Majburiy tartibda sertifikatlanadigan mahsulot turlari roʻyxatiga qoʻshimchalar kiritish toʻgʻrisida (241-son)

21.08.2009

Oʻzbekiston Respublikasi Vazirlar Mahkamasining

qarori

Isteʼmolchilarning sogʻligʻini muhofaza qilishni kuchaytirish va ularning huquqlarini himoya qilish, oziq-ovqat mahsulotlarining sifati va xavfsizligini nazorat qilish darajasini oshirish maqsadida Vazirlar Mahkamasi qaror qiladi:

1. Vazirlar Mahkamasining 2004-yil 6-iyuldagi 318-son qarori (Oʻzbekiston Respublikasi QT, 2004-y., 7-son, 63-modda) bilan tasdiqlangan Majburiy tartibda sertifikatlanadigan mahsulot turlari roʻyxatiga ilovaga muvofiq qoʻshimchalar kiritilsin.

2. Vazirliklar va idoralar bir oy muddatda idoraviy normativ-huquqiy hujjatlar ushbu qarorga muvofiqlashtirilishini taʼminlasinlar.

3. Mazkur qarorning bajarilishini nazorat qilish Oʻzbekiston Respublikasi Bosh vazirining oʻrinbosari U.U. Rozuqulov zimmasiga yuklansin.

Oʻzbekiston Respublikasining Bosh vaziri Sh. MIRZIYOYEV

Toshkent sh.,

2009-yil 21-avgust,

241-son

Vazirlar Mahkamasining 2009-yil 21-avgustdagi 141-son qaroriga 1-ILOVA

Majburiy tartibda sertifikatlanadigan mahsulot turlari roʻyxatiga kiritilayotgan qoʻshimchalar

1. 30-pozitsiyadan keyin quyidagi mazmundagi 30-1-pozitsiya qoʻshilsin.

2. Izohga quyidagi mazmundagi xatboshi qoʻshilsin:

“** faqat oziq-ovqat sanoatida, farmatsevtika mahsulotlari va mollar uchun ozuqa ishlab chiqarishda qoʻllaniladiganlari”.