“Oʻzbekiston havo yoʻllari” MAK havo kemalari parkini yangilash va unifikatssiyalashning chora-tadbirlari toʻgʻrisida (198-son)

13.07.2009

Oʻzbekiston Respublikasi Vazirlar Mahkamasining

qarori

“Oʻzbekiston havo yoʻllari” milliy aviakompaniyasining havo kemalari parkini yanada yangilash va unifikatsiyalash, havo transportida tashishlarning iqtisodiy samaradorligi va xavfsizligini oshirish maqsadida Vazirlar Mahkamasi qaror qiladi:

1. “Oʻzbekiston havo yoʻllari” MAK:

“Boeing” kompaniyasi (AQSH) bilan toʻrtta “Boying-767-300ER” va ikkita “Boeing-787-800” samolyotlarini, “Eyrbas Indastri” kompaniyasi (EC) bilan oʻnta “A-320-200” samolyotlarini, shuningdek, dvigatel ishlab chiqaruvchi kompaniyalar bilan “A-320-200” va “Boeing-767-300ER” samolyotlari uchun hisoblangan qiymatdagi ehtiyot dvigatellarni sotib olish yuzasidan kontraktlar tuzganligi;

oʻz mablagʻlari hisobidan “Boeing” kompaniyasiga 11,3 million AQSH dollari va “Airbus Industry” kompaniyasiga 12,8 million AQSH dollari miqdorida avans toʻlovlarini qisman amalga oshirganligi maʼlumot uchun qabul qilinsin.

Oʻzbekiston Respublikasi Prezidentining 2009-yil 9-iyuldagi F-3222-son farmoyishi bilan “Eyrbas Indastri” va “Boeing” kompaniyalari samolyotlarini sotib olish boʻyicha moliyaviy ekspertiza va texnik-iqtisodiy asosni ishlab chiqish komissiyasi tashkil etilganligi belgilab qoʻyilsin.

2. “Oʻzbekiston havo yoʻllari” milliy aviakompaniyasining oltita “A-320-200” samolyotini yetkazib berish muddatlarini 2011-2012-yillardan 2010-yilning ikkinchi yarim yilligiga koʻchirish toʻgʻrisidagi taklifi qabul qilinsin.

3. Quyidagilar “Oʻzbekiston havo yoʻllari” milliy aviakompaniyasi uchun yangi texnika (toʻrtta “Boeing-767-300ER” samolyoti va ularga ehtiyot dvigateldan tashqari) sotib olishni moliyalashtirish manbalari etib belgilansin:

10 foiz — “Oʻzbekiston havo yoʻllari” MAKning oʻz mablagʻlari;

50 foiz — Oʻzbekiston Respublikasi Tiklanish va taraqqiyot jamgʻarmasining Oʻzbekiston Respublikasi Tashqi iqtisodiy faoliyat milliy banki orqali qayta moliyalashtiriladigan, 10 yil muddatga, shu jumladan 3 yillik imtiyozli davr bilan yillik 4,5 foiz stavka bilan, shu jumladan, 0,5 foiz stavkada qayta moliyalashtiruvchi bankning marjasi bilan beriladigan kreditlari;

40 foizi — “Oʻzbekiston havo yoʻllari” milliy aviakompaniyasi tomonidan jalb etiladigan xorijiy banklar kreditlari.

Toʻrtta “Boing-767-300ER” samolyoti va ularga ehtiyot dvigatel boʻyicha quyidagilar moliyalashtirish manbalari hisoblanishi maʼlumot uchun qabul qilinsin:

birinchi va ikkinchi samolyotlar, shuningdek, zaxira dvigatel boʻyicha — texnika qiymatining 90 foizi miqdorida Oʻzbekiston Respublikasi Tiklanish va taraqqiyot jamgʻarmasining kreditlari va texnika qiymatining 10 foizi miqdorida “Oʻzbekiston havo yoʻllari” MAKning oʻz mablagʻlari;

uchinchi va toʻrtinchi samolyotlar boʻyicha — texnika qiymatining 100 foizi miqdorida Islom taraqqiyot bankining (ITB) moliyaviy mablagʻlari;

Belgilab qoʻyilsinki, jalb etilayotgan kreditlarni qaytarish “Oʻzbekiston havo yoʻllari” milliy aviakompaniyasining umumiy tijorat faoliyatidan tushadigan mablagʻlar hisobiga amalga oshiriladi.

4. “Oʻzbekiston havo yoʻllari” MAKga:

Oʻzbekiston Respublikasi Tiklanish va taraqqiyot jamgʻarmasi hamda Tashqi iqtisodiy faoliyat milliy banki bilan birgalikda Oʻzbekiston Respublikasi Tashqi iqtisodiy aloqalar, investitsiyalar va savdo vazirligida ekspertizadan oʻtkazilgan holda tuzilgan kontraktlar asosida oltita “A-320-200” samolyoti va ularning bitta ehtiyot dvigatelini xarid qilish boʻyicha avans toʻlovlarini 2009-2010-yillarda 2-ilovaga muvofiq jadval boʻyicha amalga oshirishga;

xarid qilinayotgan samolyotlar uchun butlovchi buyumlarni yetkazib beruvchi korxonalarning eng maqbul takliflarini tanlov savdolari asosida tanlashga (bunda ushbu buyumlarni samolyotlarni ishlab chiqaruvchilar tomonidan xarid qilish va ularning kafolatlari boʻyicha barcha huquqlarni “Oʻzbekiston havo yoʻllari” MAKga topshirish) ruxsat berilsin.

5. Oʻzbekiston Respublikasi moliya vaziriga:

“Oʻzbekiston havo yoʻllari” MAKning 2009-2010-yillarda avans toʻlovlarini moliyalashtirish maqsadida beriladigan Oʻzbekiston Respublikasi Tiklanish va taraqqiyot jamgʻarmasining qayta moliyalashtiriladigan kreditlari boʻyicha majburiyatlarini taʼminlash uchun Oʻzbekiston Respublikasi Tashqi iqtisodiy faoliyat milliy bankiga kafolat berish vakolati berilsin.

6. Oʻzbekiston Respublikasi Adliya vazirligi Oʻzbekiston Respublikasining kafolati boʻyicha belgilangan tartibda yuridik xulosa bersin.

7. Oʻzbekiston Respublikasi Tashqi iqtisodiy faoliyat milliy banki Oʻzbekiston Respublikasi Moliya vazirligi va “Oʻzbekiston havo yoʻllari” milliy aviakompaniyasi bilan birgalikda eng yaxshi tanlov takliflarini tanlab olish asosida xarid qilinadigan texnika qiymatining 40 foizini mablagʻ bilan taʼminlash uchun xorijiy banklar tanlab olinishini taʼminlasin.

8. Mazkur qarorning ijrosini nazorat qilish Oʻzbekiston Respublikasining Bosh vaziri Sh.M. Mirziyoyev zimmasiga yuklatilsin.

Oʻzbekiston Respublikasi Prezidenti I. KARIMOV

Toshkent sh.,

2009-yil 13-iyul,

198-son

Vazirlar Mahkamasining 2009-yil 13-iyuldagi 198-son qaroriga 2-ILOVA

Oʻzbekiston Respublikasi Tiklanish va taraqqiyot jamgʻarmasi krediti mablagʻlari hisobiga “Oʻzbekiston havo yoʻllari” MAKning oltita A-320-200 samolyoti va bitta zaxira dvigatel uchun avans toʻlovlarini moliyalashtirish

JADVALI