tartibda tekshirgandan soʻng, ularni gʻaznachilik boʻlinmasining (birinchi va ikkinchi) imzo qoʻyish huquqiga ega boʻlgan tegishli shaxslari (keyingi oʻrinlarda — mansabdor shaxslar) imzosi qoʻyilgan va gʻaznachilik boʻlinmasining muhri bilan tasdiqlangan shartnomalar nusxalarining barcha varaqlariga “Roʻyxatga olingan” shtampini qoʻyish yoʻli bilan roʻyxatga oladi.

Ushbu bandda koʻrsatilgan shartnomalar boʻyicha xarajatlar toʻlovlarini amalga oshirish uchun asos, shartnomalarda koʻrsatilgan hujjatlar, qoidaga koʻra, hisobvaraq-fakturalar, oraliq toʻlovlar sertifikatlari, invoyslar, moliyaviy hisobotlar va shartnomalarda nazarda tutilgan boshqa hujjatlar hisoblanadi.

86. Tender savdolari yoki konkurs takliflari tanlovini oʻtkazmasdan loyihachi yoki pudratchi tashkilotni tanlashda buyurtmachi tomonidan gʻaznachilik boʻlinmasiga Oʻzbekiston Respublikasi Vazirlar Mahkamasining tegishli qarorining nusxasi taqdim etiladi.

87. Gʻaznachilik boʻlinmasi budjetdan mablagʻ oluvchi tomonidan shartnoma taqdim etilgan kundan boshlab uch ish kuni davomida shartnomada koʻrsatilgan summani budjetdan mablagʻ oluvchilarning xarajatlar smetasida nazarda tutilgan tegishli ajratilgan budjet mablagʻlarning mavjudligiga tekshiradi.

88. Gʻaznachilik boʻlinmalarining xodimlari tomonidan qabul qilingan shartnomalar quyidagilarning mavjudligiga tekshiriladi:

qonunchilikka muvofiq yuridik xizmat yoki jalb qilingan advokatlarning imzolari, yuridik xulosalari;

tomonlarning zarur bank rekvizitlari, muhri va imzolari;

tovar (ish, xizmat)larning yetkazib berish jadvali, qurilish pudrat shartnomalari boʻyicha qurilish obyekti jadvali.

89. Kapital qoʻyilmalar xarajatlari boʻyicha tuziladigan shartnomalarda toʻlov shartlari va muddatlari va ularga ilova qilinadigan toʻlov jadvallari qonunchilikka muvofiq boʻlishi lozim.

Bunda, obyektlar qurilishining “foydalanishga tayyor holda topshirish” pudrat shartnomalarida kapital qurilish buyurtmachisining bank rekvizitlari oʻrniga Gʻaznachilikning yagona maʼlumotlar bazasida ushbu buyurtmachi uchun ochilgan tegishli shaxsiy hisobvaraq rekvizitlari koʻrsatiladi.

90. Agar tuzilgan shartnomaga muvofiq toʻlanishi lozim boʻlgan pul mablagʻlari summasi budjetdan mablagʻ oluvchining xarajatlar smetasida nazarda tutilgan ajratilgan budjet mablagʻlari summasidan oshsa, ushbu shartnoma budjetdan mablagʻ oluvchiga gʻaznachilik boʻlinmasida roʻyxatga olinmasdan qaytariladi.

91. Obyektlar qurilishini “foydalanishga tayyor holda topshirish”da va undan foydalanishning kafolatli muddati tugaganda gʻaznachilik boʻlinmasi tomonidan keyingi moliya yilida Gʻaznachilik dasturiy majmuida tasdiqlangan manzilli roʻyxatda pudratchi qurilish tashkilotiga toʻlanishi nazarda tutilgan mablagʻlar doirasida joriy moliya yiliga yuridik majburiyatlar hisobga olinadi. Shartnomaning qolgan summasi ularni tegishli obyekt boʻyicha joriy yilning manzilli va titul roʻyxatida aks ettirilishi sharti bilan keyingi moliya yili majburiyatlarida hisobga olinadi.

§ 3. IV guruh xarajatlari boʻyicha yuridik majburiyatlarni roʻyxatga olish

92. Gʻaznachilik boʻlinmasi xodimi IV guruh xarajatlari boʻyicha tegishli barcha hujjatlar ilova qilingan shartnomalarni qabul qilishda, toʻlov jadvalida hujjat qabul qilingan sanani qoʻyadi, shartnoma gʻaznachilik boʻlinmasida roʻyxatga olingandan soʻng, budjetdan mablagʻ oluvchilar toʻlov jadvalida roʻyxatga olingan shartnoma sanasini qoʻyadi. Bundan tashqari, shartnomalar taqdim qilingan hujjatlar, ajratilgan budjet mablagʻlari va mazkur Qoidalar talablariga muvofiqligiga tekshiriladi. Qarama-qarshiliklar aniqlanganda, shartnoma roʻyxatga olinmasdan, uni qaytarish sabablari koʻrsatilgan holda budjetdan mablagʻ oluvchilarga yozma bildirishnoma bilan qaytariladi.

93. Qaytarilgan shartnomalar tegishli gʻaznachilik boʻlimlari masʼul xodimlari tomonidan shartnoma raqami va sanasi, budjetdan mablagʻ oluvchi va mahsulot yetkazib beruvchi nomi va manzillari, masʼul xodim tomonidan shartnoma qabul qilingan sana, qaytarish sababi, shuningdek qaytarish sanasi koʻrsatilgan holda ushbu Qoidalarning 5-ilovasiga muvofiq, Qaytarilgan shartnomalarni roʻyxatga olish kitobida roʻyxatga olinadi.

94. Gʻaznachilik boʻlinmasining yozma bildirishnomasida koʻrsatilgan barcha kamchiliklar toʻgʻrilangan hollarda, budjetdan mablagʻ oluvchiga shartnoma takroran qaytarilishiga yoʻl qoʻyilmaydi .

95. Sud qarori boʻyicha toʻlovlar, yigʻimlar, badallar, soliqlar va boshqa majburiy toʻlovlarni toʻlash uchun budjetdan mablagʻ oluvchilar gʻaznachilik boʻlinmalariga yuridik majburiyat mavjudligini tasdiqlovchi hujjatning asl va koʻchirma nusxasini, shuningdek ushbu yuridik majburiyatlarni roʻyxatga olish uchun soʻrovnoma, toʻlov jadvalini ilovalari bilan roʻyxatga olish uchun taqdim etadi (mazkur Qoidalarga 6-ilova).

96. Budjetdan mablagʻ oluvchilar tomonidan Davlat budjeti mablagʻlari hisobidan mukammal taʼmirlash shartnomalariga, shuningdek bino va inshootlarni mukammal taʼmirlashning manzilli roʻyxati ham ilova qilinadi.

97. Mukammal taʼmirlash shartnomalariga summasi 50 ming AQSh dollariga teng miqdordan oshganda, shartnomalarga defekt akti asosida tuzilgan mukammal taʼmirlash boʻyicha ishlar roʻyxati, shuningdek loyiha-smeta hujjatlari va uning ekspertizadan oʻtganligini tasdiqlovchi hujjatlar nusxalari ham ilova qilinadi, qonun hujjatlarida nazarda tutilgan hollar bundan mustasno.

98. Budjetdan mablagʻ oluvchilar tomonidan IV guruh xarajatlari moddalarida nazarda tutilgan maqsadlarga naqd pul mablagʻlarining toʻlovi faqat qonunchilikda nazarda tutilgan hollarda amalga oshiriladi (misol uchun xizmat safari xarajatlari, etim bolalarni saqlash xarajatlari va boshqalar).

99. Budjetdan mablagʻ oluvchilarning qonunchilikda nazarda tutilgan hollarda “Oʻqitish xarajatlari”, “Oziq-ovqat mahsulotlarini sotib olish xarajatlari”, “Boshqa xarajatlar” va xarajatlar smetasining boshqa xarajat moddalaridan, qonun hujjatlariga muvofiq naqd pul mablagʻlari orqali amalga oshiriladigan qismida, naqd pul olish boʻyicha yuridik majburiyatlar budjetdan mablagʻ oluvchilarning gʻaznachilik boʻlinmalariga naqd pul olish uchun taqdim qilgan soʻrovnomalari asosida va budjetdan mablagʻ oluvchining u yoki bu tadbirlarni oʻtkazish toʻgʻrisidagi buyruq nusxalari asosida hisobga olinadi.

100. Buyruqda majburiy tartibda tadbir turi, muddati va oʻtkazilish joyi, ishtirokchilar soni va xarajatlarning umumiy summasi naqd pul mablagʻlari koʻrinishida toʻlanishi lozim boʻlgan summa alohida koʻrsatilishi lozim. Buyruqqa oʻtkaziladigan tadbirning majburiy tartibda budjet tashkilotining moliya-rejalashtirish xizmati boshligʻi (moliya-rejalashtirish xizmati mavjud boʻlmaganda tashkilotning bosh hisobchisi) imzosi qoʻyilgan va uning rahbari tasdiqlagan xarajatlar smetasi ilova qilinadi.

101. Budjetdan mablagʻ oluvchilar tomonidan mazkur Qoidalarning 99-bandida belgilangan xarajatlarni naqd pul mablagʻlari orqali amalga oshirish imkoni toʻgʻrisida qaror qabul qilish huquqi gʻaznachilik boʻlinmalari rahbarlariga beriladi. Bunda, ushbu xarajatlarni naqd pul mablagʻlari bilan amalga oshirish mumkinligi toʻgʻrisidagi qaror faqat alohida hollarda, yaʼni xarajatlarni naqdsiz shaklda toʻlash imkoni boʻlmagan hollarda qabul qilinadi.

102. Hakamlik, sport va boshqa shunga oʻxshash tadbirlarning xarajatlar smetasida nazarda tutilgan xizmatlar uchun toʻlovlar, hakamlar va boshqa jismoniy shaxslarning bank hisob raqamlariga tegishli pul mablagʻlarini oʻtkazish yoʻli bilan, faqat naqdsiz shaklda amalga oshirilishi lozim.

103. Agar ayrim xarajatlarni naqdsiz shaklda amalga oshirish imkoni yoʻqligi sababli naqd pul mablagʻlariga ehtiyoj tugʻilsa, u holda budjetdan mablagʻ oluvchilar tomonidan naqd pul mablagʻlari olish uchun soʻrovnoma bilan birga gʻaznachilik boʻlinmalariga soʻrovnomada koʻrsatilgan xarajatlarni naqdsiz shaklda amalga oshirish imkoni yoʻqligini tasdiqlovchi maʼlumotnoma taqdim qilinadi. Maʼlumotnoma budjetdan mablagʻ oluvchining rahbari va moliya-rejalashtirish xizmati boshligʻi (moliya-rejalashtirish xizmati mavjud boʻlmaganda tashkilotning bosh hisobchisi) imzosi bilan tasdiqlanadi.

VII. Qabul qilingan moliyaviy majburiyatlarni roʻyxatga olish va xarajatlar toʻlovi

§ 1. Moliyaviy majburiyatlarni qabul qilish va ularni toʻlashning umumiy qoidalari

104. Budjetdan mablagʻ oluvchilarning ikkinchi tomon oldidagi moliyaviy majburiyatlari ularga tovar (ish, xizmat)lar yetkazib berilganligini tasdiqlovchi hujjatlar, shu jumladan ish haqi va unga tenglashtirilgan xarajatlarni hisoblash vedomostlari asosida qabul qilinadi.

105. Moliyaviy majburiyatlar, ish haqi va unga tenglashtirilgan xarajatlar, shuningdek sud qarorlari boʻyicha toʻlovlar, yigʻimlar, badallar, soliqlar va boshqa majburiy toʻlovlardan tashqari, oldin tuzilgan shartnomalar va yuridik majburiyatlar qabul qilinganligini tasdiqlovchi boshqa hujjatlar doirasida qabul qilinadi.

106. I va II guruh xarajatlari boʻyicha moliyaviy majburiyatlar ish haqi va unga tenglashtirilgan xarajatlar toʻlovi uchun naqd pul mablagʻlarini olishga soʻrovnoma, shuningdek ushbu guruhlar xarajatlari boʻyicha toʻlov topshiriqnomalari asosida roʻyxatga olinadi.

107. Gʻaznachilik boʻlinmalari gʻazna hisobvaraqlaridan toʻlov topshiriqnomalar asosida tashkilot va muassasalarni saqlash, markazlashtirilgan tadbirlarni oʻtkazish, kapital qoʻyilmalar va boshqa maqsadlar uchun toʻlovlarning tasdiqlangan xarajatlar smetasi va kapital qoʻyilmalar limitlari doirasida amalga oshiradi.

108. Oʻzbekiston Respublikasi Vazirlar Mahkamasining 1999-yil 3-sentabrdagi 414-sonli “Budjet tashkilotlarini mablagʻ bilan taʼminlash tartibini takomillashtirish toʻgʻrisida”gi qaroriga (Oʻzbekiston Respublikasi Hukumat qarorlari toʻplami, 1999-y. № 9, 51-modda) muvofiq, budjetdan mablagʻ oluvchilarni Davlat budjetidan xarajatlarning toʻrt guruhi boʻyicha moliyalashtirish tartibi belgilangan:

I. Ish haqi va unga tenglashtirilgan toʻlovlar (bolali oilalarga nafaqalar va kam taʼminlangan oilalarga moddiy yordam, stipendiyalar va boshqalar);

II. Ish haqiga qoʻshimchalar;

III. Kapital qoʻyilmalar (Davlat investitsiya dasturida nazarda tutilgan manzilli roʻyxatlarga muvofiq);

IV. Boshqa xarajatlar (oziq-ovqat, dori-darmon, kommunal xizmatlar va boshqa xarajatlar).

109. Budjetdan mablagʻ oluvchilarning I va II guruh boʻyicha xarajatlar toʻlovi birinchi navbatda amalga oshiriladi. Bunda, I guruh xarajatlarini II guruh xarajatlari toʻlovisiz amalga oshirish taqiqlanadi.

110. Tegishli budjet boʻyicha I va II guruh xarajatlari toʻlovi uchun gʻazna hisobvaraqlarida zarur mablagʻlarni qoplaydigan qoldiqlar mavjud boʻlganda, I va II guruh xarajatlarini toʻliq amalga oshirgan tashkilotlar boʻyicha IV guruh xarajatlarini amalga oshirishga ruxsat etiladi.

111. IV guruh “Boshqa xarajatlar” boʻyicha mablagʻlarning sarflanishi oʻrnatilgan limitlar doirasida quyidagi navbatga rioya qilgan holda amalga oshiriladi:

ovqatlantirish

dori-darmonlar;

kommunal xizmatlar;

boshqa xarajatlar.

112. HGʻHda ovqatlantirish xarajatlari boʻyicha toʻlanmagan mablagʻlardan oshiqcha mablagʻlar mavjud boʻlgan hollarda, ushbu oshgan mablagʻlar doirasida dori-darmonlar (toʻrtinchi guruhning boshqa xarajat turlari boʻyicha ham ushbu tartib) boʻyicha xarajatlarni amalga oshirishga ruxsat etiladi.

113. Budjet tashkilotlarining ishchilariga ijtimoiy toʻlovlar boʻyicha xarajatlari ish haqi va unga tenglashtirilgan toʻlovlar boʻyicha xarajatlar bilan bir vaqtda amalga oshiriladi.

114. Budjet tashkilotlarining shaxsiy hisobvaraqlarida chorak (yil) oxirida qolgan, iqtisod qilingan budjet mablagʻlari (kapital qoʻyilmalarning toʻlovi uchun nazarda tutilgan ajratilgan mablagʻlar bundan mustasno) Budjet tashkilotlarining rivojlantirish jamgʻarmasiga oʻtkaziladi va qonunchilikda belgilangan tartibda sarflanadi.

115. Iqtisod qilingan mablagʻlarning oʻtkazilishi budjet tashkilotlari tomonidan yuridik va moliyaviy majburiyatlar bilan band qilinmagan ajratilgan budjet mablagʻlari doirasida hisobot choragining keyingi oyi davomida amalga oshiriladi. Budjet mablagʻlarining iqtisodi tegishli oʻtgan davr uchun aniqlangan budjet mablagʻlari limitlari va qabul qilingan yuridik majburiyatlar oʻrtasidagi farq doirasida aniqlanadi. Qabul qilingan moliyaviy majburiyatlar yuridik majburiyatlardan ortiq boʻlgan hollarda, budjet mablagʻlarining iqtisodi tegishli oʻtgan davr uchun aniqlangan budjet mablagʻlari limitlari va qabul qilingan moliyaviy majburiyatlar oʻrtasidagi farq doirasida aniqlanadi.

116. Agar shartnomaga uning amal qilish muddatini uzaytirish boʻyicha qoʻshimcha kelishuv tuzilmagan boʻlsa, shartnomaning muddati tugashi bilan mahsulot yetkazib beruvchi (pudratchi) tomonidan tovar (ish, xizmat)lar yetkazib berish boʻyicha majburiyatning bajarilishi tugatiladi. Bunda, amal qilish muddati joriy yilning 31-dekabrigacha boʻlgan shartnomalar muddatini uzaytirish boʻyicha qoʻshimcha kelishuv tuzishga yoʻl qoʻyilmaydi (kapital qoʻyilmalar boʻyicha shartnomalardan tashqari). Amal qilish muddati tugagan shartnomalar boʻyicha mahsulot yetkazib beruvchilarning yetkazib bergan tovar (ish, xizmat)lari uchun kreditorlik qarzlari oʻrnatilgan tartibda hisobvaraq-fakturalar va oʻzaro qarzdorlikning solishtirma dalolatnomasi asosida toʻlab beriladi. Mahsulot yetkazib beruvchilardagi mavjud debitorlik qarzlari buyurtmachiga — budjetdan mablagʻ oluvchining tegishli gʻazna hisobvaragʻiga qaytariladi.

Agar mahsulot yetkazib beruvchi tomonidan oʻtgan moliya yilining debitorlik qarzlari keyingi yilda (keyingi yillarda) qaytarilsa, u holda gʻazna hisobvaragʻiga tushgan debitorlik qarzlari summasi tegishli budjet daromadlariga tiklanadi.

117. Amaldagi shartnomalar boʻyicha moliyaviy majburiyatlar miqdori roʻyxatga olingan yuridik majburiyatlar summasiga nisbatan kam qabul qilinishi natijasida budjet mablagʻlarining iqtisodi yuzaga kelganda, budjet tashkilotlari tegishli hisobot davri uchun shartnomalar summasini qabul qilingan moliyaviy majburiyatlar summasiga muvofiqlashtirish uchun, ularni kamaytirish boʻyicha qoʻshimcha kelishuv tuzishlari lozim.

118. Amal qilish muddati tugagan shartnomalar boʻyicha moliyaviy majburiyatlar miqdori roʻyxatga olingan yuridik majburiyatlar summasiga nisbatan kam qabul qilinishi natijasida budjet mablagʻlarining iqtisodi yuzaga kelgan xollarda, yuridik majburiyatlar summasi qabul qilingan moliyaviy majburiyatlar summasiga buyurtmachi hamda mahsulot yetkazib beruvchi (pudratchi) oʻrtasidagi solishtirma dalolatnoma asosida muvofiqlashtiriladi.

119. Budjetdan mablagʻ oluvchilar tomonidan oldin tuzilgan shartnomalarga qoʻshimcha kelishuvlar tuzishda moliya yili yakunigacha shartnomalar summasi — yuridik majburiyatlar (misol uchun, kuz-qish mavsumining kelishi bilan bogʻliq holda elektr energiyasi, tabiiy gaz va issiqlik energiyasi uchun xarajatlarning oʻsishi va boshqalar) kamaytirilayotgan xarajatlar moddalari boʻyicha ehtiyoj boʻlishi mumkinligi eʼtiborga olinishi lozim.

120. Hisobot yilining oxirida shaxsiy gʻazna hisobvaraqlarida qolgan iqtisod qilingan budjet mablagʻlarining Budjet tashkilotlarining rivojlantirish jamgʻarmasiga oʻtkazilishi bir xil tartibda qoʻshimcha davr mobaynida amalga oshiriladi.

121. Gʻazna ijrosiga oʻtgan budjetdan mablagʻ oluvchilar boʻyicha oʻtgan yil uchun toʻlov topshiriqnomalari moliya yiliga qoʻshimcha davrning tugashigacha 5 ish kunidan kechikmagan muddatda gʻaznachilik boʻlinmalariga taqdim etilishi lozim.

122. 01 9 10 moddasida nazarda tutilgan rejali ajratilgan budjet mablagʻlari Tibbiyot muassasalarining moddiy ragʻbatlantirish va rivojlantirish jamgʻarmasiga taqdim qilingan toʻlov hujjatlari asosida shartnomalar tuzilmasdan belgilangan muddatda oʻtkaziladi.

123. Shartnoma tuzilmasdan quyidagi oʻtkazmalar:

budjet tashkilotlarining iqtisod qilingan mablagʻlari ularning Rivojlantirish jamgʻarmalariga, shuningdek tibbiyot muassasalari tomonidan — smetada nazarda tutilgan maqsadli ajratilgan mablagʻlar Tibbiyot muassasalarining moddiy ragʻbatlantirish va rivojlantirish jamgʻarmalariga;

kapital qoʻyilmalar boʻyicha buyurtmachilarning boshqaruv apparati xizmatini saqlash uchun mablagʻlar ushbu maqsadlar uchun nazarda tutilgan, oʻrnatilgan tartibda manzilli va titul roʻyxatlarda kelishilgan va har bir obyekt boʻyicha shaxsiy hisobvaraqlardagi summalar doirasida amalga oshirilishi mumkin.

124. Gʻaznachilik boʻlinmalari tomonidan ssudalar, dotatsiyalar va subvensiyalarning oʻtkazilishi tayinlash sertifikatlari, ularga ilova qilingan hisob-kitoblar, shuningdek tegishli moliya organlari tomonidan taqdim etilgan toʻlov hujjatlari asosida amalga oshiriladi.

125. Konkurs savdolari oʻtkazilgunga qadar budjetdan mablagʻ oluvchilarning yer uchastkasini ajratish, qurilish obyekti hududida yashovchi shaxslarni koʻchirish, dastlabki — ruxsat beruvchi hujjatlarni tayyorlash, loyiha oldi ishlarini tashkil qilish, loyiha va konkurs hujjatlarini ishlab chiqish, kelishish, ekspertiza qilish va tasdiqlash, qurilish obyektlarini davlat arxitektura qurilish nazorati inspeksiyasida roʻyxatga qoʻyish, tasdiqlangan qurilishlarning manzilli roʻyxati (loyiha-tadqiqot ishlari manzilli roʻyxati)da nazarda tutilgan buyurtmachini saqlash kabi xarajatlar toʻlanishi mumkin.

126. Gʻazna hisobvaraqlaridan mablagʻlarning soʻzsiz tartibda hisobdan chiqarilishiga yoʻl qoʻyilmaydi.

127. Sud qarorlari asosida gʻazna hisobvaraqlaridan mablagʻlarni hisobdan chiqarilishi qonunchilikda belgilangan tartibda amalga oshiriladi.

§ 2. I guruh va unga tenglashtirilgan xarajatlar boʻyicha moliyaviy majburiyatlarni qabul qilish va ularning toʻlovi

128. Naqd pul mablagʻlari berishda cheklarning ishlatilish tartibi va shartlari qonunchilik orqali tartibga solinadi.

129. Naqd pul olish uchun chek daftarchalarini gʻaznachilik boʻlinmasi xizmat koʻrsatuvchi bank filialidan ularni keyinchalik budjetdan mablagʻ oluvchilarga tarqatish uchun oladi. Bunda, budjetdan mablagʻ oluvchilar gʻaznachilik boʻlinmalariga budjetdan mablagʻ oluvchilarning rahbari va bosh hisobchisi imzosi qoʻyilgan ishonchnoma va soʻrovnomalarni taqdim qiladi. Budjetdan mablagʻ oluvchiga berilgan chek daftarining raqamlari uning gʻaznachilik boʻlinmalaridagi imzo namunalari kartochkalariga yoziladi.

130. Moliya yili mobaynida oʻrnatilgan tartibda ishlatilgan chek daftarchalari budjetdan mablagʻ oluvchilar tomonidan moliya yili yakunlangunga qadar gʻaznachilik boʻlinmalariga qaytarilishi lozim.

Bunda, buzilgan (bekor qilingan) cheklar mavjud boʻlgan holatda, budjetdan mablagʻ oluvchilar majburiy tartibda ularni ishlatilgan chek daftarchalari bilan birga, ular mavjud boʻlmaganda (misol uchun, yoʻqotilgan holatda), ularning yoʻqligi boʻyicha koʻrilgan tadbirlar va sabablari toʻgʻrisida gʻaznachilik boʻlinmalarini yozma xabardor qiladilar.

Gʻaznachilik boʻlinmasining masʼul xodimi ishlatilgan chek daftarchalarini olgandan soʻng, ulardagi maʼlumotlarni Gʻaznachilik dasturiy majmuidagi oldin toʻlangan summalar va cheklar soni toʻgʻrisidagi maʼlumotlar bilan solishtiradi.

Ishlatilgan cheklar boʻyicha maʼlumotlarda farqlar mavjud boʻlgan hollarda, gʻaznachilik boʻlinmasi tomonidan buning sabablarini aniqlashtirish uchun roʻyxat va unga etishmayotgan cheklarning chek daftarchalari raqami va summalarini koʻrsatgan holda ilova tuziladi va budjetdan mablagʻ oluvchiga taqdim qilinadi.

131. Gʻazna hisobvaraqlaridan naqd pul mablagʻlari olish uchun chek — bu gʻaznachilik boʻlinmasining maʼlum naqd pul summasini budjetdan mablagʻ oluvchiga berishga yozma topshirigʻidir. Cheklar budjetdan mablagʻ oluvchilar tomonidan siyoh yoki sharikli ruchka bilan qoʻlda yoziladi. Cheklarga oʻchirib yozish, tuzatish, toʻgʻrilashlarga yoʻl qoʻyilmaydi. Faksimil ishlatilishiga yoʻl qoʻyilmaydi. Cheklar oʻn kun davomida (ularni yozib berilgan kundan tashqari) haqiqiy hisoblanadi. Chek raqami imzo va muhr izi namunasi kartochkada roʻyxatga olingan chek daftarchasi raqami va seriyalariga muvofiq boʻlishi lozim. Pul cheklari Oʻzbekiston Respublikasi Markaziy bankining meʼyoriy hujjatlariga muvofiq rasmiylashtiriladi.

132. Banklar tomonidan cheklar boʻyicha naqd pul mablagʻlarini berish ularda imzo namunasi kartochkasida koʻrsatilgan imzo qoʻyish huquqiga ega gʻaznachilik boʻlinmasining mansabdor shaxslari imzosi va gʻaznachilik boʻlinmasining muhri bilan tasdiqlanganligi mavjud boʻlganda amalga oshiriladi. Gʻazna hisobvaraqlaridan mablagʻlar berish uchun cheklarga gʻaznachilik boʻlinmasi rahbari va masʼul xodimining imzosi va gʻaznachilik boʻlinmasining muhri qoʻyiladi. Budjetdan mablagʻ oluvchilarga beriladigan cheklarda faqat nomi koʻrsatilgan boʻlishi mumkin. Nomi koʻrsatilgan cheklar boʻyicha naqd pullar faqat chekda koʻrsatilgan shaxsga beriladi. Nomi koʻrsatilgan cheklar boʻyicha budjetdan mablagʻ oluvchining bosh hisobchisiga naqd pul berilishiga yoʻl qoʻyilmaydi. Gʻaznachilik boʻlinmasi pul cheklarining orqa tomonidagi summalar maqsadini tekshirishi lozim. Pul cheklarining orqa tomonidagi toʻlov maqsadlari toʻgʻrisidagi maʼlumot gʻaznachilik boʻlinmasining imzosi bilan tasdiqlanadi.

133. Budjetdan mablagʻ oluvchi ish haqi va unga tenglashtirilgan toʻlovlar, shuningdek xizmat safari xarajatlarini toʻlash uchun naqd pul mablagʻlari olishga gʻaznachilik boʻlinmasiga mazkur Qoidalarning 7-ilovasidagi shaklga muvofiq, budjetdan mablagʻ oluvchining rahbari va bosh hisobchisi imzosi bilan, ikki nusxada ish haqi va unga tenglashtirilgan toʻlovlar, shuningdek xizmat safari xarajatlarini toʻlash uchun naqd pul mablagʻlari olishga soʻrovnoma va unga toʻldirilgan chek ilova qilingan holda taqdim qiladi.

134. Budjetdan mablagʻ oluvchilar naqd pul olish uchun moddiy javobgar shaxs (kassir)ga berilgan ishonchnomani gʻaznachilik boʻlinmalariga taqdim qiladilar (mazkur Qoidalarga 8-ilova).

135. Naqd pul berilganidan soʻng reyestrning ikkinchi nusxasi (kassa chiqim jurnali) chek ijro etilganligi toʻgʻrisidagi belgi qoʻyilgan holda bank koʻchirmasi bilan birga tegishli gʻaznachilik boʻlinmasiga qaytariladi. Gʻaznachilik boʻlinmasi bank koʻchirmasi, reyestr va chek milkiga asosan tegishli shaxsiy hisobvaraqda belgi qoʻyadi va budjet tashkilotiga uning shaxsiy hisobvaragʻidan koʻchirma beradi, shu bilan birga budjet tashkiloti buxgalteriyasida keyingi hisoblarni yuritish uchun ish haqi va unga tenglashtirilgan toʻlovlar, xizmat safari xarajatlarini toʻlash uchun berilgan soʻrovnomaning ikkinchi nusxasiga “TOʻLANDI” belgisini qoʻyib budjetdan mablagʻ oluvchiga qaytaradi.

136. Budjetdan mablagʻ oluvchi pul mablagʻlarini xarajatlar smetasida nazarda tutilgan summadan oshmagan, umumiy summaga yozilgan bir nechta chek bilan olish huquqiga ega. Buning uchun ular tomonidan xizmat koʻrsatuvchi gʻaznachilik boʻlinmasiga tegishli summaga soʻrovnomalar taqdim etiladi.

Budjetdan mablagʻ oluvchilar naqd pul mablagʻlarini olish uchun cheklarni ularning soʻrovnomalarida koʻrsatilgan qatʼiy summalarga va umumiy summasi xarajatlar smetasining tegishli limitidan oshmagan summalarga yozib beradilar.

137. Budjetdan mablagʻ oluvchining ishonchli shaxsi tomonidan chek markasi yoʻqotilgan hollarda, chek markasi yoʻqotilganligi aniqlangan kuni tegishli gʻaznachilik boʻlinmasiga budjetdan mablagʻ oluvchi rahbari va bosh hisobchisi tomonidan imzolangan bildirishnoma-xat taqdim etiladi. Gʻaznachilik boʻlinmasi ushbu bildirishnoma-xat asosida tegishli bankka toʻlanmagan chekni chaqirib olish toʻgʻrisida xat bilan murojaat qiladi. Cheklar reyestri chaqirib olingan chek summasini ayirgan holda ijro qilinadi.

138. Cheklarning yoʻqotilishi va oʻgʻirlanishi, shuningdek chekni hamda nazorat markalarini olish uchun vakolatli shaxslar tomonidan oʻz mansabini suiisteʼmol qilish natijasida yetkazilgan zararlar boʻyicha javobgarlik budjetdan mablagʻ oluvchilarning mansabdor va moddiy javobgar shaxslariga yuklanadi.

139. Olingan chek daftarchalari budjetdan mablagʻ oluvchilarda saqlanadi va cheklarni qonunchilikda belgilangan tartibda saqlash va ishlatish boʻyicha javobgarlik budjetdan mablagʻ oluvchilarning rahbarlari va bosh hisobchilariga yuklanadi.

140. Gʻaznachilik boʻlinmalarining moliyaviy majburiyatlarni roʻyxatga olish va toʻlovlarni amalga oshirish boʻlimi (guruhi) masʼul xodimlari toʻlov uchun soʻrovnoma va boshqa hujjatlarni qabul qilishda ushbu hujjatlarning ikkinchi nusxasiga hujjatlarni qabul qilganligi toʻgʻrisida oʻz imzolarini qoʻyadi va ular qabul qilingan sanani koʻrsatgan holda budjetdan mablagʻ oluvchining tegishli xodimiga qaytaradi.

141. Budjetdan mablagʻ oluvchilarning shaxsiy hisobvaraqlaridan operatsiyalar amalga oshirilishi boʻyicha gʻaznachilik boʻlinmalarining moliyaviy majburiyatlarni roʻyxatga olish va toʻlovlarni amalga oshirish boʻlimi (guruhi) masʼul xodimlari budjetdan mablagʻ oluvchilarga ularning shaxsiy hisobvaragʻlaridan koʻchirmalarni beradilar hamda ularni mazkur Qoidalarning 9-ilovasidagi shakl boʻyicha Budjetdan mablagʻ oluvchilarning shaxsiy hisobvaraqlardan berilgan koʻchirmalarni roʻyxatga olish jurnalida roʻyxatga oladi. Budjetdan mablagʻ oluvchining masʼul xodimi koʻchirmalarni olishda jurnalga ularni olganligi toʻgʻrisida belgi qoʻyadi.

142. Gʻaznachilik boʻlinmalarining moliyaviy majburiyatlarni roʻyxatga olish va toʻlovlarni amalga oshirish boʻlimi (guruhi) masʼul xodimlari Berilgan va ishlatilgan cheklarni hisobga olish jurnalida berilgan va ishlatilgan cheklarning roʻyxatini yuritadi (mazkur Qoidalarga 10-ilova).

§ 3. III guruh xarajatlari boʻyicha moliyaviy majburiyatlarni qabul qilish va ularning toʻlovi

143. III guruh xarajatlari boʻyicha moliyaviy majburiyatlarning qabul qilinishi pudratchilarning ish bajarilganligini tasdiqlovchi hisobvaraq-fakturalar asosida amalga oshiriladi.

144. Gʻaznachilik boʻlinmalari tomonidan pul mablagʻlarini oʻtkazish quyidagi hollarda amalga oshiriladi:

toʻlov topshiriqnomasida budjet tasnifining tegishli kodlari, shartnoma, hisobvaraq-faktura, avans miqdori va boshqa kerakli rekvizitlar toʻgʻri koʻrsatilganda;

qurilishlarning tasdiqlangan manzilli va titul roʻyxatlari asosida va tegishli obyektlar boʻyicha shaxsiy gʻazna hisobvaraqlaridagi mavjud ajratilgan budjet mablagʻlari summalari doirasida boʻlganda;

agar toʻlov topshiriqnomasida koʻrsatilgan summa gʻaznachilik boʻlinmasida roʻyxatga olingan shartnomaga asosan, oldin oʻtkazilgan mablagʻlarni hisobga olgan holda, toʻlanishi lozim boʻlgan pul mablagʻlaridan oshmaganda;

buyurtmachining pudratchi oldidagi kreditorlik qarzining mavjudligini tasdiqlovchi hisobvaraq-faktura va hujjatlar, yoki buyurtmachining pudratchiga avans toʻlovlarini oʻtkazishi lozimligini tasdiqlovchi hujjatlar mavjud boʻlganda;

toʻlov topshiriqnomasida koʻrsatilgan pudratchining nomi va rekvizitlari shartnomada koʻrsatilgan pudratchining nomi va rekvizitlariga muvofiq boʻlganda.

145. Bajarilgan ishlar uchun xarajatlar toʻlovi, jumladan avans toʻlovlarining toʻlanishi oʻrnatilgan tartibda rasmiylashtirilgan va buyurtmachilar tomonidan gʻaznachilik boʻlinmalariga taqdim qilingan toʻlov topshiriqnomalari asosida amalga oshiriladi, bunda toʻlov topshiriqnomasining “Toʻlovchining nomi” ustunida gʻaznachilik boʻlinmasining nomi, “Toʻlovchining hisob raqami” ustunida — gʻazna hisobvaragʻi, “Toʻlov maqsadi” ustunida — budjetdan mablagʻ oluvchining shaxsiy hisobvaraq raqami, budjet tasnifining tegishli kodi, toʻlovni oʻtkazishga asos boʻladigan hujjatlar, shuningdek toʻlov maqsadi koʻrsatiladi.

Toʻlov topshiriqnomalari quyidagicha taqdim etiladi:

a) besh nusxada, agar gʻaznachilik boʻlinmasi va pudratchiga bitta bank filialida xizmat koʻrsatilsa. Buyurtmachining tegishli mansabdor shaxslari tomonidan imzolangan va muhr izi bilan tasdiqlangan toʻlov topshiriqnomasining birinchi nusxasi, buyurtmachining gʻaznachilik boʻlinmasiga budjetdan mablagʻ oluvchining shaxsiy hisobvaragʻidan kassa xarajatlarini amalga oshirish uchun soʻrovnomasi boʻlib xizmat qiladi. Toʻlov topshiriqnomasining ikkinchi nusxasi gʻaznachilik boʻlinmasining rahbari va masʼul shaxsi tomonidan imzolanadi, gʻaznachilik boʻlinmasining muhr izi bilan tasdiqlanadi va bank uchun gʻazna hisobvaragʻidan xarajatlar toʻlovini amalga oshirish uchun asos boʻladi. Bank filialining toʻlanganlik toʻgʻrisidagi belgisi bilan toʻlov topshiriqnomasining uchinchi nusxasi mahsulot yetkazib beruvchiga beriladi. Bank filialining toʻlanganlik toʻgʻrisidagi belgisi bilan toʻlov topshiriqnomasining toʻrtinchi nusxasi gʻazna hisobvaragʻidan koʻchirmaga ilova qilinadi va gʻaznachilik boʻlinmasiga budjetdan mablagʻ oluvchining shaxsiy hisobvaragʻida kassa xarajatlarini aks ettirish uchun asos boʻladi. Gʻaznachilik boʻlinmasining “TOʻLANGAN” belgisi bilan va toʻlangan sana qoʻyilgan toʻlov topshiriqnomasining beshinchi nusxasi budjetdan mablagʻ oluvchining shaxsiy hisobvaragʻidan koʻchirma bilan birgalikda buyurtmachining vakolatli xodimiga beriladi.

b) toʻrt nusxada, agar gʻaznachilik boʻlinmasi va pudratchiga har xil bank filiallarida xizmat koʻrsatilsa. Buyurtmachining tegishli mansabdor shaxslari tomonidan imzolangan va muhr izi bilan tasdiqlangan toʻlov topshiriqnomasining birinchi nusxasi, buyurtmachining gʻaznachilik boʻlinmasiga budjetdan mablagʻ oluvchining shaxsiy hisobvaragʻidan kassa xarajatlarini amalga oshirish uchun soʻrovnomasi boʻlib xizmat qiladi. Toʻlov topshiriqnomasining ikkinchi nusxasi gʻaznachilik boʻlinmasining rahbari va masʼul shaxsi tomonidan imzolanadi, gʻaznachilik boʻlinmasining muhr izi bilan tasdiqlanadi va bank uchun gʻazna hisobvaragʻidan xarajatlar toʻlovni amalga oshirish uchun asos boʻladi. Bank filialining toʻlanganlik toʻgʻrisidagi belgisi bilan toʻlov topshiriqnomasining uchinchi nusxasi gʻazna hisobvaragʻidan koʻchirmaga ilova qilinadi va gʻaznachilik boʻlinmasiga budjetdan mablagʻ oluvchining shaxsiy hisobvaragʻida kassa xarajatlarini aks ettirish uchun asos boʻladi. Gʻaznachilik boʻlinmasining “TOʻLANGAN” belgisi bilan va toʻlangan sana qoʻyilgan toʻlov topshiriqnomasining toʻrtinchi nusxasi budjetdan mablagʻ oluvchining shaxsiy hisobvaragʻidan koʻchirma bilan birgalikda buyurtmachining vakolatli xodimiga beriladi.

v) uch nusxada agar gʻaznachilik boʻlinmasi hamda unga xizmat koʻrsatuvchi bank orasida “Bank-mijoz” dasturiy majmui yoʻlga qoʻyilgan boʻlsa. Buyurtmachining tegishli mansabdor shaxslar tomonidan imzolar qoʻyilgan va muhr izi bilan tasdiqlangan toʻlov topshiriqnomasining birinchi nusxasi, buyurtmachining gʻaznachilik boʻlinmasiga budjetdan mablagʻ oluvchining shaxsiy hisobvaragʻidan kassa xarajatlarini amalga oshirish uchun soʻrovnomasi boʻlib xizmat qiladi. Toʻlov topshiriqnomasining ikkinchi nusxasi gʻaznachilik boʻlinmasining rahbari va masʼul shaxsi tomonidan imzolanadi, gʻaznachilik boʻlinmasining muhr izi bilan tasdiqlanadi va gʻazna hisobvaragʻidan xarajatlar toʻlovini amalga oshirish uchun asos boʻladi. Gʻaznachilik boʻlinmasining “TOʻLANGAN” belgisi bilan va toʻlangan sana qoʻyilgan toʻlov topshiriqnomasining uchinchi nusxasi budjetdan mablagʻ oluvchining shaxsiy hisobvaragʻidan koʻchirma bilan birgalikda buyurtmachining vakolatli xodimiga beriladi.

146. Buyurtmachi tomonidan taqdim qilingan hujjatlar mazkur Qoidalarning talablariga muvofiq boʻlganda gʻaznachilik boʻlinmasining vakolatli xodimi “TEKShIRILDI” belgisini, toʻlov topshiriqnomasini birinchi nusxasining orqa tomoniga toʻlov topshiriqnomasining qabul qilingan sana va oʻzining imzosini qoʻyadi. Toʻlov topshiriqnomasining ikkinchi nusxasining gʻaznachilik boʻlinmasi boshligʻi va masʼul shaxsining imzolari va gʻaznachilik boʻlinmasining muhr izi bilan rasmiylashtirish tekshiruvlar tugaganidan soʻng amalga oshiriladi.

Gʻaznachilik boʻlinmasiga gʻaznachilik boʻlinmasidagi mavjud imzo va muhr izi namunalarini budjetdan mablagʻ oluvchilar tomonidan taqdim qilingan, gʻazna hisobvaraqlaridan mablagʻlarni hisobdan chiqarish uchun bankka taqdim qilinadigan hujjatlardagilar bilan solishtirish majburiyati yuklatiladi.

147. Toʻlov topshiriqnomalari boʻyicha gʻazna hisobvaragʻidan toʻlovlarni amalga oshirish uchun gʻaznachilik boʻlinmasi bankka toʻlov topshiriqnomalarining ikkinchi va uchinchi (gʻaznachilik boʻlinmasi va pudratchiga bitta bank filialida xizmat koʻrsatilgan holda, toʻrtinchi) nusxalarini taqdim qiladi.

148. Xizmat koʻrsatuvchi bank tomonidan toʻlov oʻtkazilgandan soʻng, toʻlov topshiriqnomasining ikkinchi (gʻaznachilik boʻlinmasi va pudratchiga bitta bank filialida xizmat koʻrsatilgan holda, uchinchi) nusxasi bankda qoladi, uchinchi (gʻaznachilik boʻlinmasi va pudratchiga bitta bank filialida xizmat koʻrsatilgan holda, toʻrtinchi) nusxasi bankning shtampi va masʼul xodimining imzosi hamda gʻazna hisobvaragʻidan koʻchirma bilan gʻaznachilik boʻlinmasiga beriladi.

149. Gʻaznachilik boʻlinmasining tegishli xodimi budjetdan mablagʻ oluvchilarning tegishli shaxsiy hisobvaraqlarida belgi qoʻygandan soʻng, budjetdan mablagʻ oluvchining shaxsiy hisobvaragʻidan koʻchirma va toʻlov topshiriqnomasining toʻrtinchi (gʻaznachilik boʻlinmasi va pudratchiga bitta bank filialida xizmat koʻrsatilgan holda, beshinchi) nusxasini gʻaznachilik boʻlinmasi masʼul xodimining belgisi bilan budjetdan mablagʻ oluvchiga (buyurtmachiga) qaytariladi.

150. Hisobvaraq-fakturalar yoki buyurtmachining pudratchi oldidagi qarzining mavjudligini va ishlar bajarilganligini tasdiqlovchi boshqa hujjatlar gʻaznachilik boʻlinmalariga qoʻshimcha davr tugashiga 5 ish kuni qolguniga qadar taqdim qilinishi lozim.

151. Boshqaruv apparatini saqlash uchun buyurtmachining bank hisobvaragʻiga mablagʻlar oʻtkazilishi shartnomalar tuzilmasdan manzilli va titul roʻyxatlarda va har bir obyekt boʻyicha shaxsiy hisobvaraqlarda ushbu maqsadlar uchun nazarda tutilgan summalar doirasida, oʻrnatilgan tartibda taqdim qilingan toʻlov topshiriqnomalari asosida, amalga oshiriladi. Bunda, buyurtmachining boshqaruv apparatini saqlash uchun oʻtkaziladigan summa moliya organida oʻrnatilgan tartibda roʻyxatga olingan xarajatlar smetasida uni saqlash uchun nazarda tutilgan summadan oshmasligi lozim.

§ 4. IV guruh xarajatlari boʻyicha moliyaviy majburiyatlarni qabul qilish va ularning toʻlovi

152. IV guruh xarajatlari boʻyicha moliyaviy majburiyatlar mahsulot yetkazib beruvchilarning hisobvaraq-fakturalari yoki tovarlar yetkazib berilganligini (ishlar bajarilganligini, xizmatlar koʻrsatilganligini) tasdiqlovchi boshqa hujjatlar, yoki budjetdan mablagʻ oluvchilarning mahsulot yetkazib beruvchiga budjet (budjetdan tashqari) mablagʻlarini (shu jumladan, avans toʻlovlarini) oʻtkazishi lozimligini tasdiqlovchi boshqa hujjatlar asosida qabul qilinadi.

153. Gʻaznachilik boʻlinmasi budjetdan mablagʻ oluvchilarning toʻlov topshiriqnomalari asosida gʻazna hisobvaraqlaridan IV guruh xarajatlari boʻyicha xarajatlarni budjetdan mablagʻ oluvchilarning xarajatlar smetalarining tegishli moddalarida nazarda tutilgan ajratilgan budjet mablagʻlari limitlari doirasida amalga oshiradi.

154. Budjetdan mablagʻ oluvchilarning xarajatlari toʻlovi toʻlov topshiriqnomalari bilan quyidagi talablarga rioya qilingan holda amalga oshiriladi:

budjetdan mablagʻ oluvchilarning IV guruh xarajatlarining tegishli moddalari boʻyicha budjet mablagʻlari qoldiqlari summalari doirasida;

agar toʻlov topshiriqnomasida koʻrsatilgan summa gʻaznachilik boʻlinmasida roʻyxatga olingan shartnomaga muvofiq toʻlanishi lozim boʻlgan pul mablagʻlari summasidan oshmasa;

hisobvaraq-faktura yoki tovar (ish, xizmat)lar yetkazib berilganligini tasdiqlovchi boshqa hujjatlar mavjud boʻlganda va budjetdan mablagʻ oluvchining mahsulot yetkazib beruvchi oldidagi qarzdorligini, shuningdek budjetdan mablagʻ oluvchini mahsulot yetkazib beruvchiga budjet (budjetdan tashqari) mablagʻlarini (shu jumladan, avans toʻlovlarini) oʻtkazishi lozimligini tasdiqlovchi hujjatlar mavjud boʻlganida;

toʻlov topshiriqnomasida koʻrsatilgan mahsulot yetkazib beruvchining, shuningdek budjetdan mablagʻ oluvchilarning nomi va rekvizitlari shartnoma va hisobvaraq-fakturada yoki tovar (ish, xizmat)lar yetkazib berishni tasdiqlovchi boshqa hujjatlarda mahsulot yetkazib beruvchining, shuningdek budjetdan mablagʻ oluvchilarning nomi va rekvizitlariga muvofiq boʻlganida.

155. Etkazib berilgan tovar (ish, xizmat)lar uchun xarajatlar toʻlovi, shuningdek avans toʻlovlarini amalga oshirish uchun budjetdan mablagʻ oluvchilar gʻaznachilik boʻlinmasiga oʻrnatilgan tartibda rasmiylashtirilgan toʻlov topshiriqnomalarini quyidagicha taqdim qiladilar:

a) besh nusxada, agar gʻaznachilik boʻlinmasi va mahsulot yetkazib beruvchiga bitta bank filialida xizmat koʻrsatilsa. Budjetdan mablagʻ oluvchining tegishli mansabdor shaxslari tomonidan imzolangan va muhr izi bilan tasdiqlangan toʻlov topshiriqnomasining birinchi nusxasi, budjetdan mablagʻ oluvchining gʻaznachilik boʻlinmasiga budjetdan mablagʻ oluvchining shaxsiy hisobvaragʻidan kassa xarajatlarini amalga oshirish uchun soʻrovnomasi boʻlib xizmat qiladi. Toʻlov topshiriqnomasining ikkinchi nusxasi gʻaznachilik boʻlinmasining rahbari va masʼul shaxsi tomonidan imzolanadi, gʻaznachilik boʻlinmasining muhr izi bilan tasdiqlanadi va bank uchun gʻazna hisobvaragʻidan xarajatlar toʻlovini amalga oshirish uchun asos boʻladi. Bank filialining toʻlanganlik toʻgʻrisidagi belgisi bilan toʻlov topshiriqnomasining uchinchi nusxasi mahsulot yetkazib beruvchiga beriladi. Bank filialining toʻlanganlik toʻgʻrisidagi belgisi bilan toʻlov topshiriqnomasining toʻrtinchi nusxasi gʻazna hisobvaragʻidan koʻchirmaga ilova qilinadi va gʻaznachilik boʻlinmasiga budjetdan mablagʻ oluvchining shaxsiy hisobvaragʻida kassa xarajatlarini aks ettirish uchun asos boʻladi. Gʻaznachilik boʻlinmasining “TOʻLANGAN” belgisi bilan va toʻlangan sana qoʻyilgan toʻlov topshiriqnomasining beshinchi nusxasi budjetdan mablagʻ oluvchining shaxsiy hisobvaragʻidan koʻchirma bilan birgalikda budjetdan mablagʻ oluvchining vakolatli xodimiga beriladi.

b) toʻrt nusxada, agar gʻaznachilik boʻlinmasi va mahsulot yetkazib beruvchiga har xil bank filiallarida xizmat koʻrsatilsa. Budjetdan mablagʻ oluvchining tegishli mansabdor shaxslari tomonidan imzolangan va muhr izi bilan tasdiqlangan toʻlov topshiriqnomasining birinchi nusxasi, budjetdan mablagʻ oluvchining gʻaznachilik boʻlinmasiga budjetdan mablagʻ oluvchining shaxsiy hisobvaragʻidan kassa xarajatlarini amalga oshirish uchun soʻrovnomasi boʻlib xizmat qiladi. Toʻlov topshiriqnomasining ikkinchi nusxasi gʻaznachilik boʻlinmasining rahbari va masʼul shaxsi tomonidan imzolanadi, gʻaznachilik boʻlinmasining muhr izi bilan tasdiqlanadi va bank uchun gʻazna hisobvaragʻidan xarajatlar toʻlovini amalga oshirish uchun asos boʻladi. Bank filialining toʻlanganlik toʻgʻrisidagi belgisi bilan toʻlov topshiriqnomasining uchinchi nusxasi gʻazna hisobvaragʻidan koʻchirmaga ilova qilinadi va gʻaznachilik boʻlinmasiga budjetdan mablagʻ oluvchining shaxsiy hisobvaragʻida kassa xarajatlarini aks ettirish uchun asos boʻladi. Gʻaznachilik boʻlinmasining “TOʻLANGAN” belgisi bilan va toʻlangan sana qoʻyilgan toʻlov topshiriqnomasining toʻrtinchi nusxasi budjetdan mablagʻ oluvchining shaxsiy hisobvaragʻidan koʻchirma bilan birgalikda budjetdan mablagʻ oluvchining vakolatli xodimiga beriladi.

v) uch nusxada agar gʻaznachilik boʻlinmasi hamda unga xizmat koʻrsatuvchi bank orasida “Bank-mijoz” dasturiy majmui yoʻlga qoʻyilgan boʻlsa. Budjetdan mablagʻ oluvchining tegishli mansabdor shaxslari tomonidan imzolangan va muhr izi bilan tasdiqlangan toʻlov topshiriqnomasining birinchi nusxasi, budjetdan mablagʻ oluvchining gʻaznachilik boʻlinmasiga budjetdan mablagʻ oluvchining shaxsiy hisobvaragʻidan kassa xarajatlarini amalga oshirish uchun soʻrovnomasi boʻlib xizmat qiladi. Toʻlov topshiriqnomasining ikkinchi nusxasi gʻaznachilik boʻlinmasining rahbari va masʼul shaxsi tomonidan imzolanadi, gʻaznachilik boʻlinmasining muhr izi bilan tasdiqlanadi va gʻazna hisobvaragʻidan xarajatlar toʻlovini amalga oshirish uchun asos boʻladi. Gʻaznachilik boʻlinmasining “TOʻLANGAN” belgisi bilan va toʻlangan sana qoʻyilgan toʻlov topshiriqnomasining uchinchi nusxasi budjetdan mablagʻ oluvchining shaxsiy hisobvaragʻidan koʻchirma bilan birgalikda budjetdan mablagʻ oluvchining vakolatli xodimiga beriladi.

Bunda, toʻlov topshiriqnomasining “Toʻlovchining nomi” ustunida gʻaznachilik boʻlinmasining nomi, “Toʻlovchining hisob raqami” ustunida — gʻazna hisobvaragʻi, “Toʻlov maqsadi” ustunida — budjetdan mablagʻ oluvchining shaxsiy hisobvaraq raqami va budjetdan mablagʻ oluvchining nomi, budjet tasnifining tegishli kodi, toʻlovni oʻtkazishga asos boʻladigan hujjatlar, shuningdek toʻlov maqsadi koʻrsatiladi.

156. Budjetdan mablagʻ oluvchilar tomonidan taqdim qilingan hujjatlar mazkur Qoidalarning talablariga muvofiq boʻlganda, gʻaznachilik boʻlinmasining vakolatli xodimi “TEKShIRILDI” belgisini, toʻlov topshiriqnomasini birinchi nusxasining orqa tomoniga toʻlov topshiriqnomasi qabul qilingan sanani va oʻzining imzosini qoʻyadi. Toʻlov topshiriqnomasining ikkinchi nusxasini gʻaznachilik boʻlinmasi boshligʻi va masʼul shaxsining imzolari va gʻaznachilik boʻlinmasining muhr izi bilan rasmiylashtirish tekshiruvlar tugaganidan soʻng amalga oshiriladi.

Gʻaznachilik boʻlinmasiga gʻaznachilik boʻlinmasidagi mavjud imzo va muhr izi namunalarini budjetdan mablagʻ oluvchilar tomonidan taqdim qilingan, gʻazna hisobvaraqlaridan hisobdan chiqarish uchun bankka taqdim qilinadigan hujjatlardagilar bilan solishtirish majburiyati yuklatiladi.

157. Toʻlov topshiriqnomalari boʻyicha gʻazna hisobvaragʻidan toʻlovlar amalga oshirish uchun gʻaznachilik boʻlinmasi bankka toʻlov topshiriqnomalarining ikkinchi va uchinchi (gʻaznachilik boʻlinmasi va mahsulot yetkazib beruvchiga bitta bank filialida xizmat koʻrsatilgan hollarda, toʻrtinchi) nusxalarini (Bank-mijoz dasturi ishlatilgandan tashqari holatlarda) taqdim qiladi.

158. Xizmat koʻrsatuvchi bank tomonidan toʻlov oʻtkazilgandan soʻng, toʻlov topshiriqnomasining ikkinchi (gʻaznachilik boʻlinmasi va mahsulot yetkazib beruvchiga bitta bank filialida xizmat koʻrsatilgan hollarda, uchinchi) nusxasi bankda qoladi, uchinchi (gʻaznachilik boʻlinmasi va mahsulot yetkazib beruvchiga bitta bank filialida xizmat koʻrsatilgan hollarda, toʻrtinchi) nusxasi bankning shtampi va masʼul xodimining imzosi bilan va gʻazna hisobvaragʻidan koʻchirma gʻaznachilik boʻlinmasiga beriladi.

159. Gʻaznachilik boʻlinmasining tegishli xodimi budjetdan mablagʻ oluvchilarning tegishli shaxsiy hisobvaraqlariga belgi qoʻygandan soʻng, budjetdan mablagʻ oluvchining shaxsiy hisobvaragʻidan koʻchirma va toʻlov topshiriqnomasining toʻrtinchi (gʻaznachilik boʻlinmasi va mahsulot yetkazib beruvchiga bitta bank filialida xizmat koʻrsatilgan hollarda, beshinchi) nusxasi gʻaznachilik boʻlinmasi masʼul xodimining belgisi bilan budjetdan mablagʻ oluvchiga qaytariladi.

VIII. Budjetdan mablagʻ oluvchilarning budjetdan tashqari mablagʻlari hisobiga xarajatlarni amalga oshirish

160. Budjetdan tashqari mablagʻlar boʻyicha yuridik va moliyaviy majburiyatlarning qabul qilinishi, shuningdek budjetdan tashqari mablagʻlarning kassa xarajatlari kelib tushgan budjetdan tashqari mablagʻlar doirasida amalga oshiriladi va budjet mablagʻlari kabi bir xil tartibda rasmiylashtiriladi.

IX. Qoʻshimcha davrda Davlat budjetining gʻazna ijrosi

161. Oʻtgan yil uchun Davlat budjetining gʻazna ijrosi amalga oshiriladigan moliya yiliga qoʻshimcha davr keyingi yilning yanvar oyi hisoblanadi.

162. Qoʻshimcha davrda moliya organlari, gʻaznachilik boʻlinmalari, shuningdek budjetdan mablagʻ oluvchilar tomonidan hisobot yili uchun Davlat budjetining ijrosi boʻyicha quyidagi operatsiyalar amalga oshiriladi, jumladan:

budjetlararo hisob-kitoblarni tartibga solish;

budjetdan mablagʻ oluvchilarning oʻtgan yil uchun kreditorlik qarzlarini toʻlash;

iqtisod qilingan mablagʻlar summasini budjet tashkilotlarining rivojlantirish jamgʻarmalariga oʻtkazish;

Davlat budjeti ijrosi boʻyicha boshqa operatsiyalar.

163. Budjetdan mablagʻ oluvchilarning kommunal xizmatlari boʻyicha oʻtuvchi kreditorlik qarzlarini toʻlash, shu bilan birgalikda ular boʻyicha shartnomalarni roʻyxatdan oʻtkazish, oʻtgan moliya yili limitlari doirasida qabul qilingan moliyaviy majburiyatlar boʻyicha (dekabr oyi uchun oʻtuvchi qarzlardan tashqari) toʻlovlar qoʻshimcha davrda oʻtgan moliya yilining xarajatlar smetasida ajratilgan budjet mablagʻlari qoldiqlari doirasida, xarajatlar smetasining kreditorlik qarzi mavjud boʻlgan moddasida oʻrnatilgan tartibda amalga oshiriladi.

164. Budjet tashkilotlari tomonidan mazkur modda boʻyicha kreditorlik qarzi qoʻshimcha davrda oʻtgan yilning xarajatlar smetasida ajratilgan budjet mablagʻlari qoldiqlari hisobidan toʻlab berilmaganda va mablagʻlar Budjet tashkilotining rivojlantirish jamgʻarmasiga oʻtkazilgan taqdirda, kreditorlik qarzni toʻlash, qoʻshimcha davr tugaganidan keyin, Budjet tashkilotining rivojlantirish jamgʻarmasi va (yoki) boshqa mavjud budjetdan tashqari mablagʻlar hisobiga amalga oshiriladi.

165. Budjet tashkilotining rivojlantirish jamgʻarmasi mablagʻlari yoki boshqa budjetdan tashqari mablagʻlar yetarli boʻlmaganda yoki umuman mavjud boʻlmagan hollarda, oʻtgan yilning kreditorlik qarzlari moliya organining budjet tashkilotini rivojlantirish jamgʻarmasi mablagʻlari va boshqa budjetdan tashqari mablagʻlari yoʻqligini tasdiqlovchi xulosasi, shuningdek kreditorlik qarzini (budjet tashkilotlari tomonidan oʻrnatilgan tartibda taqdim qilingan tasdiqlangan smetalar va kreditorlik qarzlarining kelib chiqishi boʻyicha tegishli hisob-kitoblar va tushuntirishlar asosida) toʻlash uchun zarur boʻlgan mablagʻlar joriy moliya yilining xarajatlar smetasida nazarda tutilganligi toʻgʻrisida moliya organi tomonidan gʻaznachilik boʻlinmasi xabardor qilingan taqdirda, joriy moliya yili xarajatlar smetalarida (vaqtinchalik xarajatlar smetalarini hisobga olgan holda) nazarda tutilgan mablagʻlar hisobidan toʻlab berilishi mumkin.

166. Oʻtgan yilning kreditorlik qarzlarini toʻlab berish uchun budjet tashkilotlari tomonidan ularga xizmat koʻrsatuvchi gʻaznachilik boʻlinmalariga quyidagi hujjatlar taqdim etiladi:

kreditorlik qarzi yuzaga kelgan kommunal xizmatlari koʻrsatish boʻyicha oʻtgan moliya yilining shartnomalari nusxasi;

oʻtgan yil yakuni boʻyicha budjetdan mablagʻ oluvchi va mahsulot yetkazib beruvchi oʻrtasida tuzilgan solishtirma dalolatnoma (qoʻshimcha davrda amalga oshirilgan hisob-kitoblar va budjetdan tashqari mablagʻlar hisobidan toʻlangan kreditorlik qarzlarini hisobga olgan holda).

Oʻtgan yilning dekabr oyi uchun kreditorlik qarzi joriy moliya yili xarajatlar smetasida (vaqtinchalik xarajatlar smetalarini hisobga olgan holda) nazarda tutilgan ajratilgan budjet mablagʻlari hisobidan toʻlab beriladi.

167. Budjetdan mablagʻ oluvchilarning kommunal xizmatlar boʻyicha oʻtuvchi kreditorlik qarzini toʻlash, shu bilan birgalikda ular boʻyicha shartnomalarni roʻyxatdan oʻtkazish, oʻtgan moliya yili limitlaridan oshiqcha qabul qilingan moliyaviy majburiyatlar boʻyicha toʻlov oʻrnatilgan tartibda amalga oshiriladi.

168. Budjetdan mablagʻ oluvchilar tomonidan rejali ajratilgan budjet mablagʻlarining tegishli moddalaridan ortiqcha miqdorda moliyaviy majburiyatlar qabul qilinishi natijasida oʻtgan yilning xarajatlar smetasi mablagʻlari hisobidan kreditorlik qarzlarni toʻlab berish imkoniyati boʻlmagan hollarda, kreditorlik qarzlarni qoplash qoʻshimcha davr tugaganidan soʻng, quyidagi tartibda amalga oshiriladi:

birinchi navbatda, Budjet tashkilotining rivojlantirish jamgʻarmasi mablagʻlari va (yoki) boshqa mavjud budjetdan tashqari mablagʻlar hisobidan oʻrnatilgan tartibda;

Budjet tashkilotining rivojlantirish jamgʻarmasi mablagʻlari yoki boshqa mavjud budjetdan tashqari mablagʻlari yetarli boʻlmaganda yoki umuman mavjud boʻlmagan taqdirda, joriy moliya yili xarajatlar smetasi hisobidan (vaqtinchalik xarajatlar smetalarini hisobga olgan holda), moliya organining budjet tashkilotining rivojlantirish jamgʻarmasi mablagʻlari va boshqa budjetdan tashqari mablagʻlari yoʻqligini tasdiqlovchi xulosasi, shuningdek kreditorlik qarzini (budjet tashkilotlari tomonidan oʻrnatilgan tartibda taqdim qilingan tasdiqlangan smetalar va kreditorlik qarzlari kelib chiqishi boʻyicha tegishli hisob-kitoblar va tushuntirishlar asosida) toʻlash uchun zarur boʻlgan mablagʻlar joriy yilning xarajatlar smetasida nazarda tutilganligi toʻgʻrisida moliya organi tomonidan gʻaznachilik boʻlinmasi xabardor qilingan taqdirda toʻlab berilishi mumkin.

169. Oʻtgan yilning kreditorlik qarzlarini toʻlab berish uchun budjet tashkilotlari tomonidan ularga xizmat koʻrsatuvchi gʻaznachilik boʻlinmalariga quyidagi hujjatlar taqdim qilinadi:

oʻtgan yilda qabul qilingan va joriy yilda qabul qilinadigan yetkazib berish boʻyicha majburiyatlarni alohida koʻrsatgan holda kommunal xizmatlar koʻrsatish boʻyicha shartnomalar;

oʻtgan yil yakuni boʻyicha budjetdan mablagʻ oluvchi va mahsulot yetkazib beruvchi oʻrtasida tuzilgan solishtirma dalolatnoma (qoʻshimcha davrda amalga oshirilgan hisob-kitoblar va budjetdan tashqari mablagʻlar hisobidan toʻlangan kreditorlik qarzlarni hisobga olgan holda).

170. Toʻlab berilmagan kreditorlik qarzi mavjud boʻlganda, joriy moliya yilida ajratilgan budjet mablagʻlarining bir qismi kreditorlik qarzini toʻlab berish uchun zaxira qilib qoʻyilishi lozim. Bunda, budjetdan mablagʻ oluvchi tomonidan joriy moliya yili xarajatlar smetasidagi tegishli moddalar boʻyicha yuridik majburiyatlarni qabul qilish, oʻtgan yilning kreditorlik qarzini toʻlashga yoʻnaltiriladigan mablagʻlar miqdoriga kamaytirilgan budjet ajratmalari doirasida, zaxira qilingan mablagʻlarni oʻtgan yilning kreditorlik qarzini qoplashga majburiy yoʻnaltirish orqali amalga oshiriladi.

171. Gʻaznachilik boʻlinmalari oʻtgan yilning xarajatlar smetasida nazarda tutilgan rejali ajratilgan budjet mablagʻlari summalaridan qabul qilingan moliyaviy majburiyatlar summalari oshib ketgan hollarda, bu haqda Moliya vazirligi Nazorat-taftish bosh boshqarmasining tegishli boʻlinmalariga choralar koʻrish uchun maʼlumot beradi.

172. Xarajatlar smetasida (vaqtinchalik xarajatlar smetasida) rejalashtirilgan mablagʻlar yetarli yoki mavjud boʻlmaganda yoki rejalashtirilgan mablagʻlar oʻtgan yilgi majburiyatlar bilan band qilingan taqdirda, moliya organi oʻz vakolati doirasida, yil davomida kreditorlik qarzini toʻlab berish uchun qoʻshimcha mablagʻ izlash boʻyicha choralarni koʻradi.

173. Budjetdan mablagʻ oluvchilarning tovar (ish, xizmat)lar yetkazib berish uchun boshqa shartnomalari boʻyicha oʻtgan moliya yilining kreditorlik qarzlarining qoplanishi qatʼiy ravishda xarajatlar smetasida nazarda tutilgan budjetdan ajratilgan mablagʻlar doirasida amalga oshiriladi.

174. Keyingi moliya yiliga oʻtadigan kreditorlik qarzlari mavjud boʻlgan budjetdan mablagʻ oluvchilar ularga xizmat koʻrsatuvchi gʻaznachilik boʻlinmalariga qoʻshimcha davrda operatsiyalar amalga oshirilgungacha (yaʼni 1-yanvar holatiga) va qoʻshimcha davrda operatsiyalar amalga oshirilgandan keyingi holatga (yaʼni 1-fevral holatiga) mahsulot yetkazib beruvchilar bilan tuzilgan solishtirma dalolatnomalarni taqdim etadilar.

175. Budjetdan mablagʻ oluvchilar tomonidan oʻtgan yil hisobidan moliya yiliga qoʻshimcha davrda amalga oshiriladigan xarajatlar boʻyicha toʻlov topshiriqnomalarni toʻldirishda, ularning toʻlov maqsadida, majburiy tartibda, “20___ yil uchun kreditorlik qarzni qoplash” yozuvi yoziladi.

176. Gʻaznachilik ijrosiga oʻtgan budjetdan mablagʻ oluvchilar oʻtgan yil uchun toʻlov topshiriqnomalarni gʻaznachilik boʻlinmalariga moliya yiliga qoʻshimcha davr tugaguniga qadar 5 ish kuni qolgandan kechikmasdan taqdim etishlari shart.

177. Moliya yili yakunida budjet mablagʻlarining erkin qoldiqlari gʻazna hisobvaraqlarda mavjud boʻlgan quyidagi budjetdan tashqari mablagʻlardan tashqari, yaʼni budjetdan tashqari Pensiya jamgʻarmasi mablagʻlari, ota-onalarning maktabgacha va maktabdan tashqari taʼlim muassasalarida bolalarni saqlash uchun toʻlovlari, shuningdek bolalarni musiqa va sanʼat maktablarida oʻqitish uchun toʻlovlar, ishchilardan oʻzlarining ish joylarida ovqatlanish uchun hisob-kitoblardan tushumlar (bolalarning maktabgacha taʼlim muassasalari, internatlari va boshqalarda), shuningdek moliya yiliga qoʻshimcha davrda kreditorlik qarzlarni qoplash uchun yoʻnaltirilgan operatsiyalarni amalga oshirishdan tashqari, belgilangan tartibda aniqlanadi.

178. Oʻzbekiston Respublikasi Moliya vazirligi oʻrnatilgan tartibda qoʻshimcha davr mobaynida oʻtgan moliya yilini yakunlash boʻyicha operatsiyalarni amalga oshirish muddatlarini belgilaydi.

Bunda, qoʻshimcha davrda kreditorlik qarzni toʻlash va Budjet tashkilotining rivojlantirish jamgʻarmasiga iqtisod qilingan mablagʻlarni oʻtkazish gʻazna ijrosi bilan qamrab olingan budjetdan mablagʻ oluvchilar tomonidan gʻazna hisobvaraqlari orqali amalga oshiriladi.

179. Quyidagilar natijasida boʻshagan mablagʻlar iqtisod qilingan mablagʻlar hisoblanmaydi va Budjet tashkilotlarining rivojlantirish jamgʻarmasiga oʻtkazilmaydi:

hisobot choragi oxirgi oyining ikkinchi yarmi uchun ish haqini toʻlashga moliyalashtirilgan mablagʻlar, deponentlashtirilgan ish haqi va stipendiyalar, toʻliq moliyalashtirilmaganlik (toʻlovlar toʻliq amalga oshirilmaganligi) yoki depozit hisobvaragʻida mablagʻlarning etishmasligi natijasida olib boʻlinmagan nafaqalar;

Oʻzbekiston Respublikasi Vazirlar Mahkamasining “Budjet tashkilotlarini mablagʻ bilan taʼminlash tartibini takomillashtirish toʻgʻrisida” 1999-yil 3-sentabrdagi 414-sonli qarori bilan tasdiqlangan “Budjet tashkilotlarini xarajatlarini moliyalashtirish (toʻlash) tartibi”ning 4-bandi bilan oʻrnatilgan, hisoblangan, lekin ikkinchi guruh “Ish beruvchining ajratmalari” xarajatlari boʻyicha oʻtkazilmagan xarajatlar natijasida boʻshab qolgan mablagʻlar;

budjet tashkilotlarining set, shtat va kontingent boʻyicha rejaning bajarilmasligi yoki oʻrnatilgan muddatlardan kech bajarilishi, yangi muassasalarning ochilishi yoki faoliyatning kengayishi sababli boʻshab qolgan mablagʻlar;

budjetdan mablagʻ oluvchining faoliyatini (vaqtinchalik) toʻxtatilishi natijasida boʻshab qolgan mablagʻlar;

budjetdan mablagʻ oluvchilarning meʼyordan ortiqcha shtat sonining tasdiqlanishi natijasida boʻshab qolgan mablagʻlar;

Oʻzbekiston Respublikasi Prezidenti, Vazirlar Mahkamasi, Qoraqalpogʻiston Respublikasi Vazirlar Kengashi, shuningdek viloyatlar va Toshkent shahar hokimiyatlarining alohida qarorlari qabul qilinishi natijasida boʻshab qolgan mablagʻlar.

180. Bunda, qoʻshimcha davrda iqtisod qilingan mablagʻlarni oʻtkazish budjetdan mablagʻ oluvchilar tomonidan quyidagicha amalga oshiriladi:

Qoraqalpogʻiston Respublikasi budjeti va mahalliy budjetlar qaramogʻidagi budjetdan mablagʻ oluvchilar boʻyicha — mazkur Qoidalarning 179-bandini hisobga olgan holda tayyorlangan tegishli hududiy moliya organining xulosasi asosida;

respublika budjeti qaramogʻidagi budjetdan mablagʻ oluvchilar boʻyicha — budjetdan mablagʻ oluvchilar tomonidan mustaqil ravishda mazkur Qoidalarning 179-bandi talablariga qatʼiy rioya qilingan holda.

181. Oʻzbekiston Respublikasi Vazirlar Mahkamasining 1999-yil 3-sentabrdagi “Budjet tashkilotlarini mablagʻ bilan taʼminlash tartibini takomillashtirish toʻgʻrisida”gi 414-sonli qaroriga muvofiq budjet tashkilotlari rahbarlari budjet tashkilotlarining rivojlantirish jamgʻarmasiga oʻtkazilishi lozim boʻlgan iqtisod qilingan budjet mablagʻlarini notoʻgʻri aniqlanganligi uchun shaxsiy javobgardirlar.

182. Moliya yilining tugashiga besh kun qolganda kechikmagan muddatda budjet tashkilotlari, tegishli moliya organlari va gʻaznachilik boʻlinmalari budjet mablagʻlarining har bir xarajatlar smetasi boʻyicha aniqlangan rejali budjet mablagʻlarini oʻzaro solishtirishni amalga oshiradi.

183. Aniqlangan rejali budjet mablagʻlarini oʻzaro solishtirishni amalga oshirish uchun budjet tashkilotlari aniqlangan mazkur Qoidalarning 11-ilovasidagi shaklga muvofiq rejali budjetdan ajratilgan mablagʻlarning solishtirma dalolatnomasini (keyingi oʻrinlarda — solishtirma dalolatnoma) uch nusxada tayyorlaydi.

Solishtirma dalolatnoma budjet tashkilotining rahbari va bosh hisobchisi (reja xizmati boshligʻi) tomonidan imzolanadi va tegishli moliya organiga taqdim qilinadi.

Rejali ajratilgan mablagʻlar summasida farqlar aniqlanmaganda, solishtirma dalolatnomalarning nusxalari moliya organlari tomonidan tasdiqlanadi.

184. Moliya organlari tomonidan tasdiqlangan solishtirma dalolatnomalarning nusxalari gʻaznachilik boʻlinmalariga taqdim qilinadi.

Rejali ajratilgan budjet mablagʻlari summasida farqlar mavjud boʻlmaganda, gʻaznachilik boʻlinmalari solishtirma dalolatnoma nusxasini tasdiqlaydi va ularni budjet tashkilotlariga qaytaradi, bunda ikkinchi nusxasi gʻaznachilik boʻlinmalarida qoladi.

185. Qoʻshimcha davrda barcha operatsiyalar solishtirilgan aniqlangan budjetdan ajratilgan mablagʻlar asosida amalga oshiriladi.

186. Qoʻshimcha davrda kreditorlik qarzlari oʻtgan yilgi xarajatlar smetasining qaysi xarajat moddalari boʻyicha kreditorlik qarzlari mavjud boʻlsa, ushbu xarajat moddalari boʻyicha oʻrnatilgan tartibda qoplanadi.

187. Oʻtgan yilning xarajatlar smetasi hisobidan kreditorlik qarzlarni qoplashning imkoni boʻlmagan hollarda, kreditorlik qarzlarning qoplanishi qoʻshimcha davr tugagandan soʻng, quyidagi tartibda amalga oshiriladi:

birinchi navbatda oʻrnatilgan tartibda Budjet tashkilotlarining rivojlantirish jamgʻarmasi mablagʻlari hisobidan;

Budjet tashkilotining rivojlantirish jamgʻarmasida mablagʻlar mavjud boʻlmaganda yoki yetarli boʻlmagan hollarda, keyingi moliya yilining xarajatlar smetasida nazarda tutilgan mablagʻlar hisobidan.

Bunda, keyingi moliya yili xarajatlar smetasining tegishli moddasi boʻyicha qabul qilinadigan yuridik majburiyatlar summasi oʻtgan yilgi kreditorlik qarzlar summasini qoplashga yoʻnaltirilgan summaga majburiy yoʻnaltirish bilan oʻtgan yilda qoplanmagan kreditorlik qarzlari summasiga kamaytiriladi.

188. Hududiy gʻaznachilik boʻlinmalari rejali ajratilgan budjet mablagʻlaridan moliyaviy majburiyatlar ortiqcha qabul qilingan holatlar toʻgʻrisidagi maʼlumotni Oʻzbekiston Respublikasi Moliya vazirligi Nazorat-taftish bosh boshqarmasining tegishli hududiy boshqarmalariga tegishli choralar koʻrish uchun taqdim etadilar.

189. Keyingi moliya yilida, qoʻshimcha davr mobaynida gʻazna hisobvaragʻiga qaytarilgan oʻtgan yilning budjet mablagʻlari boʻyicha budjet tashkilotining debitorlik qarzi tiklangan kassa xarajatlari boʻlib hisobga olinadi va budjet tashkiloti tomonidan mahsulot yetkazib beruvchi (pudratchi) bilan tuzilgan solishtirma dalolatnomalar gʻaznachilik boʻlinmalariga taqdim qilinganidan soʻng, Budjet tashkilotining rivojlantirish jamgʻarmasiga oʻrnatilgan tartibda yoʻnaltiriladi.

190. Qoʻshimcha davr mobaynida budjet tashkilotlari tomonidan kreditorlik qarzlarni qoplanishi yoki iqtisod qilingan mablagʻlarni Budjet tashkilotining rivojlantirish jamgʻarmasi hisobvaragʻiga oʻtkazilishi boʻyicha toʻlov topshiriqnomalarni rasmiylashtirishda, toʻlov topshiriqnomalarining toʻlov maqsadida “oʻtgan yilning kreditorlik qarzlarini qoplash” yoki “oʻtgan yilda iqtisod qilingan mablagʻlarni Budjet tashkilotining rivojlantirish jamgʻarmasiga oʻtkazish” yozuvi yoziladi.

191. Qoʻshimcha davrda oʻtgan yilning kreditorlik qarzlarining qoplanishi, shuningdek iqtisod qilingan mablagʻlarning Budjet tashkilotining rivojlantirish jamgʻarmasiga oʻtkazilishi boʻyicha toʻlov topshiriqnomalari hududiy gʻaznachilik boʻlinmalariga qoʻshimcha davr tugashiga 5 ish kuni qolguniga qadar taqdim qilinadi.

Bunda, iqtisod qilingan mablagʻlarni oʻtkazish uchun toʻlov topshiriqnomalariga quyidagilar ilova qilinadi:

Qoraqalpogʻiston Respublikasi budjeti va mahalliy budjetlar qaramogʻidagi budjetdan mablagʻ oluvchilar boʻyicha — tegishli hududiy moliya organining xulosasi;

respublika budjeti qaramogʻidagi budjetdan mablagʻ oluvchilar boʻyicha — budjetdan mablagʻ oluvchining rahbari va bosh hisobchisi tomonidan imzolangan va iqtisod qilingan mablagʻlar summasi koʻrsatilgan xat.

Qoʻshimcha davr tugagunga qadar budjetdan mablagʻ oluvchilar tomonidan kreditorlik qarzlarni qoplanishi va ularning depozit hisobvaraqlarida (shaxsiy hisobvaraqlarida) budjet mablagʻlari boʻyicha qolgan, iqtisod qilingan mablagʻlarni oʻtkazish uchun toʻlov topshiriqnomalari taqdim qilinmagan taqdirda ushbu mablagʻlar oʻz maqsadini yoʻqotadi va yangi moliya yilida foydalanishga yoʻl qoʻyilmaydi.

192. Respublika budjeti qaramogʻidagi budjetdan mablagʻ oluvchilar boʻyicha ushbu Qoidalarning 179-bandiga muvofiq, foydalanilmagan mablagʻlar qoʻshimcha davr tugaguniga qadar respublika budjetining asosiy hisobvaragʻiga qaytariladi.

Bunda, toʻlov topshiriqnomaning toʻlov maqsadida “respublika budjetiga oʻtkazilishi lozim boʻlgan oʻtgan yilda foydalanilmagan mablagʻlar” yozuvi yoziladi.

Budjet tashkilotining iqtisod qilingan mablagʻlari hisobiga shakllangan Budjet tashkilotining rivojlantirish jamgʻarmasi mablagʻlarining sarflanishiga 1-fevraldan, faqat kreditorlik qarzlari mavjud boʻlmagan hollardagina ruxsat etiladi.

Kreditorlik qarzning mavjud yoki mavjud emasligini aniqlash uchun budjetdan mablagʻ oluvchilar tomonidan tegishli gʻaznachilik boʻlinmalariga mahsulot yetkazib beruvchilar bilan tegishli moliya yilining qoʻshimcha davr boshi hamda oxiriga tuzilgan solishtirma dalolatnomalar taqdim qilinishi lozim.

193. Qoʻshimcha davrda, shuningdek oʻtgan yil davomida ishlatilmay qolgan:

Oʻzbekiston Respublikasi Vazirlar Mahkamasining Zaxira jamgʻarmasidan ajratilgan mablagʻlar;

oʻtgan yil uchun Davlat tashqi qarzlarining qoplanishiga ajratilgan va oʻtkazilgan mablagʻlar respublika budjeti hisobvaragʻiga (RGʻH) qaytariladi.

194. Oʻtgan yil uchun Oʻzbekiston Respublikasi Vazirlar Mahkamasining Zaxira jamgʻarmasidan ajratilgan, shuningdek Davlat tashqi qarzlarini qoplanishiga ajratilgan va oʻtkazilgan mablagʻlarning ishlatilmagan qismining qaytarilishi keyingi yilning 10-yanvaridan kechikmasdan amalga oshiriladi.

195. Qaytarish uchun toʻlov topshiriqnomalarning toʻlov maqsadida:

Oʻzbekiston Respublikasi Vazirlar Mahkamasining Zaxira jamgʻarmasidan ajratilgan mablagʻlar boʻyicha “oʻtgan yil uchun Oʻzbekiston Respublikasi Vazirlar Mahkamasining Zaxira jamgʻarmasidan ajratilgan mablagʻlarning ishlatilmagan qismining qaytarilishi”;

oʻtgan yil uchun Davlat tashqi qarzlarining qoplanishiga yoʻnaltirilgan toʻlovlar boʻyicha “Oʻtgan yil uchun Davlat tashqi qarzlarini qoplash hisobiga mablagʻlarning oʻtkazilishi” yozuvi yoziladi.

196. Qoʻshimcha davrda buxgalteriya hisobi va hisobotini yuritish oʻrnatilgan tartibda amalga oshiriladi.

Bunda, moliya yiliga qoʻshimcha davrda kreditorlik qarzni toʻlash, shuningdek Budjet tashkilotlarining rivojlantirish jamgʻarmasiga iqtisod qilingan mablagʻlarni oʻtkazish boʻyicha operatsiyalar oʻtgan yilning kassa xarajatlari sifatida hisobga olinadi.

197. Gʻaznachilik boʻlinmalari qoʻshimcha davrda amalga oshiriladigan quyidagi operatsiyalarning hisobini yuritadi:

kreditorlik qarzlarini toʻlash;

Budjet tashkilotlarining rivojlantirish jamgʻarmasiga iqtisod qilingan mablagʻlarni oʻtkazish;

respublika budjetiga ishlatilmagan mablagʻlarni qaytarish.

198. Qoʻshimcha davr yakunlangandan soʻng gʻaznachilik boʻlinmalari oʻrnatilgan muddatlarda va tartibda tegishli Moliya vazirligiga yoki hududiy moliya organlariga mazkur Qoidalarning 12-ilovasidagi shaklga muvofiq, qoʻshimcha davrda amalga oshirilgan operatsiyalar summalari toʻgʻrisidagi maʼlumotni taqdim qiladilar.

Gʻaznachilik boʻlinmalari tomonidan taqdim qilingan yigʻma maʼlumotlar Qoraqalpogʻiston Respublikasi budjeti va mahalliy budjetlarning ijrosi toʻgʻrisidagi maʼlumotlar bilan birgalikda Qoraqalpogʻiston Respublikasi Moliya vazirligi, viloyatlar va Toshkent shahar moliya boshqarmalari tomonidan Oʻzbekiston Respublikasi Moliya vazirligiga oʻrnatilgan muddatlarda taqdim qilinadi.

199. Budjet mablagʻlarining erkin qoldiqlari:

hududiy gʻazna hisobvaraqlardagi moliya yili yakuniga mavjud qoldiq mablagʻlari, budjetdan tashqari Pensiya jamgʻarmasi mablagʻlari, maktabgacha va maktabdan tashqari taʼlim muassasalarida bolalarni saqlash uchun ota-onalarning toʻlovlari hamda musiqa va sanʼat maktablarida bolalarni oʻqitish uchun toʻlovlar, moliya yiliga qoʻshimcha davrda amalga oshirilgan operatsiyalarni hisobga olgandan tashqari hududiy gʻazna hisobvaraqlardagi mavjud mablagʻlar doirasida, oʻrnatilgan tartibda;

Oʻzbekiston Respublikasi respublika budjeti, Qoraqalpogʻiston Respublikasi budjeti va mahalliy budjetlar boʻyicha (HGʻH ishlatmagan holda gʻazna ijrosiga oʻtgan) moliya yili yakuniga, qoʻshimcha davrda amalga oshirilgan operatsiyalarni hisobga olgan holda, oʻrnatilgan tartibda aniqlanadi.

X. Yakuniy qoidalar

200. Budjetdan mablagʻ oluvchilar tomonidan budjet mablagʻlarining maqsadli ishlatilishi ustidan nazorat qonunchilikka muvofiq Oʻzbekiston Respublikasi Moliya vazirligi Nazorat-taftish bosh boshqarmasi va uning hududiy boʻlinmalari tomonidan amalga oshiriladi.

201. Budjetdan mablagʻ oluvchilarning rahbarlari va bosh hisobchilari qonunchilikka muvofiq:

budjet mablagʻlaridan oqilona foydalanishga;

mahsulot yetkazib beruvchilar bilan tuzilgan shartnomalarning toʻgʻri rasmiylashtirilishi va asosliligi va ularning qonunchilikka muvofiqligiga;

IV guruh mablagʻlari hisobidan olinadigan naqd pul mablagʻlarining asosliligi hamda maqsadli ishlatilishining taʼminlanishiga;

gʻaznachilik boʻlinmalariga taqdim qilinadigan tovar (ish, xizmat)lar yetkazib berilganligini tasdiqlovchi birlamchi hujjatlar va boshqa hujjatlarning, gʻazna hisobvaragʻidan amalga oshirish uchun toʻlov topshiriqnomalar va naqd pul uchun soʻrovnomalarning haqqoniyligiga;

chek daftarchalarining saqlanishiga;

mahsulot yetkazib beruvchilar oldidagi qarzdorlikning toʻgʻri aniqlanishiga javobgardirlar.

202. Gʻaznachilik boʻlinmalari qonunchilikka muvofiq budjetdan mablagʻ oluvchilarning roʻyxatga olingan shartnomalarini xarajatlar smetalarida, shuningdek kapital qurilish xarajatlari boʻyicha esa — qurilish obyektlarining oylik yoyilmalari boʻyicha (Davlat budjeti hisobidan kapital qurilish obyektlari boʻyicha xarajatlar smetalarida) nazarda tutilgan rejali ajratilgan budjet mablagʻlariga muvofiqligiga va mazkur Qoidalarning talablariga muvofiqligiga va budjetdan mablagʻ oluvchilarning xarajatlari toʻlovi ustidan nazoratning toʻgʻri amalga oshirilishiga javobgardirlar.

203. Gʻaznachilik boʻlinmalari xodimlari qonunchilikka muvofiq, elektron toʻlov topshiriqnomalarning “Gʻaznachilik” dasturiy majmuida toʻgʻri shakllantirilishi va ular toʻlovini “Bank-mijoz” dasturiy majmui orqali amalga oshirilishiga, naqd pul mablagʻlari olish uchun cheklarning mazkur Qoidalar va Oʻzbekiston Respublikasi Markaziy banki meʼyoriy hujjatlari talablariga muvofiq toʻgʻri rasmiylashtirilishiga shaxsan javobgardirlar.

204. Mazkur Qoidalar Oʻzbekiston Respublikasi Markaziy banki bilan kelishilgan.

Markaziy bank raisi F. MULLAJONOV

2009-yil 4-avgust

Davlat budjetining gʻazna ijrosi qoidalariga 1-ILOVA

Davlat budjetining gʻazna ijrosi qoidalariga 2-ILOVA ‎‎‎‎

* Budjetdan mablagʻ oluvchining gʻaznachilik boʻlinmasida ochilgan tegishli shaxsiy hisobvaragʻi (shaxsiy hisobvaraqlari) koʻrsatiladi;

Davlat budjetining gʻazna ijrosi Qoidalariga 2a-ilova

* Budjetdan mablagʻ oluvchining gʻaznachilik boʻlinmasida ochilgan tegishli shaxsiy hisobvaragʻi (shaxsiy hisobvaraqlari) koʻrsatiladi;

** Budjetdan mablagʻ oluvchining budjetdan tashqari mablagʻlari boʻyicha talab qilib olinguncha hisobvaragʻi koʻrsatiladi.

Davlat budjetining gʻazna ijrosi qoidalariga 3-ILOVA

* Boʻlim, bob, paragraf va xarajatlar moddasi koʻrsatiladi;

** Ushbu satr budjetdan mablagʻ oluvchilar tomonidan qonun hujjatlarida belgilangan tartibda elektr energiyasi yetkazib berish, kommunal xizmatlar koʻrsatish, aloqa xizmati va boshqa shunga oʻxshash har oy koʻrsatiladigan xizmatlar koʻrsatish uchun shartnomalar boʻyicha oldindan toʻlov amalga oshirilgan hollarda toʻldiriladi.

Davlat budjetining gʻazna ijrosi qoidalariga 4-ILOVA

Davlat budjetining gʻazna ijrosi qoidalariga 5-ILOVA

Davlat budjetining gʻazna ijrosi qoidalariga 6-ILOVA

* Ushbu satrlar shartnomalar tuzilishini talab qilmaydigan yuridik majburiyatlar qabul qilinganda (davlat bojlari, aʼzolik badallari va boshqa shunga oʻxshash xarajatlar toʻlanganda) toʻldirilmaydi.

Davlat budjetining gʻazna ijrosi qoidalariga 7-ILOVA

Davlat budjetining gʻazna ijrosi qoidalariga 8-ILOVA

* Budjetdan mablagʻ oluvchilar Gʻaznachilik boʻlinmasiga ishonchnomani gerbli blankda taqdim etadilar, gerbli blank (firmenniy blank) mavjud boʻlmaganda esa budjetdan mablagʻ oluvchilar burchakli shtamp qoʻyilgan holda toza varaqda taqdim etadilar.

Davlat budjetining gʻazna ijrosi qoidalariga 9-ILOVA

Davlat budjetining gʻazna ijrosi qoidalariga 10-ILOVA

Davlat budjetining gʻazna ijrosi qoidalariga 11-ILOVA

Davlat budjetining gʻazna ijrosi qoidalariga 12-ILOVA

(Oʻzbekiston Respublikasi qonun hujjatlari toʻplami, 2009-y., 38-son, 422-modda)